胡慧沖 - 新春遊曼谷｜筆泰沖動

新一年新開始，泰國曼谷因為華人多，所以同樣重視農曆新年，每逢臨近新年，都會有許多商場舉行慶祝活動，甚至乎換上應節裝飾擺設，還有展銷會、美食節等等，眼見泰國人一個二個着到「紅噹噹」行出街，都真係十分之應節！

而今個農曆新年期間，位於Sukhumvit區一個名叫Emsphere的新商場，便搞了一個小型的「龍市場」，實情就是商場內的一個美食廣場，取名龍市場固然就是為龍年而設，裏面有十多個Booth，售賣各種與賀年過節有關的美食，除此之外，更加有一些是在出面其他地方未必搵到，只有這裏才有售的精巧食品。美食以外，商場外面還特設由泰國藝術家創作的十二生肖龍公仔畀大家影相打卡。

而鄰近的公園同樣精彩，於2月8日至11日一連四晚，到了晚上7時半更加舉行金龍匯演，加上有泰國藝人演出，相當有氣氛，亦可能係全曼谷唯一一個如此有賀年感覺的地方！所以此時此刻如果大家到來泰國曼谷旅遊，又想感受賀年氣氛及影相打卡，就可以去到這個Emsphere商場睇睇。

胡慧沖