筆泰沖動｜新蝙蝠俠在泰國 - 胡慧沖
2022/03/01 04:12:30
網誌分類:
生活
全球拭目以待的電影《蝙蝠俠》將於3月3日在泰國上映，而3月2日更會有一場特別的粉絲場，估計會有很多泰國的粉絲將打扮成蝙蝠俠入場睇戲！而為了宣傳新戲，各大戲院也有職員打扮成蝙蝠俠招待顧客，此外各商場亦陸續出售蝙蝠俠主題T恤、紀念品甚至糖果。每次泰國有大片上映的時候，戲院總會有特別設計的爆谷盒和汽水杯發售，今次亦不例外，蝙蝠俠頭像造型的爆谷盒，打開個腦就可以將爆谷放進去，超級有趣！多年前我都有收藏這類型電影爆谷盒，但久而久之積存太多了，冇地方擺放，而且基本上都係睇多過用，結果唯有拒絕再買！
直至今次，話晒係蝙蝠俠，點都要支持一下！雖然自己不算是新一代蝙蝠俠的粉絲，但自小對蝙蝠俠有情意結，所以一定會入場觀看。其實對於近年一些英雄人物電影不斷黑暗化、人性化有點討厭和抗拒，無奈大勢所趨都要接受，正如占士邦會死，可能蝙蝠俠會喊，所以都要好好面對……至於香港朋友，希望疫情會早日過去，更加多超級英雄等緊大家，蝙蝠俠之後有奇異博士，更有閃電俠、水行俠等等，留得健康在，哪怕冇戲睇！
胡慧沖
回應
(0)
我要發表