另類校園欺凌
現在好流行說校園欺凌，在我的年代少有人提及。被同學欺凌，現代的人大概可報警，或找老師仲裁，但可惜我當年是被一位老師欺凌，而我說的話也沒人相信。
首先我是個麻煩學生。我第一次投訴一個鬼婆老師，因她說到sexual harrassment時，說foreigners speak more than they do，and Chinese do more than they speak，而一斑奉承她的女學生就急不及待點頭認同。我站起來說，請問你們試了幾多個鬼佬幾個華人而下這結論？她們紅了臉，不懂回應。我望著鬼婆說，I think you are a racist。結果鬼婆所屬學系的系主任負責調停，我要向鬼婆和同學道歉，因為我態度不好，而鬼婆要公開向全班同學說，如果我傷害了你們的民族感情，我向你們道歉。當然，鬼婆從此恨我入骨，而鬼婆疼愛的學生就繼續拿高分，繼續憎恨我。
我篇文的主角是位中國人老師，打正旗號是位非常虔誠的基督徒。我當年跟她在宗教上有不同見解，而我只是自己不信而已，亦從沒有阻止或妨礙任何人去相信。但這位外表天人一樣的善良老師（打個比喻而已，我不是說她副尊容），不止把這少少不和牢記在心，她竟從此咬著我不放，努力等我倒下的一刻，以便加上一腳。
當年我是最後一批舊制學生，預科都是在大學（當時稱為學院）讀的。我高考成績不過不失，我估計入心儀的學系是完全沒問題的。但除了看成績，還要過面試一關。面試當日，一行如間房，見到那女老師，我已知大限已至，但心想，憑我的成績，難道你可不收我入系嗎？不可能罷！但放榜時我發覺我真入不到心儀學系。我問過其他同學，有幾個同是她面試而成績比我差好多，只有bare pass (D & E grades)的同學，都被取錄了。要知道我連Use of English都是拿A grade的。當然我馬上回學校爭取，和寫信給校長求見，但得到的答案是我性格不適合這學科。幾天後理工放榜，我見自己榜上有名，不禁笑想，你想整死我，冇咁易。但後來又收不到理工的通知書，便自己去問過究竟啦，得到的答案竟然是，我們電腦系已收了你啦，所以會計系已取消了你的學額。原來理工電腦系收了個跟我同名同姓的人。大家要知道，我是個老人家，當年電腦記錄不若今天般成熟，所以會發生這種事情。我頓時晴天霹靂，亦再加爭取，但理工說對不起，我們不能收你，但你明年可再報讀，我們好歡迎你。
我讀預科時已重讀了一年，所以我感到不想浪費時間再重考，便入了另一個系。我在學校還是常常碰上那位老師，她永遠四萬咁口，渾若無事，我則黑口黑面，不會跟她打招呼，那所有人都認定我有問題，她是完全無問題。我的新系主任對我非常好，但當我跟他分享這件事時，他好同情但也無能為力。
我跟最好的同學說，都沒有人相信我。他們只會說，是誤會吧，沒有可能的，她那麼好人。而因為我之前和鬼婆老師的過節，大家都覺得我是個問題學生。那天人一樣的老師，神的寶貝女兒，又能作出什麼錯事呢？二十多年來，這件連羅生門都算不上的事一直鬱在我心中，像一根拔不出來的刺。
直到我看到報紙上的一宗新聞，有一位畢業生因脫髮問題，經大學訓導主任介紹到一自然療法醫師處診治。治療師在獲取畢業生信任後，漸漸要她脫掉衣服，只披上小毛巾。畢業生覺得不妥，致電訓導主任詢問，她答，「冇問題，我都係咁。」結果原告多番遭治療師脫去毛巾非禮而報案。治療師最終被判監。記者在庭外問事主關於她的訓導主任，她說了一句，「賤人。」
到此，大家應會猜到，我那天人一般的老師，就是案中的訓導主任。
當我看到報紙的時候，我不期然泛起一個笑容，那天人一般的外表終被揭開，讓人見到那邪惡的內在。但我笑容背後，是更深的哀愁。一個欺壓學生，逼到學生要轉系，提供學校年輕畢業生給治療師非禮的人，法律卻始終不能制裁她。聖誕時我重見一些大學同學，那些以前好尊敬那位老師的同學轉口說，她簡直是我校的恥辱，呢次真係多得多佢唔少。
究竟她跟治療師有何關係，令她為他找尋獵物？我相信要她自己才知，可能到大審判日她要用她的如簧之舌向她的主解釋了。我以前好想她快點死，不要再遺禍人間，但我現在希望她長命百歲，繼續獻世。我相信現在入學的人會好想一睹她的廬山真貌。And she will have to live with this for the rest of her life, of course this is on the assumption that she still has a conscience.
（各位：為了自身安全，我想加一句免責聲明：此文純屬老作，如有雷同，實屬不幸與巧合。）
soho: 我唔信你 (after 40)，但我又唔會問，唔理你大定細，最緊要你的好料，kakakaka.
我認我好老 (我估我同陸sir同年），但我人老心不老，外表都不老，哈哈哈。
me....before 90
最憎紅酒，酸嘅，最憎D人羅住個杯鎯鎯吓，我每次都想D酒唧出黎
每次去餐廳食飯，俾wine list 我，我最憎，永遠要house wine，因為最平
大揭秘！問soho幾歲？！
Persie, 我都唔識欣賞紅酒, 人人話好飲, 我真係唔覺, 好! 一於聽你推介搵支 rose wine 黎試下
馬仔, 最多收你 $400 喇! 唔好嬲啦!
