股海浮沉
2011/09/18 13:15:46
網誌分類:
未分類
翻看過往的買賣記錄，原來我曾買入$5.15的中海油，$45的港交所，$5的中人壽，$45.80的#2828，$14.75的中銀香港等等，不過很快便沽出了。如果沒有沽出就好呢。 在2005年以前，除了匯豐同宏利，我都是買一些基金，連Biochemical Fund我都買過。結果是不求有功但求無過，全部都沒有虧蝕，不過可能放了三年都只得10%回報。在2005年開始我就開始買多好多股票。多年以來，遺憾的說，原來投資是虧蝕了60+萬，如果我的記錄沒有錯的話。我亦不忍心去求證了。 全球經濟問題都沒有解決過，但美股混若無事的企硬。明顯地大市應該會繼續調整，下墜？ 如果知道買入的股票有好大機會再向下，是不是該暫停交易呢？ 點解要買入然後捱價呢？ 唔通買股好似索k，是會上癮的嗎？ 可能不知不覺中，我已經培養一種賭性而不自知，這是頗為可怕的。 各位網友，我不是想沽出全部中電。其實我曾沽出了一半港燈 #6 (現在的電能)，又沒法補貨，游水失敗，所以中電我就從沒有游水。不過，如果知道股市會死亡，是否應該先行離去？是這個想法而已。
我的炒股座右銘:
強勢股也有倒下來的一天
見大鱷洗倉, 手上持貨卻不在洗倉之列, 勿偷歡喜, 只是時辰未到
除凈後股份例跌, 往後走勢大多會轉弱
股份大位不能插穿, 否則會跌落下一個區間
當市場上有大量配股活動, 就是見頂先兆
股市必勝法, 如持有優質股, 立即扑暈自己, 兩年後醒番就會發覺有盈利.
恒指急挫912點, 跌穿18000大關
伯南克上月宣佈把9月聯儲局議息加長至兩日, 令市場充滿期待, 但最終雷聲大雨點小, 完全冇料到, 市場徹底失望, 淡友大鱷無後顧之憂狂沽, 肆無忌憚借勢殺跌
尋日話美資對沖基金大鱷查維斯沽空內銀及內房股, 仲出埋口術唱衰中國助長造淡氣焰, 今日港股跌幅係全亞太區的第二位, 大鱷你好野!
內地收緊銀根, 現時房地產企業是以信託作為資金主要來源, 但中國銀監會突然調查內房企業的信託融資, 顯示內房企業將面臨更大的資金壓力, 一眾內房股持續遭大舉拋售, 阿爺做到咁絕, 收緊埋內房融資渠道, 可能係驚內地房地產爆煲, 所以頻頻打壓, 查維斯又得米!
今日傳內地資源稅改革, 計算方法由從量計轉為從價計, 大行指若成事的話將會大幅削弱油企的盈利 4 ~ 11%, 今日油股捱沽, 資源股全面下挫
以為8月大跌好難捱, 但總算捱過了, 8月份低位見18868, 波幅有3940點
點知9月仲衰, 以為 9月守得住 18000 / 18500 呢兩關, 但今日大插水, 低見 17859, 到今日為止 9月份波幅有 3116點, 如以上月波幅做指標, 好快會見 17000
唉! 想升900點就舉步為艱, 但要跌900點就三扒兩撥搞掂, 可悲的熊市!
感覺上今日股份的跌勢比上次恒指單日急挫1200點更驚嚇, 跌幅接近一成的股份比比皆是, 仲插穿52周低位
而家最要命就係無論外圍升定跌, 港股都係跌, 就算反彈都係一彈就散, 升市成交細, 跌市成交就增加, 大鱷走鬼格
有分析指恒指將會在10月或11月再探底, 樂觀預期: 14800點, 悲觀預期: 13000點
今天美匯指數急升突破78, 愈升愈有, 港匯再度迫近7.8聯匯死線, 股市大鑊
明天是秋分節氣, 未來幾日會有期指轉倉活動, 下周四港股期指結算, 下周會不會有最後逃生門呢?
