我與龜龜
我從來都沒有養過寵物，因為怕麻煩，但阿妹好鍾意魚和龜．她第一次養的龜是四隻小龜仔，綠色的，她說牠們是巴西龜，於是她用了四個最勁的巴西球員為她的龜仔命名，分別是薜高，科高，伊達和蘇古迪斯．有一次蘇古迪斯走失了，妹妹遍尋不獲，問我怎辦．我問她，誰跟蘇古迪斯最好朋友？她答伊達．我說，把一條長繩子貼在伊達的背上，再放伊達落地找吧！結果，伊達在櫃底找到了蘇古迪斯．
不過，好快四隻小龜都死了．我仲以為小龜好易養．妹妹一直沒再養龜，直至好多年後，她突然又去買了兩隻龜仔回家．今次，她叫他們朗拿度和朗拿甸奴．
小龜好易生病，妹妹就會打去獸醫處掛號．妹妹說，小龜病左要看醫生．姑娘問她，小龜叫甚麼名字？妹妹答，牠叫朗拿甸奴．姑娘說，哦，朗．．．拿．．．甸．．．奴．．．咭咭 (忍不住，在笑)，你聽日帶朗拿甸奴黎啦！
可惜，過不多時，朗拿度和朗拿甸奴都仙遊了．妹妹把牠們放在兩個好靚的紫色紙盒仔，然後我們在山上找了個好地方葬了牠們．
妹妹又再去買了兩隻龜仔回家．今次，她叫他們卡卡和羅賓奴．起初，牠們是一樣大細的，但卡卡好大食，常常問人攞野食，所以大得很快．妹妹的龜不同一般龜，牠們給她縱得要食新鮮野，又要游水又要晒太陽，晚上就好似流浪漢般用報紙蓋着缸睡覺．
究竟卡卡點樣問人攞野食？有次卡卡在大缸游水，我拿牠罐蝦乾經過，牠就如飛般游過來，伸頭上水面好熱烈的拍水．我問，卡卡，你認得我嗎？你好嗎？母親在旁說，佢只係認得罐蝦乾遮，你叫樓下看更上來拿住罐蝦乾，佢都會叫他的．
聰明的卡卡，我叫他人龜，因為佢仲識企起身拍缸叫人，似人多過似龜．我會花好多時間同卡卡玩，看牠捉活魚吃，看牠走上龜缸上的橋晒太陽．卡卡最愛吃活魚，牠會追它們，但又放過它們，到嚇到它們半死不活，卡卡才真正去吃掉它們．卡卡會先吃魚的下半身，牠不愛吃魚頭的，等到吃晒ｄ魚身，卡卡才會好不情願的把魚頭都吃埋．若卡卡病了，妹妹會帶牠看醫生，攞左藥阿妹就捉住卡卡個頭仔，我就負責用針筒打ｄ藥入卡卡個口．卡卡會反抗，左搖右擺，ｄ藥就唧左入卡卡隻眼，阿妹唔會鬧卡卡但就就會鬧我，”你小心ｄ啦，你咁樣卡卡隻眼會發炎架！”有時卡卡 poo poo 左，好臭，卡卡夠膽死好似個人咁企起身拍缸叫我，等我幫牠換水．早上牠起身，又會拍缸叫人拿開報紙．講出來或者沒人信，但卡卡確是如此．但今日的卡卡老去了，個龜缸又逼，有四隻龜一齊游．牠已非昔時那個小霸王；牠變得逆來順受，更不會企起身拍缸．講起我有些傷心．其實阿妹曾經希望我收養卡卡，但一來她捨不得，二來我怕麻煩，因一早醒來個龜缸係好臭的，自己未沖涼都要先給牠洗白白和換水．我又沒有工人幫手，真係做不來．如果卡卡跟了我，不知牠今天會如何？
阿妹結婚生仔後好忙，工人又不會好似阿妹咁樣去愛錫d龜，因為工人都好多野做．我曾經車阿妹到處尋訪好環境的龜池去放生其中三隻龜，但我們無論如何都找不到．小ｂ未出世時，阿妹會抽空到她認為ｄ龜好慘那些池去餵牠們，而家她沒時間，都會落樓下平台的龜池用她那罐貴價蝦乾餵那兒的龜龜，她家的龜除左卡卡同羅賓奴是她自己買，其他四隻都是朋友不要叫她收養的，而家隻隻都養到好大隻．
到後來我們才知到卡卡是龜女，因為牠生了蛋．妹妹說如果牠整夜不眠，行來行去，好像好不耐煩，就是想生蛋的先兆．但卡卡不懂孵蛋，還不小心把它們踩爛了．
