牛腩麵，雲吞麵
2012/08/19 23:47:42 網誌分類: 飲食
沙田瀝源村的一間麵檔，擁有超過半世紀的歷史，更經常被傳媒報導，除了店舖的擺設充滿藝術氣息外，更重要的是洋溢著濃厚的人情味。因為每逢初二、十六，店主便會免費招待老人家吃麵，算是對村內長者的一種回饋。
我很喜歡吃牛腩，特別是用花椒、八角、桂皮等多種材料炆煮的牛腩，這絕對是中國人烹調牛腩的智慧，那種濃香很令人回味。以前深水埗福榮街有一間大牌檔，牛腩做得頂瓜瓜，魚蛋又新鮮彈牙，雲吞的大地魚用料十足，可惜那時沒有飲食節目可以推介這一類街邊粉麵檔，否則它一定會大受歡迎。然而這裡的大排檔後來全被拆卸了，除了「維記豬潤麵」進駐地舖外，其餘已不知所踪。我很留戀以前的味道，因為在這十多年裡我一直無法找到一碗好吃的牛腩麵！
九龍灣某大型屋苑有一間水準很不錯的粥麵店－「細蓉記」，聽其名已知是以雲吞麵為主打，確實是做得很好的，但牛腩就不推薦了。一粒好的雲吞，除了要用新鮮蝦外，更要有三分之一的豬肉做餡，再加上大地魚粉，這樣才夠惹味。她的粥也煲得很「綿」，用料新鮮，只售三十元，物有所值。要知一間麵店的水準如何？喝一口撈麵所配的上湯便知道了。「細蓉記」的這啖大地魚湯，比起灣仔永華所做的，實在好得太多了。湯底做得好，已是成功的一半，可惜的是她位處屋苑之內，不為外人所知道而已。
茶餐廳一碗雲吞麵要賣２０元，粥麵店要２３元。如果多付３元便可以吃到一碗高水準的「大蓉」，你會怎樣選？
蛋哥對牛腩麵也相當有心得啊！
某日中午时分，经过九如坊九记门前，时值大雨，有部分没有带雨具的食客宁愿淋雨也要等候，是真的这么好吃吗？
据说对面一家露天无招牌的大排档，番茄牛肉面也非常有名。
我就觉得钵兰街的九记咖哩牛腩（不知道与九如坊九记有没有关系？）不错，不过是咖哩牛腩饭。说到牛腩粉面，我认为白加士街的一家小店新翠苑是挺不错的，起码每次我下午途径哪里时，都会想起到里边吃一碗牛腩河粉。
原来观塘裕民坊的一家牛坑腩非常有名，可惜拆迁后就结业了。。。
淺雪姐，果兩間享匯豐銀行門口，我梗記得啦．但我覺得我呢間好味一點的．
哦..北河街和南昌街中間福榮街我也幫趁過..我以為你說桂林街口福榮街那兩間..那兩間.一間賣雲吞和牛腩一間專賣牛什..比較近我童年時屋企..
我比較鐘意那兩間口味..而家講起都食指動..
淺雪姐，是北河街與南昌街中間的福榮街啊。
呵..呵..
對..對..對..
我知你說深水埗福榮街那間牛腩麵鋪是那間..小時候常去..
唉...光陰如流水..時間去了那裡呢?
送上 美食星星呢!
如果 好吃的話 ,當然全部都選呢!
Cashin，其實我想試九記好耐，但太遠水路所以遲遲唔去。不過唔試就很難評論的。我好怕食柴皮，我喜歡吃坑腩，希望到時有啦，下次試了再話你知。
立冬,
清湯腩係咪一定要配河粉,柱侯牛腩就要配麵
我個人就好少配河粉,99%係配麵或伊麵
九記係值得去一次既,老實講,佢既水準係比以前差左,我都曾有一段時間唔再去幫趁
因為有一排成日都食到啲好瘦既部位(即係所謂柴皮),比你都心淡啦,一係你要求要半肥,但可能有時比啲幾肥既你,唔係人人接受到,正好似Habanero講咁,真係要睇你運氣,
除非你食淨腩,就9成無問題,不過就幾貴,一碗50幾
不過佢碗湯就保持到水準,無走樣
毛毛兔，晚安！永華的雲吞就吸引唔到我了。
真的，我的朋友食過中環九記只是一般，實在名大於實
立冬晚安，永華的雲舌麵都算幾好，但始终都不及以前的味道
Habanero，永華的筋腩撈也是我的至愛，但那碗上湯就真係太淡了。
立冬你好.
個人覺得九記過譽了, 第一次食以為失準, 給了第二次機會, 水準還是穩定地一般. 用的部位太肥, 而牛腩味欠奉, 只有大量咖哩汁.
我推介灣仔的永華的牛筋腩撈, 炆得恰到好處, 柱候味亦不喧賓奪主. 十分出色, 價錢算貴, 但份量也很足秤, 已算有良心.
Cashin，好，等到秋涼，一於去九記吃牛腩河。
清湯腩一定要配河粉，柱侯牛腩就要配麵了。你話對嗎？
毛毛兔，你好！靚的牛腩其實比和牛更加好味，我到現在還記得當年的那碗牛腩麵的味道啊。
我不吃牛，但雲吞麵就好like
立冬晚安
不要遺憾嘛
好似享中環九如坊附近，都幾遠架喎。
不要比自己遺憾,就找一次去試九記牛腩啦
一個人食，點會自己整呀？
香港有好多美味，只是租金太貴，否則可以吃到又平又好吃的上等美食，舊香港愈來愈值得人回味，以前，真係食粒魚蛋（大型）都好味，啖啖都係鮮魚肉，現在吃的都有化學味精，唔多敢食。＋１
細蓉記的艇仔粥很特別，有蝦子，海蜇絲，火鴨絲，魚片等等，是該店的推介粥品．但我個人較喜歡及第粥．
一定會找機會試試！
＋1
馬仔，大蓉是份量較細蓉多的雲吞麵．
Cashin，很遺憾我沒試過九記的牛腩，但天后＜華姐＞的清湯腩有試過，感覺比以前退步了，但都算很好吃，比＜大利＞好．
細個時喜歡吃牛腩,雲吞河,重要加好多辣椒油.
+*
大蓉不是淨雲吞咩？？
我最鍾意食牛筋同豬手麵
牛腩麵,你有無試過上環九記? 有爽腩;咖哩牛腩,都好正,雖然係不及以前
平哥，木子兄，我都好鍾意食牛腩撈麵架。撈麵配的上湯比雲吞麵的湯濃好多，細蓉記碗上湯真係好濃，好有大地魚味。細蓉：３粒雲吞，一個麵餅，售１８元。大蓉：５粒雲吞，一個半麵餅，售２３元。
以前的魚蛋粉都好好吃，但現在真的走晒樣了。
印像中，細個時雲吞麵與牛腩麵同價，貪食肉所以自細就養成食牛腩麵個習慣。牛腩撈要加錢，唔舍得。
+* 細蓉，個湯好緊要。牛腩，我鍾意食腩撈，肉質一定要夠「臨」。
細個時，住元朗，鄰處就有位做麵人，每晚經過，都見他用大竹升去壓麵團，那細容真的很回味。
可惜，拆卸發展後，麵店無左，再食不到那美味了。
我去過細蓉記，德福還是淘大，忘記了？以在大屋苑內開店來說，難以想像其價格何以這樣廉宜。
我都很喜歡吃雲吞面。