今天下午指數跌八百幾點時我掛咗一些死雞盤，如果做到指數應該跌超過千點所以買唔到，但買唔到是好事，明天會更低！ 因為買到都係搏大霧，旨在執五舊交會費。
嘩，明天又洗倉。個倉清黎清去，仍舊是七位數字，要想下對策。
因為有公用股頂住，今年股票虧蝕幾萬蚊，在這市況下都可以，不過如果公用股都倒下，就一切化為烏有，所以聽日看情形，可能又會沽下電能。
舅父仔 我現馮高走貨，走淨隻2816，我都冇咗20%.
馬仔：#2828我已經洗濕左個頭，所以要等逃生門。不過這隻我不是太擔心，應可逃過。不過如果買股是為逃，買來作甚？
今晚同長腿姐姐食飯，她就是唔肯等，死硬派係要入市，今年紙上蝕左廿萬了。呢個市真不能坳氣。
no..no...no...我是估神
原來你......你......你......係沽神
小心趕狗入窮巷啵!
我見你都咁真誠，雖然就冇咁甜，好啦，初步17500啦。
2828現水位唔多，低過100都唔敢買。
舅父仔, 為左保持股感, 我耐不耐都會揀幾隻股份黎短炒, 呢兩日炒中石油.中石化同埋A50, 不過剛剛丟左喇! 全靠朝早阿爺大成交飆升, 扯番港股上黎我至有得食咋! 我唔大貪, 執幾毫就走咖喇! 點解炒佢地? 中石油.中石化係內地權重股綽號石化雙雄, 內地人唔鍾意炒內銀股咖! 內地股市升跌都係睇石化雙雄, 炒A50係因為我覺得上証綜指2400有無形之手, 所以 $10.9x 就入貨, 不過近日港股勢頭向下, 美匯彈緊, 油股好波動, 都係少炒為妙.
馬王爺, 14500!!!!! 大吉利事, 大吉利事, 吐口水講過! 俾多d, 17000 得唔得呀? 唔好咁絕啵!
港股猶如大鱷的提款機, 沽壓沉重, 就算外圍升但港股都彈唔起, 做左孤兒仔, 過去兩個月陸 Sir 都講左好多次話QE3會炒一.兩個月, 當時我心諗炒幾日就會, 有冇可能會炒一.兩個月俾散戶走貨咁筍呀! 事實証明外圍只係炒左幾日QE3, 而港股就一直冇炒過, 近排市況急轉直下, 陸 Sir 雖然看淡港股後市, 但到今日仍堅持話就算無QE3, 股市都可能延續反彈一段, 散戶已經輸死晒, 對股市已不存任何希望, 但點解陸 Sir仲咁樂觀呢? 港股重心已向下移, 冇得救咖喇!
973 幾好架，我吼緊883，但個市咁chok，真喺驚，
忍.忍.忍.忍.忍.到14500
花姐：我都好想入#3323，但因深不見底打消念頭。
我相信公用股都會有倒下的一天。我隻#2828仲等緊逃生門架，開門啦！
soho：現階段你還有沒有買賣？
港股每次反彈都回得好快, 掛沽盤好難睇位定價
早排有同事想入中國建材, 當時股價係 $15 左右, 我話呢隻野出名負債高, 係熱炒股份, 大上大落, 要身手靈活才可上車, 我就唔敢掂喇! 我仲話中國建材現價相等於未拆細前的$30幾蚊, 4月特登炒高黎拆細, 飆升只係虛火, 跟手係4月尾十送十紅股, 千祈唔好以為現價 $15 好平呀! 好彩佢聽完我講冇入貨, 原來佢以前見中國建材企係$32, 所以覺得而家好抵買, 死未!
一眾曾幾度熱炒的股份現時都跌左超過50%, 回想起來, 大鱷抽高派貨的手法真係高明.
曾幾何時水泥股係基金同埋散戶的至愛, 如今反轉豬肚就係死(屎).
soho今日手癢見水泥股升,下午正想入3323,好彩捻起電話又放番低,
結果指數又插過,好險!真的大鱷利用反彈引散戶接貨!
