要有比別人賺你錢的慷慨~
近日同朋友講開結婚買樓,我話自住的話幾時都可以買,除非之後與父母共住。之後朋友話:"我會丫,但我會儲夠錢FULL PAY" 。聽完即時覺得弊啦~真係好似我當年諗法,就係覺得比息銀行好傻,死都唔比佢賺,問銀行借錢似大耳窿,一借就家破人亡,仲覺得點解我要比你賺丫。
呢個問題我係大約3年前終於得到個答案,以前真係自少父母講,唔好問銀行借錢,銀行=大耳窿,有能力自己儲錢買野之類的教導。一直覺得借錢真係罪人,尤其借朋友錢,借左可能朋友都冇得做,所以真係好驚問人OR問銀行借。
之後,當我真正了解左之後,我明白點解有人肯比貴息借錢做生意、炒股、買樓等,因為佢地覺得所付出的利息都可以係投資上拿番之餘仲有賺。當然我生意真係唔識,抄股我又成日交功課,我真係怕怕,驚連本都輸埋要燒炭。
但最尾我反而發覺,我好敢向銀行借錢買樓,仲借左幾百萬。真係比丫媽知道一定嚇死佢。但我當然都唔係傻,計過度過,銀行借出的樓按利率,現時為2.2%, 之前2010年仲超低1%左右。現時買樓有心搵都搵到5%的租金回報,簡單講仲有賺2.8%的息差賺。又當唔係買樓,拿去做人民幣定期都有3%,仍然有賺。
現實D睇番物業, 如果200萬樓仔,做9成按揭,30年還,2.15%(最近做的樓揭), 月供7000 (本金3700;利息3300)。即係話每月儲錢3700, 實質消費3300。 現時租值約7000-8000,如果真係要月租7000, 就等於每月消費7000。你話唔比銀行賺錢,咁就等於你比業主賺錢,仲要賺得更多之餘,你冇(3700)儲蓄的成份。根據ECON利息的定義,"利息就係提早獲得享受物品的代價"。其實完全係銀行幫你上車買樓,比間屋你住,你每月比番3300銀行,其實就等於交租。3300租一個單位根本冇可能,套房就得。
另外,買樓如是,我爸成日都同我講,人地05年買賺左成100萬你都買???其實只要睇好物業的潛力,認為仲有得上升OR提升本身的租值,人地賺左幾多又關你咩事呢? 只係人地好眼光,入市時機好,有做功課,如果人地賺100萬,你覺得賺20萬太少,但如果有20萬送比你都唔去賺,咁似乎仲傻仔啦~ 所以幾時都要有比人賺你錢的勇氣,畢竟你可以學到佢點解可以係你身上賺到你錢先~