我成日覺得龜龜個樣好似ET ，又好似Yoda，見到牠們會令我好開心．有時見到卡卡好嘆咁係度晒太陽，我會摸住牠的頭仔同牠講，卡卡，他日你百年歸老，我個心都會有一忽位留給你，我會永遠記得你的．
卡卡懶洋洋的瞄我一眼，仿似在說，都唔知我歸先定你歸先呢？
我答，卡卡，你自己睇住喇，你歸先，我尚且可以把你放入那個紫色盒子，替你找個人傑地靈的地方，要是我歸先，你好慘架．
卡卡索性瞇上眼晴養神去了，懶理我！
這就是卡卡，我心愛的人龜．
soho：再講一次，沽的理由係，我認為已經冇野可以放喺長倉，除左#2同#6，或者再加#823同#405。
#916上到$11都唔沽，今日得七個幾，#2009 $10唔沽，一年後得番$9，咩叫長倉？
隻#576升左好多，皮幾野，都唔知點處置佢好。長倉？可能好快又打回原型，鏡花水月一番。匯豐，從來都是長倉，但已無法忍耐 … 它的無能。
當時我講左唔加新錢，又點可以隨意又再拿十萬八萬出來，(其實買#405 & #576已經是偷雞攞新錢買)，不是違背了當時的決定嗎？其實我呢排買左好多人民幣，中銀寄信來都只是offer 1.38% pa，雞肋！但都做喇，等升值。
股票，我能力所限，實在駕馭不到它。
要反問自己合和$24~$25買得, 點解 $21 落唔到手? 呢間企業轉差了嗎? 抑或只係受市場氣氛影響對佢失了信心? 長倉貨不是要向下收集的嗎?
我已經能夠克服恐懼係悲觀氣氛下入貨, 上周我係蚊撈入左和黃, 係合和股價 X 2, 大拿拿四萬八! 佢仲弱過合和啦! 我係衡量佢既下跌空間黎入貨, 計完條數你就會發覺大鱷係度嚇鬼震倉收貨.
陸 Sir 估計匯控份業績唔掂, 所以我都沽左貨, 不過我將d資金拎左去炒兗煤.中石油, 賺得仲多過持有匯控, 我覺得你沽左匯控沒有換馬才是最大錯誤, 今次既反彈浪好多分析都走漏眼, 佢地係淡友居多, 而網友睇圖都話匯控 $77.x就見頂, 亦有分析話 恒指無法上破20600, 大家都忘記了匯控同埋中移係大鱷操控港股的棋子, 係唔使睇基本因素, 兩隻權重股合共佔恒指25%, 驚匯控歐美業務出問題? 驚中移競爭大? 使乜分析咁多, 港股要升就要靠佢地.
其實要恒指上破21000不難, 能否企穩則要視乎內地股市走向, 現時港股升到高位係一步一驚心, 大鱷隨時變臉, 經過連日上升, 部份個股急升後出現派貨跡像, 凈係靠兩大權重股支撐大市.
就好似農行, 陸 Sir. 肥菁.我.同埋全港財經分析都唔睇好農行, 仲搬一大堆數據來支持論點, 結果呢? 上市幾日就升左一成, 炒供求嘛! 使乜分析咁多, 呢度個個網友都唔抽農行 ipo, 馬王爺最醒, 係得佢話抽!
soho: 講就易，合和$21果陣弱過藥煲，一注要兩皮，落唔到手。比較好彩我買左#405同#576放在倉底，但由於這世界已沒有什麼值得放在倉底，現在不知應不應拿出來沽。
我沽早左五號仔，想撼頭埋牆。
香港 地少人多, 磚頭比股票穩陣得多, 股價可以短時間內大跌超過五成, 但樓價就唔會, 就算發生沙士.金融災難......樓價跌完都會爬番上黎, 而股票就可能會永不翻身, 所以我鍾意樓多過股票, 香港市場細, 股票造假太容易, 震倉手法層出不窮, 技術高超, 股民好難贏錢.
$100 走左長實, $90 或以下補回已大賺, 為何不買?
