生活片段
2009/06/03 14:58:32 網誌分類: 寫作
最近買了一部新手機，它吸引之處是相機像素有五百萬，價錢是$1,888，有3G功能，可以上網和聽歌等。基於價錢和功能都合符要求，五分鐘便成交了。回家後試用，沒想到手機顯示的字體會小得那麼可憐，很明顯不是給有「花眼」的人使用。聽朋友說現在有種手機是專為長者而設，字體是大大隻的，我想我都需要了。
無可否認，自己在選購物品時是比較豪爽的，說真一點其實是衝動。從來不懂得到處格價和比較，總之認為大致上差不多的便算了，除非價錢相差太大。所以我絕對不是個英明的消費者！也從未試過儲印花換禮物的事。
記得小時候，很喜歡自告奮勇幫母親去街市買東西的。有次母親吩咐我去買一個粉葛，我滿懷自信地跟那小販說：「唔該我要這個。」結果回到家中，母親說：「怎麼幫我買了個芋頭呀？」那天雖然沒有粉葛湯，但幸好那個芋頭買得不錯，做了芋頭炆排骨，總算將功抵過！那時的我是個小學生，只知中秋節時所吃的芋頭，只得拳頭般大，何曾見過人頭一樣的芋頭？
數年前開始自立的時候，去魚檔買魚，二話不說的選了條「大眼雞」，打算炮製一鍋蕃茄薯仔大眼雞湯。一拿起那條大魚，再次滿懷自信的「唔該我要這條」，結果又出事了，這條魚竟要六七十元。之後打電話給姐姐，問自己是否給人家「搵笨」了？她說如果是很大條的，真要那麼貴呀！唉，一心以為潮州店「打冷」的食物都是平價的，怎料這種魚是越大越矜貴？所以經驗不足就一定要付出代價，這是千古格言！
現在逛街市的經驗多了，儼如一個眉精眼企的小「師奶」，買豬肉都要議價一兩元才肯罷休。唉唉唉，沒辦法了，要裝出個師奶模樣，人家才把你當做個內行人，俗話說：「樣子不打得都要睇得」啊！
Wongi，希望你的磨合期快點結束吧！否則心情都會受影響的．
哈哈！立冬，我同樣是花了錢，換了我的眼鏡。
這次我換的是粗邊方框的所謂‘潮’眼鏡！
但是貼錢買難受呢！因爲鼻子和耳朵還在受苦呢！
眼鏡和我的五官磨合期，還沒有過去呢！嗚嗚嗚！
Hi, Good morning !
Frankie
去街巿買送,街市老一見來人烏烏下,就當水魚來噤啦。
哈哈哈哈，我自幼家貧，所以人如其名，但習慣精明消費之餘，間中都會客串一次鱷魚頭，老襯底！
Good morning!
Frankie
小弟最近真係行動不變, 要人扶先可以來到立冬靚女屋企。
嘩, 買嘢唔講價, 勁！堅！豪！
係妳屋企揾啲靚湯補吓身。
打麻雀好啊，幾時開枱
請問大眼雞要點煮先好味？我覺得大眼雞的肉好鞋架喎。請大家指教了。
唔講價，又豪氣，真系女俠本色喔！
香港地越黎越似歐美日本等地，明碼實價，唔使花時間講價。不過如果系大陸，或者東南亞地方（新加坡除外），唔講價就變成大大的羊估了。
講起大眼雞，真系好幾年無食過。下次如果網聚，最好就系食潮州菜。唔知樂口福有無大眼雞食呢？
打麻雀就得。
立冬係屬於打得又睇得的人噢
哈哈，看來丹尼買野都好有心得喎。我幫襯開果檔豬肉個兩位阿叔好熟架喇，同佢講下價佢不知幾開心，有女仔同佢傾下計喎。
我平時成大舊西施骨咁買，好少人咁豪氣架。不過我都唔係成日講價，只係見佢地好得閒果陣，先至講一兩句的，點會真係慳果一兩蚊呀。
我又有的想法,吹下水先...
奇實去幫襯買慣買熟老實的檔主為上策,經過相當日子好自然會分便到.
有的老板很有性格,唔會騙妳,貨真價實.亦唔會比妳壓價.有時還自願搭多舊
骨給妳呀.
記得呀嘛既時代,帶埋把秤去買餸添.重有的婆仔數好掂架.時代唔同啦,現今的人,
若知妳會斤斤計靠,明賣8蚊既野,就加大兩三蚊比妳講下價.滿足下妳,以為平左.
又好似的公公告婆婆整濕的報紙去賣,以為可以重秤的 .但妳有張良計.....結果如何,不用說了.老老實實的 人,真係買少見少.莫非怕"忠忠直直終須乞食"就不得而知.
不過有的地方買野,真係要識講價,唔係真係當遊客扮,做左老襯都唔知.
唉!有時做人真係要知"定",唔知真係唔好扮知呀,問清楚好的 .免得打死狗講價.
浪費時間兼激氣.
最后個句都係識多的着數的.但冬冬有埋娥眉派武功就更加好啦!.... 哈哈..
立冬:晚安！
其實你的『幸福湯水』都煮得好好遮。
我從來買嘢不講價的。所以我不是一個精明消費者。
我只會到有標價錢的菜檔和相熟的肉檔和魚檔買豬肉和鯇魚。
有時好耐冇幫襯她，如果突然幫襯佢，佢都會自動減一兩蚊，
或送多舊豬骨俾我。
我從來都不講價的,
但有些魚太貴了, 當我露出考慮的表情時, 魚檔老闆就會給我便宜的價錢了~
第一次聽到人說狗鍾意食魚喎，小吉的口味咁特別呢。
上星期我都換左部手機 ! 因為有一晚部手機放了在床頭, 之前我又無手尾, 用完支油又無扭實個蓋, 第2天醒來, 見到樽油打翻了 ! 那部手機就終告不治 !
幾時整條大眼雞來食 ? 是我至愛的食品之一 ! 小吉都鐘意食 !
所以師奶唔易做架
點解有心人會睇得出？仲話我明添．
卡卡卡卡．．． 
哈哈，人姐，係咁的，如果我買西施骨，佢話４７蚊，我就問４５蚊得唔得．佢話４２蚊，我就問４０蚊得唔得．不過唔係一定得架．
（係好多時都唔得）
啊？原來買豬肉可以議价架？
儼如一個小『師奶』睇得出，『我明』
送師奶星一粒
哈哈！立冬，果然是懂得議價的技巧呢！
如果講食，最難分都係燒鴨同燒鵝.。
打冷d 大眼雞，如果你去尚興個d...點止六七十!!!