退市年備忘

Soho  我都咁覺得，你知我EQ有幾高？如果聽朝彈，我唔會郁手，但係跌，我又藤雞，佢唔會一直升到星期四比我出貨，中間choppy都夠我受，我同主席講，我今次要戰勝自己，就邏＃388做study case。

主席話如果我相等埋業績，就唔好奸快沽，但係我星期四無得睇市，見步行步law.我嘅平均價喺＄137。2

有無得賺是其次，唔好次次輸都先得架.

仲有亞爸封血書，煩!!

舅父仔, 你知我短炒風格, 我炒股唔炒市, 到價就入貨, 我認為任何水位都可以入市, 只要定好止蝕位就可以了, 至於港交所,上落都閃得好快, 佢係 $130邊徘徊左一排, 升穿阻力位$133本應仲有得去, 市場亦炒本周四業績, 不過英國保誠宣布落實購 AIA, AIA取消在香港上市計劃, 匯控係外圍急挫8%, 均利淡港交所, 我對港股後市有所保留, 所以呢幾日我會繼續減倉/換馬.

英鎊下挫, 美匯急升上81.2, 我最驚就係美匯指數爆上.

舅父仔

賣咗＃916味？

馬仔，其實我只有三手吉仔，最多都係分三次沽。

豪仔：明日可以博下入貨嗎？我個friend話博下入 #388，我望住他眼定定。

原來你做網誌咁辛苦，如果你想停，就停啦，一天幾個鐘真係好多。

May: 多謝你的雪人，好可愛。我今晚吃了薑茶湯丸。

在銅鑼灣海邊看了一會月色，好美麗。

舅父仔，#175好似有好消息，你會否賣剩D?

都喺個句啦。有幾手就可以咁做

不過我都有兩手＃388

1) 以前我見股市上升, 好開心, 拿拿臨沽貨食糊, 但係沽完貨見股份繼續飆升, 就會好唔高興, 覺得沽早左.

2) 後來改變策略, 索性唔沽住, 睇定d先出貨, 見股份愈升愈有, 覺得自己辦對了, 好鬼開心, 點知升下升下, 失驚無神有一日大市急挫, 過晒止賺位, 變成倒蝕, 就會好後悔當日點解唔執少少就走.

1) 同 2) 都有缺點, 而家又改變策略, 一路升一路沽貨, 似乎係賺少左, 但係勝在穩陣, 拉勻平均沽貨價都唔錯, 又可以減磅.

以後我見股市上升, 唔會坐係度齋睇唔做野, 止賺/止蝕/追貨/換馬, 視乎情況, 點都會作出行動.

幾注貨可以分段沽出, 就算得一注貨, 見股市上升都應該諗食糊或考慮止蝕, 除非對後市有信心, 才可繼續持貨, 亦可考慮換馬, 否則會白白錯失升市出貨/換馬的大好良機, 上周五資源商品造好, 美匯回落, 均利好股市, 不過周一港股收市後匯控出業績, 本周五美國公布重要經濟數據/港股成份股執位, 變數會較大.

豪比您有咩所謂丫.

No la ! 如果係既話, 我一定屈你地送禮, kakaka

豪B 你今日生日呀？

persie,soho,馬仔:現在是正午時分,有兩個小雪人來探望你們!祝元宵節快樂!

眼光光難以入睡，因愛隊一位隊員嚴重受傷，隻腳斷左兼變左形，小腿出現粉碎式的多處骨折。這位球員只有19歲，足球事業將受嚴重打擊。兩年前另一位隊友受過相同傷患，雖可復出但演出大不如前。雖然我們終於獲勝，取得重要三分，但我無一絲喜悅心情。

想起一套電影”Blood Diamonds”，這三分正是”Blood Points”。

有些球隊十年都不逢一次如此恐怖傷患，但我隊兩年已有兩宗，為何如此當黑？

希望各隊員抖擻精神，以後每場都全取三分，就當是為受傷的艾朗藍斯而戰！

剛剛去左做網誌, 搬下抬下就一粒鐘喇! 要豬豬噢!

