陷阱也﹕白表免補地價買二手居屋5000名額
http://house.cnyes.com/News/wd_house/Content/20120913111629470277210.htm
真係唔講唔得,呢樣野都現時為止真係害人不淺。我發現呢年事令好多真係買到樓自住的人觀望,希望有機會抽中。但其實諗深一層,真係好大獲。首先政府一推出綠表二手市場即時加價。現家仲衰,D想買樓自住或換樓的人,全部都等下年的1月入表申請,好似抽IPHONE咁,仲肯定全家總動員去抽,老實講我係唔係都會抽左先,到時唔要一件事。第一年推出2500個限額, 家庭佔單身人士比例係 9:1,即係單身名額得250個少得可憐,而家庭收入不超過3萬;單身人士就15000。結果將會點呢? 我個人意見係:
當1月可以申請時,將會丫豬丫狗都申請,結果就肯定超額申請起碼10倍,我相信有25000個申請一D都唔難,之後單身人士申請仲多,因為好似申請公屋咁之嘛。之後,綠表的業主一聽到呢個消息會係點??? 梗係老虎蟹都加價先啦,連帶白表居屋都加埋,之後就係私樓加價。之後新聞又狂報導需求好大,D真係想買樓自住的人就好驚,更加唔介意追價入市,但其實真正想買樓的人唔係多成咁,因為好多都當中6合彩博下,博到就比家人都好,所以需求即時放大左,更造成恐慌。
同埋,而家綠表同白表的居屋價錢已經差唔得好遠,如果你用差不多價錢買綠表(未補地價,70%業權)比起買白表(已補地價,100%業權),咁好明顯如果你借9成按揭的話,實質拿出來的首期其實差幾萬,但你將來補地價的代價同限制就好大。
每到年尾都係結構性的樓市淡季,加上呢個政策一出,好多都期望抽到居屋名額或者日後的置安心。咁岩下年2月農曆新年,通常都唔想搬屋,於是購買力將會累積至下年2月,又代表D咩呢? 就係需求累積,小陽春就一定再現。
其實大家都知梁粉唔係超人,冇可能將D地變做樓,最快都3-4年,由2011年開始真係增加供應,加上2015中先加息。因此,真係2015年先有調整。
結論: 要買樓的上車客,今年年底至農曆新年前好買啦。
同我估的更多,真係丫豬丫狗都抽左先~
今日政府公佈了申請數字, 竟然有60,000個!!撇除玩票性質或夫妻同心的重疊申請, 淨計一半都30,000個!
香港人真係好有住屋需要, 有心有力!