百萬高危!
2011/05/16 22:41:32
網誌分類:
寫作
新老闆上場的第一步是為公司「節流」,而節流之一是「裁員」!上星期公司一位年薪逾百萬元的風險管理總監被革職了,正好應驗黑色星期五的詛咒!
老實說,薪金高、生產力不高以及作用不大的員工,在這些風頭火勢的日子一定首當其衝,何況這位總監是香港人,更加手起刀落。或者一個人壯烈犧牲總好過開除幾個一、兩萬元的基層員工,又或把省下來的增聘幾個國內畢業的高材生,絕對是一舉兩得。總之這百多萬元的經濟效益,比起我們每天節約的雞毛蒜皮開支,的確是大刀闊斧,痛快兼實際!
雖然總監大人專責風險管理,可惜始終評估不出自己的工作風險,到革職一刻才如夢初醒,或許這就是人生的一個小諷刺。幸好總監大人是單身貴族,沒有家庭負擔,在公司已享受了四年多的好日子,所賺取的薪金又足夠買下一個大型屋苑的細單位,夫復何求?
商業管理就是講求實際效益,當一個人的生產能力遠低於薪金價值時,自然容易登上裁員龍虎榜的十大位置。作為員工可以如何自保?我相信至低限度是你所「付出」的,必須多於自己的「收入」,老闆才有可能認為你是「人」有所值的,甚至是超值!不過更重要的還是「人夾人緣」,有時不一定與工作能力有關的。
像上述被革職的個案,雖然主角是「百萬高危」的受害者,但人生能有幾多個百萬?偶然跌盪一下,也總算是曾經擁有!
百萬年薪對我來說很遠, 所以都想不清究竟賺百萬而被炒而怎樣想法。如運好, 可能搵到份更好.
自由自在最可貴,錢太多,沒有甚麼用,夠用就夠
慳妹姐,我無擔心佢架,佢真係好幸福,可以ung ung腳架.
立冬:如果你呢位舊同事已經達到財務自由,可以唔使做,咁不單止無需替他擔心,還要恭喜佢囉。
木子兄,是呢,實力加人緣,所謂天時地利人和,有時都要講工作運的.
無端端,其實仲有一個高層需要炒的,不過呢個有後台,炒不起.
慳妹姐,Indy,佢真係無後路架!佢根本不用找後路的,有米就得!
佢享呢間公司已經享左四年多的清福了,真係夠晒幸福架.
精簡架構,都是由高層入手....好在我屬於前線的員工.
我都認同鍾博士所講,佢應該有後路,唔需要為他擔心。
每個人都要憑實力去證明自己人有(超)所值﹔除了部份每小時領28元工資的。
我唸,如果佢真實至名歸的風險管理專家,他一定有後路。
如果佢從此潦倒,無其他出路,那麼你大老闆炒他就炒對了。
在我看,人事關係都係實力之一。
人人都有D人事關係,但偏偏有D人可憑人事關係升官,有D人唔得。呢D都係實力差別。
indy
凡人,依家做生意唔容易啊!不過如果我聽晚中左一億,就真係會做生意囉.
兔死狐悲, 打工仔都係自保了;或者佢都可以靠手頭資金做些小生意, 咁就不用擔心被炒了.
Sin,你人緣咁好,唔駛驚!
《不過更重要的還是「人夾人緣」,有時不一定與工作能力有關的。》呢句系咪讲紧我啊
Indy,好出路不容易找啊!
心之,佢係靠人事關係入來的,絕對不是憑實力囉。
平哥,佢袋左幾百萬了,應該可以ungung腳囉。
扇子,佢真係無後路架,外邊絕對俾唔到咁多人工的,確實是超高人工架。
May姐,佢真係超貴的,以前靚仔老闆仁慈,先至俾佢享受左四年多,但新老闆係女人,自然手起刀落啦。
壽哥,恭喜你地位穩如泰山!
好采我「人」超所值!
立冬:從另一個角度來看,你這位新老細有可能與總監“不夾”,或是這位風險總監辦事不力,才首當其衝。話説回來,此處不留人,自有留人處;端的是自己有沒有“料”到!
記得前一陣子無線新聞部重整旗鼓,連李燦榮這樣A級的人才都放走。事過境遷,他抖擻精神,多線發展,風生水起,不知幾掂。所以,有危亦有機!+11
突然間無左份筍工,都咪話唔閉翳。
+*
其實佢都慘,請佢時話佢值,炒佢時話佢唔值,值唔值都係公司講。+1
送上積極星星!
百萬年薪賺四年,樓都買到啦!仲唔賺夠?
睇埋呢位總監有咩出路,先知佢係咪流,話唔定佢己留了好路數,迎接下一個百萬年薪新事業了QQ
fung key晚安!幸好佢無咩負擔,但真係中年失業!
立冬晚安
任何名号也好,都係打工仔,最慘就係中年被炒,唔湯唔水!
蛋哥來得好快!多謝!
风险总监,自己的风险不能评估,讽刺啊!
其实工资高低只是相对,关键是能否真真正正的为公司创造价值。那些帮李嘉诚手下的打工皇帝,好像从来没有人嫌他们人工高的。