呢個真係批出綜援既理由黎咖! 唔批俾佢地, 發起窮惡淋x水都有份, 放x燒社署都唔奇, 打工咋! 無謂搵命搏, 呢d就係打政府工鐵飯碗既普遍心態, 我真係好後悔冇做公務員.

我有個建議, 以後社署職員見客就好似信徒向神父做告解一樣, 隔開睇唔到咪得囉!

有位朋友的女友是負責接見攞綜援的人然後決定是否繼續批出綜援，其中一個批出理由是，因那人很惡，他又知我在這裡返工，唯有批！我話，你咁都得？她答，打份工，唔通揾命博？難怪有南亞海嘯時那對綜援夫婦。

soho 你會移去邊？每度兩個月，轉一圈剛好一年。

墳場加多幾個人是無用的，加多幾個位會搶手D。

舅父仔，我見國泰有足球套票，＄9990起，阿仙奴box with buffet，好似話喺16強比賽

長毛之流做特首我就會認真考慮移民的問題. 我諗起國庫空虛.民不聊生等等成語, No eye see! 

聽見班垃圾議員要求政府增加綜援.津貼......我就火都黎埋, 小數怕長計, 每位加幾百蚊條數都好襟計,  庫房負擔好重, 個個月自動轉帳入落戶口, 仲係免稅咖! 好和味, 仲好過返工, 一個月入一萬的工人, 減埋交通費.午膳, 都係得六折落袋, 但係拎政府援助就收到足喇!

廚師費盡心思煮一道菜餚給食客品嘗, 食客諸多挑剔, 廚師讓出廚房, 食客親自下廚, 結果煮得非常難吃, 批評的確是容易得多.

唔係，這場我沒心機看，Birmingham vs Wigan，但都好開心因為香港班主楊先生又贏波，但好奇怪Wigan射極唔入。1.30 am我愛隊出戰，我就熄機喇。

//包庇自己友//.........度度都有，在英國D靚仔靚妹，未夠二十就生，政府俾奶粉錢，又羅公緩同香港一樣架咋。

我瞓落床無半個鐘喺瞓唔著的，好羨慕D人可以三秒內有鼻鼾.

舅父仔，更喺上半場休息勒.

soho 我去外國聽唔明當唔知

馬仔：今晚三點瞓，明早五點醒，而家在英國。睇波生涯好艱苦！

我覺得既然香港已回歸中國，大家就不要妄想民主，除非我們能像台灣一樣自把自為。難以接受的，唯有離開香港，選擇適合你的地方（好似賣緊移民公司廣告）。如不，就請接受罷！長毛之流做特首會為民請命嗎？只會令香港死得更慘！

Soho 今日反得開心嗎？舅父仔現在英國定西班牙，I love italy.

soho 剛剛回家, 就要作文喇!

以前的一代人, 又捱得, 又慳儉, 靠自己雙手打拼, 不會整天埋怨別人,

新一代的人, 吃喝玩樂放在頭位, 只有少數肯好好地計劃將來,

議員為了爭取選票高調撐低收入人士, 火上加油話貧富懸殊, 成日唱官商勾結扮正義, 更加令低下階層人士不思進取, 只懂埋怨, 妒忌別人.

耐不耐就傳出有議員做左d衰野, 但係就側側膊了事, 我點信d政黨呀! 包庇自己友有欠公平啊!

早排有人係墳場搗亂, 有個乜鬼議員(卿姐??)拿拿臨走出黎批評話人手不足, 政府應該要考慮增加管理員, 大佬! 墳場係冇人守夜咖! 今次係有人夜晚潛入墳場搞事, 日頭人手足夠有餘啦! 人影鬼影都唔多隻, 加乜鬼人手呀! 總之有事發生, 班議員就會撲出黎諸多批評, 除此之外, 就毫無建樹, 拎咁大份人工, 凈係出黎彈三彈四就有得出糧, 真係著數.

現在的社會風氣 ~ 校園吸毒事件.議員在垃圾會亂擲蕉/漫罵.濫用綜援...... 真的不知所謂.