I have already told you that I'm [ after 40 ]. Believe it or not! kakaka
我好嬲 你呀，你知唔知呀soho
becauce you are not telling me "How old are you?"
我點會嬲啊，唔會！
soho: 如果唔太鍾意飲酒，我覺得rose wine不錯。Rose (讀作 ro-sei)是製作紅酒過程的副產品，好便宜。甜甜sparkling的，我覺得好好飲。上次鬼佬朋友開的紅酒招呼我們，叫做什麼chocolate block的，人人說好，但我真不太懂欣賞。他知我隆野，開左支rose wine，笑說，給你的pink酒啊！pink酒兩個字他是說廣東話的。
舅父仔
唔好嬲 ，姐姐呵返. smile
我想今晚早d豬豬, 所以留係屋企做野唔出街.
豪B，做乜今日唔出街行吓，我都出咗去兩個鐘
亨利入波啦！他為阿仙奴立下不少汗馬功勞，我好掛住他的。
馬仔：我要專注看Barcelona場波啦。好晚啦，你快點睡，護下肝啦！Nite nite!
Soho: good night and sweet dreams!
馬仔姓馬？屬馬？人馬座？
三樣都唔係, 係鬼馬就真! kakaka
今晚同你地傾計好開心呀! 就黎傾到天光喇!
要保住條命仔, 我要去護肝喇! 晚安!
醫生寫左張紙叫我驗，但我未去，新年食左好鬼多籮白糕，要過下冷河。
Soho: 係噃係噃。馬仔姓馬？屬馬？人馬座？
soho, 100 points
噢! 我而家信喇! 明白了, 工作上需要幪面, 所以個網名就叫幪面馬仔, 有意思! 有意思! 叻女! 其實我一直都想問馬仔個網名[幪面] 有冇特別意思.
我相信馬仔 d 牙係咁樣既
bobo話喺喎，我唔信，一個去日本留學，有兩個細路，點會廿幾
persie 你個肝指數有冇低到......成日咁晚瞓
幾時有新春小B睇?
Rail 都系廿幾？真的後生可畏！我只知 k-i仔好細個。
soho 你識用DH，你喺行內人.
bobo話唔過三十，睇樣好難睇嘅，佢地夠話我似廿(零)la
我年少無知, 唔知係做乜咖! 你講多d俾我聽.
馬仔：我好孤陋寡聞，我唔知啊！
唔通貓咪真係二十出頭？我仲以為佢講笑。
你們知這工作嗎？
金字塔係要保持神秘感咖!
Persie, 又係啵! 不過我覺得馬仔留言既語氣唔似 DH.
soho: 我信架。[ ｄｅｌｅｔｅd.]
我星期一至四自己煮飯食，煮的東西天天一樣 ― 先放水加史雲生清雞湯加米線，再加肉片和菜，事事旦旦，煮熟就食。晚上8.30pm or 9pm食。
嘩，好 pro啊。馬仔D牙一定好靚。
我都覺得我唔出席網聚比較好。出席只會破壞原先給人的印象。
bobo話金曹師兄網聚個D男仔好細個。二十出頭。
I always have dinner at around 7:30pm, 早歸先吃
我從不出席網聚, 留番d想象空間俾大家, 網上交流時就更有趣味, kakaka
DH??? Really???? No, I don't believe.
Persie, 你信唔信?
HA, you always have dinner at around 10pm
啤梨身材....Now I belief. O my goodness
Persie, 我好襯你既金字塔身材咖! 我係啤梨身材. kakaka
馬仔, 我好鍾意食野, 但係最憎煮野, 家人煮飯俾我食.
工作上要見客, 轉數慢d都唔掂, 你話會有幾白痴丫 ? 好精靈就真.
有冇去過金曹師兄網聚？其實當日書展我講左去捧金師兄場，但後來夜收工沒有去。
因為我天生白癡law，有是低能D開心D
soho 你平時自己食飯架定你負責煮飯.
我相信soho係葫蘆身材，我係金字塔身材，哈哈哈哈哈哈哈。
無三不成幾, 你唔似三十幾啵!
幾十歲仲活潑可愛
@$@#@@$@$@XYZ
含羞答答?? 馬仔係活潑可愛啫。
馬仔含羞答答我就唔覺得, 斯斯文文就係既.
Persie, 我係魔鬼面孔，阿婆身材, kakaka
其實點寫..(疊疊)
我已經寫得好粗老架.
唔喺肩，喺個 地拖 去到背脊中間，
bobo話我D語氣同喺網上一樣，含羞(疊疊)喎.我都想
soho: 你係咪天使面孔，魔鬼身材？ kakakaka
因為馬仔講過自己長髮及肩。
其實收費電視都幾貴，但印象中我96年已裝有線電視。soho, 吓咁夜，便個煮飯你食呀?
通常我既家人九點幾先至返到屋企, 我估佢地覺得唔睇半夜個幾場好蝕底, 所以唔安裝 nowTv.
Persie 真鬼馬! 如果我係 大肥佬/婆, 條柱遮唔晒我既豐滿身材咖!
我估唔倒，但bobo一估我就中啦。
soho: 下次網聚你lay係條柱後面裝下。
Cable TV用天價投得明年英超，唔加價點為皮？
我用緊cable TV 加 上網，OK 喎。加價咪玩啦。我想正俾 Baby father睇，睇黎佢唔會肯