花姐, 港股現時係溫水煮蛙式一級級向下, 一彈就散, 大鱷高位狂沽, 港股跌至現水平但沽空仍高企, 顯示港股跌勢未完, 回想起來, 就係幾個月前我話民企/國企做假數, 老外離棄民企/國企股份開始, 洗倉潮就一直未停過, 跌下彈下來引人接貨, 其實熊市反彈係大開逃生門, 將蟹貨沽出再係低位回補亦可減輕損失, 散戶唔趁反彈作出相應行動只會愈蝕愈深.
多隻基金買重內地企業股份大蝕收場, 老外近排不斷唱衰中國, 除左洗倉沽民企/國企正股外, 相信係一早沽空左, 所以出口術踩多兩腳, 最寸就係對沖基金大鱷查維斯, 佢叫人買濠賭股, 佢話中國貪污情況嚴重, 貪污官員會拎d錢去澳門賭, 所以濠賭股炒得過, 真係寸爆, 查維斯透露已沽空內房.內銀股, 佢話同樓市相關既股份都要沽空, 唔怪之得過去一個月內房.內銀股跌勢轉急, 成個洗倉格, 反彈乏力.
港股在9月份有幾次反彈, 恒指高位分別是20975, 20159, 19652, 每個頂部相距甚遠, 顯示反彈力度愈來愈弱.
恒指在14/9低見18627後曾一度反彈, 但19000樓上受壓再度回落, 過去三日低位分別是周一18876, 周二18732, 周三18698, 底部逐步向下移尋底格, 今日港股收大低水98點, 大鱷擺明係玩QE2.5見光死, 另外有大量牛證於18300 ~ 18600點聚集係港股向下的另一個誘因.
今個月有季結因素, 但近日就算反彈卻連19000點亦無法企穩, 顯示大鱷等錢用, 走鬼走得好急, 內銀股佔恒指比重約20%, 但沽到破晒底, 跌勢仍未止, 怪不得港股愈跌愈有, 以往內銀遭洗倉阿爺都會出手, 但係今次係完全放軟手腳任佢跌, 我估係阿爺明知大鱷未洗完倉, 所以費事托高俾大鱷出貨, 上周一工行被基金沽1.13億股, 套現5.33億元, 怪不得工行當日由 $4.9x 急跌至 $4.6x, 今日仲插穿埋 $4.5 關口, 真係冇眼睇.
以往港股試底係彈得好快, 唔會係低位徘徊, 但近日恒指跌穿19000點, 國指跌穿10000點, 一直都無法重上呢兩個大位, 走勢極不尋常, 顯示淡友勢強, 好友已棄守, 港股係靠阿爺睇場, 而家阿爺唔肯出手, 港股就死得.
我都唔明點解港交所仍企係$130樓上, 我估係大鱷臨危托沽, 港股第一季日均成交金額有$759億, 第二季日均成交金額跌至$711億, 我估第三季會跌到落 $650億, ipo 縮沙消息頻傳, 港交所業績唔慌好啦! 港交所走勢係一級級落, 每一級十蚊雞, 磨完一輪又跌十蚊, 一路向下移.
今次股災除了公用股頂得順外, 中資電訊股就真係跌市奇葩, 不得不寫個服字, 最吊詭係中移, 中移在9月份差不多日日上五大沽空榜, 仲成日霸住沽空榜首, 但係中移竟能咬住 $78 ~ $80, 股市是沒有永遠的強勢股, 權重股中移獨力支撐大市才是我一直最擔心既問題.
本地地產股近排弱過藥煲, 亦係扯住港股碌落山的元兇之一, 長實將軍澳新盤「領凱」減價沽貨, 累計推出1011個單位, 佔領凱總數87%, 李+x一向有眼光, 佢係施政報告前大手出貨必定係看淡樓市, 我個烏鴉口幾個月前已經話半年內樓市會見頂咖啦! 唉! 地產股插水, 港股就會好大鑊.