唉! 呢個就係我唔鍾意香港的原因, 好煩, 日日都聽到班議員亂咁吠, 話港府唔應該睇住阿爺行事......

要拎著數就搵阿爺, 轉頭就反骨, 真係冇良心.

老人家，請熄爐。

通常講這種說話的人比較不知足，覺得社會欠佢嘅，每個年代都有老年人，青年人，今日你埋怨人，日後你被人埋怨.

每個年代都辛苦，但年年難過年年過，希望愉快過每一年.

我也嘗試過做三份工，我只覺得自己有能力辛苦D囉，人家沒有欠你的，對嗎？

今晚你又通頂呀？

soho,你喺邊，喺咪去咗晒月光呀？

今早在大廳，見到有人大罵50, 60後，火都黎。陸sir都係60後。入門口未叫人就先罵人，典型80後！

好多老中年人都係年輕時供了一層樓自住，都沒有再買另一層。所有老中年人都有資格炒樓嗎？點解一竹篙打一船人？老中年人都為社會貢獻良多，交左好多稅。在公司做野，仲要俾D年輕人串串貢，嫌我地老，嫌我地阻住他們的地球轉。年輕人，包容吓啦，老中年人都要食飯同生活咖! 

以前的一代人，好捱得，可以返兩份工捱大孩子。那時根本沒綜援制度，人人都得自己用自己雙手努力工作。現在的蘋果暖流版，是會把電熱水爐電視機列為必需品，要熱心市民捐贈給一些40多歲的人。在以前的社會，沒熱水爐有什麼出奇？便自己煲水好了。現在的人只懂伸手問政府，咪又係要我們這班人交稅，但我們就什麼得益都沒有。沒得益都不要緊，仲要給人指罵，這是什麼世界？我見過有綜援case是派錢給26歲的健全的人，真係離晒大譜。

馬仔，Yuanping：Thanks! 我也祝你們元宵節快樂。聽說明晚的月色，是57年來最靚的，大家記得欣賞喇！

馬仔：我在港島東上班，因車位要$3,500一個月所以不駕車上班。

今天跟媽咪，BB一家，BB的二位表姨媽姨丈一大群人到科學院走走和食晚飯。酒樓的姨姨全都認得BB。BB玩得很開心，但換片的時候又把衣服瀨濕把他媽媽氣得想哭，我明白了為何有些媽媽會有抑鬱症。還好媽媽已為他預備多一套衫替換。BB看見海上有人滑水，覺得很有趣，開心得手舞足蹈的。

元宵快樂

Soho, Persie, yuanping 快D食湯圓啦

Persie，元宵節快樂！

Hi Persie ,soho

I think you two are working in Cental as well, we might met each other around the corner?

 using my office's computer now.I cannot go on net last night.I am

Are you guys drove work? I don't drive.

Uncle Persie  When you see Baby today, give him a big kiss for me,OK?

Soho  Don't hide under the (      ). come out to see us.

I need to go, start working.

soho: 我都係見呢兩日恆指好似幾強下所以等多陣，我下週會沽吓貨。

隻吉仔真係艇左好耐。

真係唔識個市跟住升定跌。永遠都係歌舞昇平之際，就是暗藏殺機之時。

馬仔, 今早開市時我對港股當天走勢作出以下結論:

~ 周四晚道指早段大跌, 尾市跌幅收窄算唔錯, hsi adr 只係跌9點, 但係港股竟然大幅高開, 不尋常, 利好

~ 內地股市下跌, 港股竟然唔跟, 利好

~ 應跌不跌須防升

~ 國指一開市就重上10/20天平均線, 加上國指只係稍稍弱過恒指, 其後更轉為跑贏恒指, 利好

~ 美匯指數回軟, 利好

以短炒來說, 得出結論之後就要以行動配合.

你兩個真係好孤寒, 咁都唔捐, kakaka 我都冇捐, 真係唔知佢地拎左d捐款去邊樹.

隻民生銀行激屎我, 早排同你地講, 根據 [簿仔法] 佢 $7.6 可能已見底, 搏得過, 佢係大跌日收 $7.48, 轉頭已經彈番上黎, 連升六日, 今日收報 $8.09, 追唔到, 唉! 我竟然忘記左佢3月8日加入國指成份股, 抵打!

