五班賽易玩易中

2020/12/07 04:13:48 網誌分類: 生活

07 Dec

        　　身邊不少朋友，對五班賽有誤解，不求了解便先入為主，以為亂局多，又常爆冷，事實剛好相反。

        　　今季五班賽三十七匹頭馬，大熱勝出率達三分一，最冷頭馬「威紫荊」，只不過三十四倍，次冷已是十七倍的「喜盈運」，逾九成頭馬，均屬十倍以下，睇完最新數據，有何感想呢？

        　　數字無呃人，更清楚說明，低班馬戰鬥力分野，遠比高班馬大，身為投注者，應該捨難取易，選擇更易玩、更易中場合。

        　　原有五班馬，當銳馬佔少數，若無較強的四落五班馬，優勢更明顯，不論田草、谷草、泥地，短、中、長途賽都如是。

        　　大多數五班賽，選擇範圍都唔闊，先揀當銳，不必眷戀往績，有較強四落五班馬，可先揀一、兩隻，若無的話，可供揀選當銳馬，來去只得三、四隻馬，事實證明又唔難中，何須抗拒五班賽呢？

        子健