德國係救歐豬的台柱, 但選民反對援助班衰豬, 執政黨地方選舉, 議席不斷失去, 德國總理係進退兩難, 推出拯救方案係困難重重, 今日有消息話巴西將動用100億美元援助歐豬, 不過希臘真係唔抵幫, 個屎希臘財長仲寸歐盟反應不夠決斷, 希臘呢個敗家仔真係唔死都冇用 $%#@^&*#
4~8月資金流向:
有750億美元流出股票基金
有423億美元流入債券基金
soho你講的朋友似當日我叫佢沽13獲利的朋友一樣,
有七千唔袋,寧可跌時守三年,原來世上同級人種俯拾皆是,
哈哈~我倆忠言都是多餘,留番吹水好過!
多謝yuanping！
今日$75沽出左1000股中電！
Persie, 早晨！
小B越大越靚仔。
王子你你你你！ ！ ！ ！ ！ ！ ！ ！ ！ ！ ！ ！ ！ ！ ！ ！
你要補下條腰。
噢，希望小豆沒有事啦，Ashley合埋眼飛埋去。這位小朋友值得欣賞。封左塵的貝碧，終於重見天日。
王子！ ！ ！ ！ ！ ！ ！ ！ ！ ！ ！ ！ ！ ！ ！ ！ ！ ！ ！
chanreborn：你的估計有道理。雲加唔知過唔過到10月2號。下週主場對保頓實在不敢言勝。之後對熱刺，今晚見他們一開波好似食左興奮劑，以我地現在的狀態是無法抵擋。再之後對Sunderland，他們今晚數左Stoke City 4球，而我地每次對Stoke都騰騰震，點搞？
鐵血隊長泰利，唔知今晚會唔會食紅牌？
仲要俾埋12碼，點踢？
不過冤枉來瘟疫去。
丘建威，歐聯泰利球12碼只偏離些少，點似Rooney呢球大片，唔該你公正d啦。
may：晚安，多謝星星。
其實史摩寧的越位，助理球證拉一條直線應該好易睇，蘭尼更加越位左幾條街。英超這種低水平執法嚴重影響球賽戰果。
同評級機構一樣，球證睇錯係唔駛罰的。
有朋友在恒指21500~22000大手入貨, 當時我勸佢分注慢慢入, 要預留兩筆資金, 一筆係當年QE2恒指起步的20000邊才入貨, 另一筆係留番股災用
朋友唔聽我講, 話唔驚跌, 入貨後打算持有兩年, 我話如果太早一筆過用盡資金, 就要問下自己既 AQ(逆境智商) 能否頂得住持貨期間股份大跌, 佢話冇問題, 不設止蝕, 入貨後等收成, 當時語氣係自信心十足, 我係忠言逆耳, 屢勸無效
到恒指跌穿19000見18868, 朋友好鬼驚, 好唔開心
到恒指反彈上 20500 樓上, 我話想減磅就要走喇! 大位一定要試幾次才能突破, 加上 21000樓上係大裂口泰山壓頂, 好難攻破, 但朋友見港股大反彈, 自信心又返來, 又話打算持有兩年, 不設止蝕
到恒指再次跌穿19000見18627, 朋友又好鬼驚, 好唔開心
上星期佢同我講, 話見反彈微利都會走貨
到近排港股反彈, 但朋友手上的貨仍蝕到喊, 佢呢兩日再改口話平手或蝕少少都走
我俾佢激到吐血, 我真係想扑暈佢, 兩年後至叫醒佢
persie及各位網友晚安！
小B的新裝很可愛！他看來是個大頭娃娃——聰明孩子！
我覺得：股票只要能做到低位買，賺到錢就可放手了。最重要保住本金。+1
德國唔忿氣借錢俾希臘的理據:
希臘的公眾假期比德國多, 養懶人!
希臘的每周工時比德國少, 好識歎!
希臘人的生活比德國人休閒, 唔願捱!
希臘人不肯自力更生, 卻攤大手板向德國借錢, 敗家仔!
借錢俾希臘即係縱容一個洗腳唔抹腳的敗家仔, 等同掉錢落大海, 冇咁笨!
德國總理真頭痕, 民意唔贊成幫希臘, 但政治考慮就不得不幫手, 點算好呢!