中信泰富大跌日收 $16.48, 當晚做功課決定入貨, 點知下一個交易日就飆上 $17.14, 跟住就唔肯落去 $17 樓下喇! 雖然美匯指數仲企係 80 樓上, 但係我覺得近排資源商品板塊已築底, 慢慢回升中.

睇番中石化.民生銀行.吉仔.soho中國...... 我領悟到一個道理, 當股份在低位徘徊跌唔落, 就要入定貨, 然後等收成.

今晚想早d豬豬, 唔做功課住, 初步睇我覺得近排有心人係度震倉收貨, 似係想造上.

~ 現時恒指企係尷尬位, 走勢隨時會逆轉, 一個消息就可以令大市爆邊, 上定落就要視乎係利好定係利淡消息, 不過我相信匯控業績不會差. (廢話!)

~ 過去幾日港股收市位都刻意企係重要位置, 引散戶企錯邊造淡

~ 國指早前持續弱於恒指, 拖低大市, 但近日已有轉強跡象, 資源商品造好, 美匯回軟, 均利好股市

~ 破大位通常試多幾次就會成功, 我仍然睇恒指會上破 20800, 但係再向上就阻力重重, 大鱷推升只係為左派貨, 要企穩有難度, 加上美匯指數係高位徘徊, 唔知幾時爆上82, 股市就大鑊.

~ 大鱷將恒指由低位 19423 推番上黎, 冇理由食1000點咁少就收手

~ 下周三內地召開兩會, 對港股有刺激作用

~ 工.中.建行在250天線有買盤支持, 代表港股跌唔落, 但係政策始終不利內銀股, 所以反彈仍欠動力, 不過我相信下跌水位不會有太多, 要留意3月5日成份股大執位

~ 權重股匯控.中移仍處強勢, 對港股有支持作用, 但仁 Sir 話佢地周五都同時出現見頂轉勢訊號, 如果呢兩隻領漲股未能進一步向上, 代表港股亦要回頭.

~ 油價回落, 但油股唔肯跌, 代表有買盤吸納

~ 近日消息利好本地 地產股, 地產板塊造好, 對港股有支持作用

~ 近日人民幣強勢, 利好內房板塊, 內房股見底回升, 慢慢湧緊上黎, 打壓政策並沒有再進一步推低股價

~ 短炒搏港股可破頂, 每逢大市回調都是吸納良機

~ 下周上市企業陸續公布業績, 大鱷可借勢舞高再弄低, 大家要靈活走位, 市況會十分波動

~ 下周五成份股大執位, 加上當晚美國公布非農業新增職位及失業率數字, 大家要早作部署

~ 諗下先, 待續......

以上純屬soho斷估亂up, 信兩成好喇! 否則後果自負.

我都唔會捐，懶理人覺得我孤寒，我點知我俾嘅現金會去左邊？我仍在看澳幣，其他幣值我沒太留意，但英鎊好似都幾低。你五月去玩，買定都好吖！

常在中環看見街頭募捐，我以前會捐，現在， 採你都傻.

買咗少少英鎊.

// 我嘅目標是？？？可能是不用為錢奔波。//

Me 2!

豪婆婆，

你嘅人生目標達到未？

我嘅目標是？？？可能是不用為錢奔波。

香港喺好方便，但不知點解97過後，香港已不像從前，我對我長大的地方感覺陌生，在英國好凍，好悶，我居然有熟識的感覺。canada另我學識一句中國成語。。。望天打褂

Rising Star 今日遞信, 特別容光煥發, 新公司會俾錢幫她提早買回自由, 所以她好快可以走人. 我問她, 你會在今天告訴其他project members嗎? 她問, 點解要講? 我說, 可能他們會捨不得你呢?  她笑笑反問, 你話呢? 她一早知別人不喜歡她. 她份新工加38%人工, 新公司會連我們的bonus都賠給她, 看來她真的遇上她的伯樂. 她小小年紀, 人工會高過我啦. 其實我地都識互相欣賞和包容. 但她做野時捽人捽得太勁, 這種作風不是人人可接受.

