曾智華 - 未婚夫婦旅遊陷阱|祿祿無窮
2022/12/09 03:12:56 網誌分類: 生活
標題為——印尼立法禁婚前性行為、外籍居民遊客同受監管。
唔好自己呃自己嘞,你估半世紀前咩(嗰時怕且都已經很難),要求青年男女不准婚前性行為?除咗極端宗教主義外,真係完全脫離現實!
本來,各處鄉村各處例,印尼既為穆斯林人口最多的國家,只要國民同意遵守,通過任何法例,外人皆不應「說三道四」,干涉「別國內政」。但佢推出的法例,影響埋遊客及海外僱員及投資者,咁就完全唔同講法嘞。
呢條法例若真的通過,外資及遊客想唔走過清光都幾難!
正常自由社會,必定尊重成年人在私人地方,尤其家庭間所做的事情,因各國有不同習俗與道德觀。如今印尼硬要時光倒流七十年,將避孕、婚前性行為、婚外情、婚外性行為一夜橫掃千軍,全變刑事,犯者拉去坐監,重要遊客同一對待?
哎吔吔,好在小女已成婚,否則,一定唔俾佢同未婚夫去印尼旅行,容乜易我要去探監?真係荒天下之大謬!
重有,海外投資者及僱員咁鬼寂寞,尤其男的,你叫佢日日食齋?除非不是正常思維又冇得揀,否則,真係傻咗嘅先會去印尼嘞!
曾智華
回應 (0)
我要發表