正面信貸資料庫的迷思~

4月1日起正面信貸資料庫正式成立,相信係業主的你都收到銀行寄比你的信件,叫你自願去將自己的物業按揭資料、貸款金額、有幾多物業、出租、自住放上佢地的資料庫。當然,你唔肯簽佢都冇權迫你,如果你現時都冇唸住再加按轉按或做按揭,你大可冇需要理會。

但係如果你真係做按揭,好似我咁而家要做轉按,我都局住要簽,除非你唔介意比一個貴D 的息口,所以我最尾都簽左,簽個下都有D驚,好似驚CALL LOAN,之前個D銀行會追究番D息口等等。所以我都問左個按揭主任D問題,我問最壞的後果係D咩?佢當然都係話一係咪唔做加按或者最差的係只做到5成按揭~

我地呢D玩整餅的人,都係靠加按套現 同埋租金收入去買第2,第3個物業,呢招的確係銀行面前赤裸裸地表露左你的物業信貸,借左銀行幾多錢、息口比率、供樓負擔、邊間出租OR自住都知道曬,咁我地究竟有咩方法呢?

例如第一個物業係A銀行做左自住,冇耐之後出租。直至現今為止,即使話出租物業要收緊至5成,現在都未有CALL LOAD的個案出現過。如果之後有第二個物業係B銀行做按揭,想拿第一個物業當租金收入,係而家的資料庫成立後,咁B銀行會將你的第一個物業係資料庫變為出租物業,由於你係B銀行做的按揭只會考慮你第二個物業狀況是出租定自住,係A銀行所做的物業係唔會理會你的,B銀行亦唔會走去通知A銀行,當然A銀行都唔會咁得閒走去睇下你的資料庫係唔係變左出租物業,如此類推,第三個物業去C銀行都係一樣,咁整餅的遊戲仍可繼續。

根據銀行主任的表示,推出資料庫後,銀行有2年的冷靜期,所以應該唔會追究,而有個案D自投羅網的業主走番去本來間銀行做按揭主動話明出租,咁人地都好難做,結果係加左佢的息口,大家如果有變動,趁呢2年就快D完成佢。

當然大家都係量力而為,計好自己條數,唸好加息去到5厘後,你的租金收入仲可唔可以抵銷供樓開支,加息係必然的事,即使美國唔加息,香港銀行都一定加本身HIBOR的拆息,大家小心為上~