早前新地跌到落 $100 我想入, 但手上資金不夠, 到沽貨套現時新地已反彈, 無緣份! 新地及長實銀碼雖然大, 但一手貨要執一萬蚊係好容易, 好過炒股仔.
當日你買合和, 我好似回應話合和升穿 $22 我已沒有再炒佢, 你決定在 $25關前入貨當然有你既睇法, 那麼 $21 為甚麼不加注? 這亦是一般散戶炒股的毛病, 入貨後見大跌就縮, 其實見股價低殘跌唔落, 只要基本因素冇變就要考慮加一小注.
聽你說買入合和是放入長倉, 但係我見你非常介意佢既上落, 持貨心態卻似短倉, 至於應否待回到家鄉時沽出? 我認為應考慮 1) 衡量佢$25關口能否上破, 如不能, 當日就是高追接了火棒, 應沽貨套現 2) 如果你認為可上破 $25, 不想再持貨就要定下止賺位或平手離場 3) 要評估港股走勢能否上企二萬一, 見轉勢就減倉
每次買賣都是獨立的交易, 早前歐豬危機全世界都唱到好淡, 沽貨走鬼是無可厚非, 但時移勢易, 而家歐豬情況紓緩全球炒反彈, 上周我都話今次反彈力水比上次強, 有阿爺個場撐腰, 恒指可上破二萬一, 賣地炒地產股, 匯控炒業績就可推升港股, 問題係夠唔夠膽搭順風車搏呢浸.
~~~~~~~~~~~~~~~~~~~~~~~~
合和太子開始上場，間公司進取左，睇下重新搞下九龍灣企業廣場及灣仔合和中心附近亦搞下野就知。佢間公司混合左基建和地產，基調都OK，但近日升左好多，無乜回吐，合和現價12.7倍PE，以地產股計唔算平，想買耐心d等回吐時睇下佢會去番乜野位再買好d，至於受惠珠三角發展，多多少少已在股價中反映了。(轉貼 陸 Sir 28/7)
Hello主席，馬仔：我去左寶寶家寫東京遊，長篇大論，打字打到好「支力」(tired)。
舅父仔：小朋友喜歡跟大人玩，因為大人可以帶佢地去街，去好多地方，但小朋友玩極都喺屋企。
舅父仔，
我只是睇你寫，我都唔抵得啦。
我唔制呀 !!!! 我又要抱抱................................................小b.
唔通真係買樓易過買股？
我自住層樓好普通，三年前大把盤攤係度沒人買，而家都升值超過$1M了．但內籠的裝修好舊，已是日久失修，特別天花的牆紙黃晒．上手賣給我是用化裝式的裝修整過下，好快已變形．但如果要大整我要找短期單位，傢具又要入倉，好麻煩下！
我以前住的地方好舊，我隨意請人油下d牆，個廳油左米色，但其中一面牆我揀左淺藍色，仲畫左一棵樹在餐檯旁，每天都好似坐在樹下食飯，係咪好好笑？
星期天去探朋友．他住灣仔道後面，對面就係活道個地盤．朋友家以前好好景，好通爽涼快，而家ｄ風景俾活道層樓搶晒，佢個單為就變左樓景．活道層樓岩岩開賣，最平的兩房900呎，實用不足700呎，最平果個單位都要$12,000一呎，好些的$14,000一呎，900呎單位得兩間房，賣千二到千四萬，點落手？
我堂家姐好喜愛灣仔樓，她說買三房更佳，因為永遠都有用家市場，從李節花園，嘉薈，尚翹，雙喜，她都無一失手．但佢話灣仔活道同北角渣華道98太貴，佢唔會買．同一理由，摩利臣山道駿景她亦沒有買，因為單位面積太細，實用律低到無法接受．不過兩年前經紀向她推銷北角港濤，堂家姐基於港濤的海景有變數所以沒買，但到今日港濤比當日升左好多，樓價真係高處未算高．
soho：其實隻長實 #001有一段好長的時間都在我長倉內，它派息很好． 我會又買又沽．最低一次在$56買呢！可惜最後一批我在$130買左，金融海嘯時我在它跌穿$100時沽左，一直沒補回．其他地產股我不懂買．我覺得長實這隻股幾好，但我同自己講，我$99沽左沒理由而家$90+又買番，你說是嗎？
#1205有消息，果然彈上！
我真是沒時間看太多股票，如果我set太多買入盤，個市跌個個order都成晒就弊，所以我只能set一隻#883．當然#1205仆低時我不敢溝貨，所以大個反彈浪都跟我無關！
隻合和 #54 有起色了，我是$24.5 & $24.8買入的．但如果我總是等回到家鄉時沽出，我買股票又是為了甚麼？真懊惱！
