曾智華 - 高官核突習慣｜祿祿無窮
2023/06/23 03:23:03 網誌分類: 生活
美國聯邦儲備局主席鮑威爾及英國外相祈湛明乃最佳例子。佢哋有乜壞習慣呢？正是翻開文件準備朗讀時，會不自覺將手指公然放入口舐，然後用口水黐起紙張，以方便揭開。這個不衛生又異常的舉動，小弟上一輩阿叔阿伯最喜歡做，不但毫不避忌，兼且任何時候，無論面對乜人都照做。但唔知點解，近20年似乎全面消失。起碼不再見到有頭有面者，在說話前會用口水先「濕潤」手指公咁核突。
上述兩位現代美國及英國高官，則在新聞直播中肆無忌憚咁次次做，總之次次開口讀文件前就舐舐舐，核突「老叔父」款。究竟有冇人提過佢哋呢？抑或在英美官場，此乃「正常習慣」？
高官核突習慣，香港也有。20年前，小弟與一位後來升到頂級的高官晚飯，此君穿着貴價西裝，呔針袖口鈕有齊，恤衫也白雪雪熨得挺直。不過，當大家兩杯到肚，去到甜品之前，奇景出現！佢竟隨手拉起枱布一角抹嘴！1下2下3下咁抹，完全若無其事，動作自然！
曾智華
回應 (0)
我要發表