周秀娜 vs 科大

有媒體認為周秀娜接受科大邀請與教綬對話是自暴其短及無知.

我則認同有人說周秀娜全程好正常, 冇出醜, 而是那大學方面安排不周, 問既問題亦探討唔到社會現象. "知之為知之，不知為不知，是知也", 周大方承認自己不知的地方, 好過死撑亂噏.

而教綬的問題亦相當古怪, 似是害怕被批抨低俗, 而用十分學術的字眼去問問題, 而那些問題真的可以帶起探討這現象嗎?

你係咪覺得呢代人，好鍾意激烈情緒同情感上得到愉悅？

自拍同反叛有冇關係？

咁你有無衝動同欲望梳理（意思整理）自己。

究竟教綬明唔明自己問緊乜嘢

有網友指出:  究竟而家d學生讀乜差野書？你估文藝小品？ "梳理一下自己的過去？" 老實，梳理一下自己乜乜物物只係近年大陸文藝小品作者寫作手法

我自己接觸"梳理"二字, 多是一些學者指整理有學問, 理論體系時用到, 點解教綬會用呢D字眼, 去問一個普通學識女藝人, 有冇反省自己生活. 其實用淺白的字眼都可以帶出深刻的問題. 何須用那些學術化, 甚至乎扮野的字眼.

演講主題奇怪, 令人費疑所思, 解讀周秀娜現象?! 為什麽會是周秀娜本人, 而不是由應該旁觀者清的專業人士解讀嗎？

而基本上網上的不少評論認為不應責怪此次周的表現, 科大個教授基本無好好準備地去問, 更而有人提出, 發覺周小姐好有當年 狄娜 的影子, 同是有口才夠膽量. 連被稱「道德塔利班」的明光社總幹事蔡志森, 都讚周秀娜一啲都唔膚淺. 可以看到周小姐待人接物的手腕相當了得.

過去有不少女星靠出位性感形象走紅, 能否持續受歡迎, 我認為要看待人手腕及修養. 周小姐話科大之行學到嘢，又話李教授講嘢真係幾深。

我唸呢Ｄ先係高超交談技巧 呀.