留下的東西
2020/09/22 04:12:49 網誌分類: 生活
七個月前，蓮婆婆撐住枴杖來找小董，她的駝背讓脊椎受影響，步速超慢，我急步上前扶她坐上椅子。「腰腿疼痛、食唔落、瞓唔到、大便稀、皮膚痕、早晚咳嗽、頭暈、無力⋯⋯醫院話我無病喎！不過係因為太老，所以啲身體唔中用囉！」細問下，蓮婆婆沒嫁人，九十多年獨來獨往，四診之後小董問出一件大事：婆婆陰道滲血一段時間！以下一段對話，每一句令我的心在淌血：「婆婆，你要去醫院做婦科檢查啊！」「我去過了，佢哋話要排期做檢查，等咗大半年未有消息。」「你有無肚痛呀？」「日日都有，食嘢又痛、唔食又痛、瞓低都痛⋯⋯私家醫生話要使好多錢驗同照片，所以無去睇啦！小董，睇你要唔要使好多錢㗎？我每個月得啲老人金，唔知夠唔夠睇到好番呢？」「婆婆你想唔想去照下個肚仔呀？唔使錢仲即刻可以做O添！」她歎一口氣：「自己知自己事，照到有問題又如何呢？我九十幾歲啦，無欲無求，無謂自己嚇自己啦！」小董接受其人生哲理：「婆婆，你以後每兩個禮拜嚟見我一次，每次免費攞藥之餘仲有一千蚊保健金，獎賞你長途跋涉嚟睇醫生！」她那一刻的微笑，小董銘記於心。
這一天來到了，這一張討人厭的字條代表蓮婆婆病入膏肓，她叫人把話傳給我，因她曾跟我說：「九十年來，我最不捨得的是妳！我最後唯一的親人！」
上周一，小董逃工，藉口是扭傷腰骨，其實去了送蓮婆婆一程，心痛得無法形容，身邊人說：「別把情感投進妳的病人太深，很傷身啊！」我的答案是：「情感和感情都一樣，我們都是真心對待的，病人跟家人都一樣，必須盡力去愛！」
蓮婆婆，你安息吧！我會把你留下的送給下一位有需要的病人，對，是「保健金」！查詢：2803-4028/2338-9090
小董
回應 (0)
我要發表