知識就是力量
2009/06/10 12:24:48 網誌分類: 寫作
早前網友問我何故夜深仍在？我說每逢週六都要看「火影忍者」的。網友萬料不到我竟會喜歡這類動畫，因為看我的文章風格，應屬於成熟斯文的內向型。其實我何止看火影，還愛「死亡筆記」、「鋼之練金術師」、「聖鬥士星矢」和「龍珠」等等。
去年一班小學同學燒烤，同學十多歲的兒子被父母挾逼而來，看著我們這些叔叔嬸嬸吱吱喳喳的，唯有獨坐一旁。直到我問他有沒有看「死亡筆記」，他才精神一振，兩眼發光地和我這個嬸嬸聊起來，還說得興高采烈。那時我把所看過的幾套動畫都派上了用場。我想每個人的成長路上，都需要保留一份「童真」，才不易察覺時光飛逝的可怕。有時多留意年青人喜歡的事物，彼此便容易溝通。只要興趣相投，年齡差別自然不成障礙。所以閒時真要好好裝備自己，天南地北、時人時事、星相命理、潮流趨勢，總要樣樣知多一點。
以前做物業代理時，也主管對外推廣工作，常與記者接觸以便打好關係。最初以為做記者的必定話題多多，無所不談。原來也有很多是沉默寡言的，有時和他們單對單的吃飯，話題豈能獨沽一味，只談地產，真的要把平生所學所聞統統搬出來應用。所以現時在「頭條網」真的長了很多見識，這裡實在太多「卧虎藏龍」，是最初沒料到的。
我們常說「知識就是力量」和「知識改變命運」，但很多都是在長大後才能領會，因而有「書到用時方恨少」的七字真言，所以世上最多後知後覺的人。現時社會經濟不景，更需要不斷增值。看書和旅遊都是個增廣見聞的好方法。小妹的網誌，雖然不會令人增長知識，但花一兩分鐘看看我如何寫情寫事，都應該是件賞心樂事吧！
無端端，你過獎了，樣樣識少少，方便我行走江湖啊．
立冬興好多元化,盡顯才女的風格啊!
謝謝＜熊友＞和＜二打六＞的推介，一於搵來睇下先．
嘩，心之讚到我面都紅埋添．
你都係一樣呢．
我都覺得要好好裝備自己，唔識多都要識少少，仲要出得廳堂，入得廚房，好似立冬。
冬
近期睇到停唔到既係Liar Game. 搵來睇下啦.
我鐘意睇"火影忍者", "死神", "Liar Game".
一定係美人計啦。
呵呵，我要佢條眉毛做咩好呢？
推介：天空之城
我喜歡宮其駿的卡通片。
有童真係好事，但千祈冇過籠。
比如一把年紀仲打扮成少女、廿幾歲少女扮成ＢＢ，咁真係嘔死。
Yup,
Age is a matter of mind,
If you don't mind, it doesn't matter.
YOUNG AT HEART FOREVER!!
義犬報恩？細細個睇過，好似比飄零燕稍早。還有星仔流浪記。
立冬說的卡通，我都看過。（火影忍者是兒子看的，雖然沒看過，但估計肯定好看）
昨晚才剛剛重溫“青之6號”。
天佑叔叔，我真係未睇過義犬報恩喎，咩來架？
意粉，呢套動畫有好多人生哲理架．例如：主角話一個人無論資質和條件幾差，只要有決心，肯努力就一定可以成功！
博學多才~~
哈, 某人都鐘意睇火影忍者, 仲推介過俾我睇 =口="
咁火影忍者有咩吸引妳睇?
哈哈，如玉，係呀，所以我睇卡通片有時都會睇到喊架．
立冬的童真尚未消失，真是可喜可賀……
繁華兄，早晨，你謬讚小妹了，我那懂得醫卜和琴棋書畫呢，以後還要跟各位猛人學習，希望大家多多指教啊．
立冬;你真通才也,星相醫卜,琴棋書畫厨艺,無不精通,知識就是力量果然非虛。
晚安..
壽哥，其實我話呢度＜卧虎藏龍＞，其中一條龍就係你呢。仲有人哥，蛋哥，大臣哥和博士呢。
佩妮，鋅子，對啊，有句說話叫：處處留心便是學。我成日都學緊野架。
每一新奇事物，我都會去學習，有朋友取笑我說，周生刀，冇張利...
我說︰「我學嚟，只方便我與人容易溝通，容易吹水，唔想氣紛咁悶。」
同意呀! 知識就是力量, 有時睇書睇到倦, 我都會睇吓劇, 但係又覺得追電視劇浪費時間, 所以我會煲台劇, 韓劇囉. 然後自我安慰說, 睇台劇可以學國語, 睇韓劇可以學韓國美女化妝, 穿衣之道, 哈哈!
求知識是我最大的興趣!
哈哈，Wongi真夠朋友，真知己也．
哈哈！立冬，你的文章絕對是很好的讀物呢！
加上美味的湯水篇，圖文並茂，值得推介呢！
所以立刻奉上大星星一顆，鼓勵立冬繼續照亮我們的心靈呢！
我梗會預位俾＜有心人＞啦，放心放心，已經幫你留座．
立冬..來晚了
今時今日, 立冬求其打個"hello" , 大家見到都會覺得係件賞心樂事 ! 有埋「幸福湯水」和文章，簡直係送大禮呢 !
哈哈, 送粒星俾你 !
卡卡卡，咁又係，反白眼都係唔好的．不過，我愛羅個樣好得人驚，仲有隻怪物寄生係佢裡面，都唔好學佢．
用白眼就唔會盲, 不過就唔係話學就可以學, 要係白眼仔那旋人先可以 ! 你都係唔好用"白眼" ......你諗諗, 反白眼, 會影響你的儀容 !
學"我愛羅"啦 , 我好鬼欣賞佢個image , 他那招"沙漠送葬" 可以隔空用沙夾死人, 唔怕整污自己隻玉手 ! 不妨考慮 !
係咩，會盲？咁用＜白眼＞會唔會盲？６４掌同１２８掌很耗卓羅架，做一陣就要休息好耐喎．
唔好用寫輪眼呀 .......根據故事發展, 用寫輪眼用得多係遲早會盲的 ! 你不如學八掛 64掌, 之後可以學埋128掌 , 這招進可攻, 退可守 !
我學識寫輪眼呀．
你學識多重影分身術未 ?
咦!立冬也曾做過物業代理﹐曾經是同行喎!做地產真係要talk得嘅! 我只是經營了一段時間而已。
立冬真是好學,言之有理,吸納唔同既資訊,擴濶視野.
起碼 keep 住各年代的步伐,話題多,唔會 out 左.
今次霸到頭位