主席：小ｂ唔鍾意坐，成日要抱佢的人企係度．佢細時我叫佢做訓導主任，成日罰人企．但佢肯俾我坐係度抱佢，有時阿妹都唔抵得，話點解佢俾你坐咁耐？有時小b坐係我大髀睇睇下電視，會忽然間忘記左邊個抱住佢，佢就會昂起頭來望我，個刻鐘句 magic phrase 就係「點解掉轉左？掉轉左？掉轉左？」佢又會笑到傻晒．佢好怕人係佢耳仔邊whisper，佢會覺得好酸軟，條頸仔會縮埋晒，成個人軟晒癡左落我度，但又無法反抗，好搞笑．佢講好多外星話，我又學佢講，但其他大人就不認同，佢地話我應該同小ｂ同講真正的人話．昨晚酒樓有個小朋友大過小ｂ兩個月，好大個，行得好穩陣，又識開口問我拿汽球玩，說「波波」．好奇怪小朋友對大家是沒興趣的．小朋友愛搵大人玩！
話口未完就爆升逾一成.
~~~~~~~~~~~~~~~~~~~~~
中信資源（1205）公佈，再次啟動分拆旗下錳業務上市的計劃，已於上週五向交易所遞交申請，分拆中信大錳股份上市，中信大錳在中信資源2009財年營運利潤的比重達到三分之一左右，錳儲量為1.3億噸，相當於全國儲量的22%，居國內之首。不過，中信資源表示，重新提交中信大錳的上市申請是因為距上次向香港交易所提交申請已逾半年將自動失效，而中信資源或中信大錳尚未就是否進行建議分拆和其進行時間作出最終決定，但高盛則相信目前正踏出重要一步實現上市潛力，給予錳業市場基礎價值。
錳最重要的用途是製造合金，如果在鋼中加入13％以上的錳，製成高錳鋼，那麼就變得既堅硬又富有韌性，適合製造軸承、推土機與掘土機的鏟鬥等經常受磨的構件，以及鐵軌、橋樑等。(轉貼 新城鄧威信 26/7)
寶寶：多年前我媽媽幫人湊一個小朋友又係咁樣。
舅父仔, 從來冇聽你講吼本地地產股, 對香港樓市冇信心? 我就好鍾意呢個板塊, 我冇錢買多一間屋收租惟有炒下地產股, 地產板塊佔恒指一成, 每次港股爆上一定有份, 每次賣地都有得炒, 夠晒波幅, 見股價低殘時入貨, 然後等運到, 好得咖!
油股方面, 我凈係聽你講想入883, 而我係睇883, 857, 386, 2883, 135, 1205, 邊隻到價入邊隻.
中信集團計畫明年底前來港整體上市,集資規模達800億元人民幣, 受消息刺激, 上周中信系走勢明顯好轉, 市場亦傳中信資源再排期申請分拆中信大錳主板上市, 看來低位已收夠貨.
馬仔幅 icon 襯到絕! 讚!
~~~~~~~~~~~~~~~~~~~~~~
本周三拍賣山頂聶歌信山道的豪宅地皮
本周四期指結算, 轉倉活動將會影響市況
#1288農行於本周四收市後加入MSCI指數
每個月1號內地會公布上月官方採購經理指數PMI
下周一(8月2日)收市後匯控及恒生公布業績
~~~~~~~~~~~~~~~~~~~~~~
dai dai Sir 分析: (23/7)
#2823 安碩Ａ50中國基金
1) 7月4日當周出現「平底」訊號，以 $11.4見底回升﹔
2) 今周5周線升穿10周線，利好﹔
3) 大陽燭升穿5周、10周及250周線，利好﹔
4) 今周受阻於30周線 $12.883﹔
5) 支持: $12.14、$11.4﹔阻力: 裂口 $13.2至 $13.36
~~~~~~~~~~~~~~~~~~~~~~~~
陸 Sir 分析: (23/7)
講穩陣一定係領匯穩陣d，領匯商場分布全港，仲係低價商場，有一定提升空間，越秀房地產物業集中在廣州，主要在白馬商場和少部份甲級商廈，所以風險集中d。佢地股價都反映左呢d因素，否則唔會領匯4厘幾息，越房7厘幾息，所以買領匯應該追求穩陣，但佢係獨市而慢的生意，買越房就看好廣州(多少亦跟中國大勢)商業物業的前景。
小心#405會略減派息，因為記憶中佢講過會派少d，但其後又買左新大廈，多左負債又多左新租金收入，內地租金又有d向上，所以唔係好知佢最後會點。
慳妹, 你真係如現場直擊一樣, 無論我坐係梳化定餐椅 ,
方方土都爬到上我身, 坐在我身上,
把我當櫈坐........ 已經好好彩,
佢當佢爸爸係電單車, 成日要戴好頭盔飛車........