~~~~~~~~~~~~~~~~~~~~~~~~~~~~~
小安子吉祥,
你家有小強大唔大隻?? ==> 唔計觸鬚, 身體長 5 cm, 由窗外飛入黎
你部驅蚊機是否長開?? ==> 係長開咖! 插入牆上的電掣長開唔理佢
舅父仔, 凡事兩面睇, 放入長倉的貨有升到阿媽都唔認得, 但也有不少是跌到趴係度
李聯廣說得對, 在高位沽貨, 而家見到一隻二隻跌左五成, 真係要額手稱慶
想當日我曾經炒過博士蛙.霸王.長實.和黃.恒地.光大.太航.國藥.中銀香港.招行......如果我將佢地放入長倉而家就蝕死喇! 我既EQ同AQ都好低, 不能容忍佢地由賺變蝕.
P仔,
我公司都有個同事近似咁case.
其他同事出花組2.x個月糧,他就兩個月都無.
其他同事加人工2.x%.他就得個dd.
老闆好唔鐘意佢,覺得佢跟得跟唔足.特別前線工作.
我就成日暗地裡係後勤幫佢攪掂晒,唔比老闆知佢疏忽做錯野.
有時我覺得自己左右做人難.佢成日一句話多野做睇唔到咁多.
我剛剛飲左少少酒,希望今晚可以做瞓d啦......呵呵.
你個ideas都好好.但我應不會失到咁夜掛.........@@
good night!!
安仔：有時不是想走就走，會走不動。要找到可收留自己而條件比現在份工更好是好難架，特別是我等高齡人士。可能我勉強撈到五字頭都冇得撈，是有可能的，不過我之後可能嘗試找其他事情做。做人不要太灰！
同事的case：
- 估計他老闆今年在股市輸大錢
- 他老闆在公司又被削權，心情壞
- 同事被老闆被看死不會離職，恰他
點解失眠啊？不如轉台看球賽，可能你馬上睡著了，嘻嘻。
P仔,
我近日忙於爭取時間休息呀!!但昨晚失眠,好慘呀!!
小朋友不要留長hair啦,唔得意又無精神呀.
人被看死係好慘//對的,
覺得自己無存在價值時就要一走了.
老闆和老闆的老闆決定留他//為什麼之前老闆又要成日鬧佢呀?
摩迪嘅射門，靚爆鏡，正！
嘩，熱刺搞乜鬼，一開波狂搶，好似食左藥。
李聯廣：Thanks，我明白這個道理。
如果已經損失60萬，正考慮是否要離場。唔知點解心中浮現出一句話 -- 唔信塊鏡，都信下盤水。
隔離部門有位同事，我都同他合作過，人很好，做事好有責任心，拍住他好放心。他都是2-4-6一族。他太太工作關係經常travel，他就留港看住家庭同兒子的功課。他老闆今年在股市輸大錢，在公司又被削權，可能心情好差，同事被看死不會離職，走不郁，成了出氣袋。有時他老闆鬧他，我都可以聽到。某天，他遞上辭職信。結果係，老闆和老闆的老闆都決定留他，加薪15%，而他就決定留下。我估他不一定想走，但他受夠，亦真係找到一份工，就決定表態。我都替他高興，因為人被看死係好慘，但當你證明自己的價值，個人都唔同左！
Persie,
我覺得只要沽出時是有賺的話就不用懊悔以後升到什麼高位了。若是你在#5百多元時或#2628數十元時曾沽出，現時會否額手稱慶呢？
買賣了十多年的股票後，我終於悟出一些道理。若是(長線)投資的話，就算是熊市，也不用將股票全部清倉；牛市也不用100%持股(除非十分肯定是大牛市)。
投機就更簡單，有賺便可以了，所謂「賣仔莫摸頭」。沽出後隨時都有買回的機會，就當是另一次新的交易便是了。
史哥：cooper的blog，我天天都追看。在公司，我都會用ipod去睇。史哥的絕學，令我嘆為觀止。cooper妹妹的善意提醒，有如暮鼓晨鐘。不過我自問沒本事去分享，只是看看各位高手的寶貴意見。