曾智華 - 呢條牛𦟌堅好得|祿祿無窮
2022/11/11 03:12:46 網誌分類: 生活
與其浪費時間及電油,好,就泊入去啦。廿幾蚊一個鐘,以今天消費水平計,算平喇!
這個廣場人流不多,故要用泊車優惠吸客,彈性比其他商場大。只要消費一百 ,就免一小時,兩百就免兩小時,如此類推。
速速辦完公事後,望望錶,仍有半小時,諗諗,消費一百就送廿幾蚊,咁就買啲嘢啦,反正,行入超市,必有啱使的飲品或食物。這處的刺身質素相當不錯,價錢適中。
行呀行,行埋新鮮牛肉櫃枱,望入去,咦,不同國家的牛扒好靚仔喎。但最吸引,為三條粗身,一睇就知彈力十足的澳洲和牛金錢𦟌,三十二元一百克,唔貴。
好!立即要一條,盛惠一百二十大洋,夠晒泊車。
交家中菲傭姐姐Sally決定點整,佢決定炆咖喱。晚餐上枱,夾片入口⋯⋯嘩嘩嘩,冇得頂,遠比想像好味,級數大幅彈離街市的本地牛𦟌,又腍又香又軟又多汁,喜出望外!和牛,真的個個部位都寧舍不同,感謝食神突然上身!
曾智華
回應 (0)
我要發表