永不放棄
2009/05/27 17:44:04 網誌分類: 寫作
世界輪流轉,以前做戲當奸角的,永遠不受歡迎。自從去年無線的視后,由飾演奸角的米雪獲獎,證明了只要演技好,奸角一樣有人喜愛的。或者奸角的性格更貼近現代人性吧!
記得童年時,曾聽母親說以前粵語片時代,石堅做的奸角最出色,每部電影都是做奸的,其中夥拍關德興的黃飛鴻電影,更深受海外影商歡迎。又有譚蘭卿、黃曼梨、李香琴、羅蘭等等,都是出色的奸角演員。
今期東周刊訪問了在「巾幗梟雄」中飾演蔣必文的敖嘉年。等了十三年,他終於憑著這個敗家仔的角色冒起頭來,被觀眾認識和受落。以前的他總被冠以「大配角」的稱號,根本沒人知道他的名字。因為一部好的電視劇,令一個捱了十多年也不知前路去向的年青人,重新訂立目標。訪問最末一段,他感謝女友不離不棄的支持和信任,更慶幸自己沒有因為挫折而放棄演藝事業。他深信只要自己一天不放棄,面前總有機會。結果,今天的他終於看見天上的彩虹。
除了他,戲中還有飾演大奶奶的謝雪心,從前在亞視默默耕耘,今天大小周刊都爭相報導她過去的威水史,包括她是孔子的後人。還有那位飾演彭鏗的李成昌,他戲路縱橫,能忠能奸,在電視圈打滾了二十多年,是位不可多得的好演員。近期冒出了很多實力派的演藝人士,如Laughing哥謝天華、柴九黎耀祥,還有太多二三線的好演員了。雖然他們不是主角,但演技同樣精彩!
人生有幾多個十年?「機會」永遠只給有準備的人。只要好好裝備自己,一朝時來運至,總有連本帶利收回的一天。別少看自己的能力和擔當的角色,遇挫折更別要輕言放棄。因為「人生滿希望」,還有「希望在明天」!
後記:石堅先生於2009年6月3日離開大家了,我們將永遠懷念他!
我都係 太好睇
Lawrence,原來係咁。
慳妹姐,套劇好好睇架,尋晚睇到我又眼濕濕呀。今晚大結局,一於唔出街,坐定定睇電視。
我冇睇所以冇意見,不過食飯時見到節目預告,男演員肯剃頭都算係咁啦;如果拍清裝片唔剃頭,惜髮如金,咁唔尊重歷史不如唔好拍。
話晒叫得 "頭條四奶奶" 就好似劇入面一樣, 一定有好多朋友, 家人愛鍚, 全條村嘅人也會支持你 ! 所以 , 守緊寡,都唔緊要啦 ! 卡卡卡卡 !
壽哥,睇一集唔夠架,如果由頭開始睇,你就會明白佢點解咁吸引觀眾。真架。
好奇,今日終於睇了一集《巾幗梟雄 》... 我還是喜歡國內那套《潛伏》。
謝謝立冬,視覺享受了你的粽子,很滿足呢!
送上漂亮的星星星報答你呢!哈哈!
咁我即係守緊寡,好慘喎。 卡卡卡卡
剛剛睇完今集, 即刻諗到你個 post !
立冬幾時攪番個 "立冬幫" , 你實在係頭條網的 "四奶奶"
心香兄,我一連吃了兩晚糉餐,好飽啊,冰箱仲有隻裏蒸糉,要清埋佢先煲得湯啊。
立冬:晚安!
今天是端午節沒有整『幸福湯水』咩?
再送大糉祝 端午節快樂!
實力就是硬道理呀,雖然呢個世界對實力派有時都好殘忍,係要等到人黃珠老先俾機會.
Danny,係呀,心姐的眼神好犀利,奸到骨子裡呀,選角選得好好!要讚監制李添勝呀。
石仁哥講得好,性格鮮明是角色成功的最大原因!
入面係豬肉啊。家姐的糉子是全世界最好味的,食過呢隻你永遠以呢隻為標準,又或者我個人比較專一啦。(真係好食過好多名店架。 )
大臣哥,我淨係識咸肉糉,上面果兩隻就係啦。你介紹一下俾大家知啦。
啲棕好靚,內餡紅色,是火腿呀!
早晨,自己來,不客氣了.......
立冬對戯劇也很有硏究.......柴九這個小人物..在黎祥傳神的演譯下.令人大叫精彩...幕後編劇的對白設計也是功不可沒的...說話理直則氣壯...對是非黑白..應要指陳糾正的.就不畏强權或眾口顛倒混淆...對於義對於情.絶不含糊.絶不窩囊...
可能就是這個性格令人產生好感??!
甘碱水棕呢,识唔识啊?唔识就难解释了。
今晚真係精彩,演技派各有發輝的機會.謝雪心真係奸得好陰濕.食咗你都唔知.為求達到目,她真是永不放棄,去到盡.
做過大戲的關目真係唔同既,好戲,好戲...唔比星点得呀.可惜得一粒推介,想加都冇得加.
對,機會只給有準備和有實力的人! Susan Boyle是另一例子。
好背,敖嘉年未聽過
實力派演員出色表現,近期有杜琪峰班底:林家棟,邵美琪,林雪,任達華,林熙蕾等,他們共同拍的幾部電影我都看過,很不錯。
有糉就嚟!
端午節快樂!
永不放棄
再加永不言敗。
好強星一粒
係呀 , 有時我都睇到熱淚盈眶 ! 四奶奶 + 柴九果段情 (愛情 / 友情 - 關懷與默契) ; 必蠢到必正的轉變 , 都係睇得令人好感動 !
Sister立冬噢 ..咁OTG..不..不..如改 ((PCG))啦噢!
..... ...wakaka..
....... ....... ....... ....... .......
+卜..十卜...加星100粒..wakaka.
立冬
當運氣未到時,好好地裝備自己,待時機來臨時就可發揮得淋漓盡致。
哗,有过年粽子吃!
端午唔系食灰水棕咩?
肉粽一串串,祝福一串串
布甸送你三顆幸運粽
1. 肉粽:內餡包著是幸福、好運
2. 素粽:內餡包著是平安、快樂
3. 甜粽:內餡包著是健康、甜蜜
布甸祝立冬端午節快樂
係呀,今晚果場好精彩,幾乎感動到想流眼淚呀。
這套巾幗梟雄真係好精彩 , 剛剛看完 , 柴九數臭彭鏗 (李成昌 - 我仲係叫佢做 "康仔" ) 真係睇得痛快 ! 最精彩, 就係鞭完彭鏗, 四奶奶出來拍手, 之後即刻完 ......播歌 ! 大家有無留意, 今晚ending 唔係播主題曲 , 係播左一段幾合情節的音樂 !
晚安,立冬~
唔到妳唔信,在2006年曾經上過紫微斗數,老師說︰「在娛樂圈,無論歌星或演員,未來日子,將會是實力派演員天下。」
立冬出品必屬佳品
端午節快樂。
給立冬表妹
這一篇最合口胃推介星一粒
現正艱難時期,無料之人必敗,所以有料之人便乘時而起,外表已經不是唯一的選擇,看一堆美人目口目面,不如欣賞真正有實力的人演出,好好享受。