胡慧沖 - 去曼谷搵四哥 | 筆泰沖動

  所指四哥並唔係謝賢，而係一位居住在泰國嘅香港朋友，一位老先生。

　　呢位先生居住喺泰國已經好多年，十分低調，有自己嘅家庭也有自己生意，包括酒店、酒吧同埋餐廳，地點正正喺Silom路之上。

　　作為香港人，當然知道香港人嘅需要，所以佢間酒店標榜價錢平、設備充足。雖然唔係五星酒店，沒有泳池也沒有Spa，但千多銖的價錢仲要近BTS Chong Nonsi站，受歡迎皆因夠平！

　　樓上的天台餐廳酒吧被泰國媒體稱為性價比最高的一間，雖然位置唔係好高，但環境幾唔錯，都好多外國遊客和本地人來光顧，最緊要夠平！而最近更加大展拳腳，在酒店外面加開居酒屋部分，食物價錢相宜，每個月都有不同優惠推出，所以都係一句：夠平！

　　基本上如此配套如此價錢，應該係香港人做老闆先至可以做得到，尤其是佢老哥久唔久都會喺酒店出現，大家同聲同氣，如果有咩問題搵佢幫手，應該都可以為你指點迷津。人在異鄉如果遇到自己人，感覺應該都幾親切，酒店名字就是天堂（Heaven）。

胡慧沖