一命二運.......
2012/04/26 00:25:29 網誌分類: 寫作
常言:「一命二運三風水,四積陰德五讀書,六名七相八敬神,九交貴人十養生。」
一般人只知前五件事而不知後五件,所以小妹在此多謝網友巧茹與小泡泡的留言,讓我認識這「人生十步曲」,也可作為人生的「考核指標」。
現在先來自我審查:
1)一命:無家底,要靠雙手努力。幸好坐貴向貴、日月夾財、財蔭夾相……
2)二運:2003年9月1日開始行運,2011年2月新老闆上場,好運漸走下坡,2012年3月1日跟著個無品的上司,職場厄運正式開始。
3)三風水:現在新居環境舒適,無鬼、無四腳蛇、無曱甴、無飛蛾、無蜜蜂…….乾淨開揚、涼風陣陣、可遠眺維港五光十色。
4)四積陰德:經常行俠仗義。
5)五讀書:讀書唔夠多,依家好後悔,絕對係書到用時方恨少,幸好都寫到文章,呃得下人。
6)六名:立冬個名好唔好?有玄學家話好差,叫我即刻改。但小妹硬頸,死都唔肯改,就係唔信邪!真名佢都話唔好,但真名係先父唯一留俾我既東西,絕對唔可以改。
7)七相:小妹個面相真係幾好,好有福氣,唔錯。
8)八敬神:我好信車公菩薩架。
9)九交貴人:自問一生都有好多貴人,得到好多老闆賞識,又有好多好朋友,真係好感恩!
10)十養生:識飲識食識煲湯,間中都有運動,無不良嗜好,身體都算健康。
總括一生,我很幸運,人最重要感恩、惜福。人活得不開心是因為不知身在福中,用上述十個指標來衡量自己,發覺甜多於苦時,人就開心了。
运气总如潮起潮落,平常心就可以了。
D餸睇到我流晒口水啊!
嘩..好好餸.
加杯咖啡添..
立冬了..當然遇淺雪..
危機即轉機,人總在危機出現時才會前進,唔駛怕,加油!
知足常樂﹗
嘩﹗一個人食使唔使甘多餸啊﹖
得閒煮下野食,都係一種福氣。
客觀分析,堅守信念。+13
活得開心就是了, 那管其它吧 +!
我要向你學習
立冬:
你所講的和我有大部份相似;所以我都好感恩
人最重要感恩、惜福。+8
十分贊同!
我真係唔知後面五件事。多謝提點。x 2
+7
止行俠丈義一環足無愧了!
送上幸運星星!
十大項目中,樣樣都很好呢!
安穩的人生,乎復何求呢?
知足常樂!
人最重要感恩、惜福。+2
一命二運三風水,四積陰德五讀書,六名七相八敬神,九交貴人十養生。
哈~~我真係唔知後面五件事。多謝提點。