胡慧沖 - 曼谷嘗日式 Omakase | 筆泰沖動

　　香港人去泰國旅行鍾意食泰國菜，但其實泰國當地人亦好鍾意食日本菜，所以各大商場和街上總有大大小小不同的日本餐廳，而近年更加流行所謂廚師發辦Omakase。

　　這些廚師發辦的餐廳，有部分真係由日本籍廚師打點一切，部分則由泰國廚師主理，唔理係邊度嘅廚師都好，最緊要好食同抵食。

　　曾經試過一間超級豪華嘅Omakase店，食一餐足足要4小時，而且價錢差不多1萬銖，當然係有佢嘅賣點，尤其是識食嘅人更可能覺得部分食材好珍貴、好新鮮，但我等凡夫俗子或者一般遊客未必負擔得起。所指未必負擔得起唔係指價錢，而係講緊花4小時食一餐飯……

　　最近曼谷一間連鎖日本餐廳就喺樓上開設一間Omakase店Shinkanzen Omakase Siam Square，廚師發辦17道菜約1,500銖，過程1小時左右可以搞定。每日分為4個時段，自己試過食物質素頗有水準，而且有驚喜，更重要就係在BTS Siam站附近，唔駛專登搭的士去，都算方便。

　　唔知道香港食廚師發辦價錢係幾多，但喺泰國，以曼谷呢一間店來講，大概300港元有交易，喜歡廚師發辦的都可以一試。

胡慧沖