投注不得不信邪

2020/11/30 04:13:34 網誌分類: 生活

30 Nov

        　　無論信唔信，人有三衰六旺，總會發生一些事情，令人無法反駁，搬出甚麼「人定勝天」、「事在人為」等，硬拗而已。

        　　玩馬縱係娛樂，玩得就無人想輸，卻總會碰到有手風欠順的日子。我們玩馬，練馬師練馬，騎師騎馬，都不過是人，一樣會有手風順、手風唔順的時候。不想用陰謀論作為硬拗藉口，你可以唔信，反正我信就可以。再者我手寫我心，只會寫自己相信的，身為馬迷有得揀，可以決定買定唔買，無人逼到你。馬迷大部份都係個體戶，根本無長線可言，一定係短炒。

        　　投注之前，計馬、計騎練，不時更要計埋自己。買親某某人多數輸，就當無得解，點可以唔避？尤其係練馬師，個幾兩個月無馬贏是好平常，跟唔貼不打緊，投注之前，睇睇馬房表對上一次贏馬係幾時，睇到該輪某某手風欠順，有時都要避一避！

        子健