林月庭 - 脆皮海參｜甘美人生

2023/06/12 03:22:20 網誌分類: 生活

12 Jun

「唐述」掌舵人兼廚藝總監周世韜，以「由唐人去講述和演繹中菜」為宗旨，中菜為本，放眼世界，採用西方食材，運用西餐烹調技巧，打造非一般的中菜。

「杏汁花膠川貝燉靜岡蜜瓜湯」，高湯加入鮮磨杏汁煲花膠川貝，豐潤滋養神來之筆是添一塊靜岡蜜瓜，注入清香甜味，令湯水大昇華。「私房乾鮑魚．脆皮海參」，鮑魚以老雞蠔汁炆，味道無得輸；黑色大大粒的似黑松露，下刀卜卜聲響，原來是竹炭加麵粉搓皮油炸，酥脆可入，內裏是軟糯的海參，真正做到「外脆內軟」，食趣比鮑魚更高。

「金沙奶皇蝦」，在鹹蛋黃蓉中加入奶粉，包裹大虎蝦炸，減了鹹卻加入奶脂的柔順美味，好吃得很，只是吃一件可以，第二件就有點飽滯感。

「砂鍋炒飯」，材料豐富，有乾魚子醬、鮮蟹肉、伊比利亞豬肉丁、日本雞蛋、紅蔥頭、細香蔥和自家秘製的XO醬，餡料與飯粒差不多各佔一半，炒功一流，飯粒分別，乾身又有嚼勁，是不中不西、又中又西的極品炒飯。
林月庭