OH,PERSIE , 你可以問醫生取眼藥水滴, 客易滴好多, 最多滴密D咋~~
我腦海裡經常浮現一個畫面：舅父仔坐在沙發，小 B 坐在舅父仔大腿上，好舒服咁挨住父父呢個人肉咕唇，好得戚咁搖吓搖吓、un 吓 un 吓；父父在小 B 耳邊哼唱歌曲，又或講些只有你倆才明白的夢話，小 B 好開心咁咭咭笑，不時將頭仔向後昂望吓父父，用小手摟著父父脖子......
寶寶：餵藥真係好難，要有兩個人餵比較好。卡卡的眼好敏感，隻眼有時會腫左，佢有支眼膏但根本好難搽。
主席：小B大個左，好鍾意周圍走，今晚我們在PP北京樓吃飯，他在酒樓外面狂奔，不肯讓人拖住。他還差點撞落一位先生的腳，我定神一看，原來是甘國亮先生！但有時小B仍好insist我抱他，比如在街上嫌多人，或者太累想人抱，都會指定找我。酒樓的姐姐哥哥好鍾意小B，同他玩，又送氣球給他，又說他靚過某對明星父母的兒子！
舅父仔：小 B 大個仔，見到你仲有冇咁黐纏？
小王子的尊稱便是佢病時, 我服侍佢 , 佢似王子, 我是奴隸而改的.
你地有兩個人用針筒餵 真好, 我得一個 , 真係餵到想死,
醫生又話唔好咁大力 , 話有人主人會弄傷佢下爬會絕食而死.......
小王子, 如果我有欠你, 希望已經還清............
k-i, hello！你好！
小B好鍾意龜龜，喜歡看牠們游水，又常想趁我們唔為意時篤個龜殼，甚至想徒手攞起隻龜。
soho: 我們是足球狂熱家庭。我媽媽都好喜歡看足球比賽。
寶寶：我覺得我們前世一定欠了我們的寵物，今世要做番牠們的奴才。
到底是小B望住龜仙人，定龜仙人望住小B？
大家都隔住個缸。
小b見到龜龜會點？x2
我未養過龜龜，只養過貓貓狗狗和熱帶魚。
小 B 見到龜龜會點？
用球員名字為龜仔命名, 好搞笑! 全屋都係球星.
這網誌寫得有趣極了! 一定要推介!
Persie 同埋寶寶狐的尋龜方法好聰明, 讚!
居然識得去賣廣告, 引我地黎睇龜記?
我都係養龜0既, 比起你地D 識游水可以放生0既龜,
我的煩惱更大.....(烏龜好長命, 相信我走之前, 可能要好似貝貝主人)
龜細細個的時候, 吃菜的樣子真的很可愛, 可惜大了以後真的很臭臭,
一日要沖幾次涼才不臭,
我就有一次, 同佢 3兄弟沖沖下涼去左講電話,
施施然講了半個鍾才發現"走龜" !
搵到我死死下, 好彩知佢為食, 在家放了一行行龜糧, 等佢爬出來食先搵到,
小王子係人地養不到送來給我救救的, 牠大病一場,
3日要去獸醫打一針, 心痛死我, 好不容易才救番,
有時佢地爭野食 , 爪爪下你責下我, 我推下你時,
我都會對佢地訓話 : 米打架 , 點解你咁曳 , 打下佢個龜殼 .
仲有一次, 沖沖下涼跌左佢落地, 個殼好似裂左, 嚇到我搵塊膠布幫佢貼住~
你兩個一齊咪叫龜先人邏!!