我只係在倫敦，悉尼，Calgary和溫哥華住過各十天八天，有去超級市場買野煮，去戲院看戲，去coffee shop飲咖啡，但我太愛看球賽，所以加拿大不適合我，因為轉播不夠多，當然可以網上看但我不是好鍾意。

我都是最 like 香港。

我好怕水，在泳池游吓不妨，大海就免了。

馬仔：頂住啊！

Soho: 你隻太航好似食左十全大補丸，買唔到啊！

隻#916我掛$9.60，它就去到$9.58止步，係自己貪心冇改盤啫。

噢，soho，你是個集團來嗎？

荷蘭我去過一次喺轉機，明明話呢個閘口，不斷check monitor 去到又話轉左，喺南同北之分，走到我呀！

我今日好忙，現在背脊都伸唔直(講真的)，希望恆指同我個背脊一樣，拗腰伸直向後再上。我希望我識游水，但是我學左三次都唔識。 你地識唔識？

每晚我做左個網誌, 日頭就由我個屎黨幫我更新, 佢都係股民, 到價就會打電話通知我.

今明兩天港股受期指結算影響, 表現未能作準, 下周一匯控出業績, 應該會好靚仔, 睇下市場點反應, 如果借勢推升, 你就趁機出貨, 如果咁都要插就大鑊, 下周四港交所出業績, 下周初可能會炒下, 你見佢升唔穿 $133 就走鬼啦!

吓，咁我隻＃388點呀？

邊個幫你ｕｐ ｄａｔｅd 你個blog？

Persie, 唔使四圍騰, 每日開市後走去我個 blog 就乜都有得睇啦! 以今早開市為例, 國企一開波就跑輸恒指, 唔靚仔, 會拖住恒指後腿, 內地股市升到彭彭聲, 但係港股已經調頭回落, 又係唔靚仔啦! 加上美匯指數企係81高位, 穩陣計, 有糊就要食左先喇! 我今朝沽左一手龍源同埋一搞一搞, 你有冇沽出龍源?

我既人生目標係去外地既親友度住, 交租都冇所謂, 加拿大.美國.荷蘭.中國.德國...... 每個國家住兩三個月, 其餘時間就留係香港.

嘩，soho，返工邊睇倒咁多野啊？

市場先生個自製基金已從海嘯低位$2.1M升回$4.76M了，他也說今年想離開市場，去追求人生其他理想和有意義的事情。可能他想做爸爸了！

soho，你是否也想去追求人生其他目標？

沽貨前要睇下:

1) 美匯指數, 80 邊 或以下就ok, 接近81關前屬中性略差, 81樓上則不妙

2) 內地股市升定跌, 如下跌, 港股唔跟跌就係好兆頭, 相反, 如上升, 港股唔跟升就弊傢伙

3) 國指持續強過恒指亦係向好既徵兆, 相反則不妙

4) 當天指數如企 5/10 天線之上, 大市仍ok, 如在5和10天線之間稍為欠佳, 跌穿5/10天線則不妙

恒指 頸線/上次反彈浪頂 係 20750~20800, 升穿左資金就要追貨, 大鱷推升有利派貨, 相反, 跌穿二萬點就會益左股民入平貨, 散戶普遍相信短期內恒指不會跌穿19423, 入市信心增強, 現時恒指係關鍵位, 我傾向睇今次反彈未完結.

除咗股票你成日蝦我。

原來你咁勤力，又無私奉獻，仲要成日睇住我你個盲毛。

My dear soho, persie,

xxx good nite

老人家做野手腳慢, 冇法啦!

夜晚好多野搞, 由八點計起, 搞網誌+做功課揀股就要三粒鐘, 睇電視一粒鐘, 有時間仲要去逛 blog, 仲有沖涼.刷牙......唔覺唔覺就一點鐘.

你可唔可以搵次就下我即，靚靚soho婆婆

其實你咁早放工，咁晚瞓，有咁多野做咩？