要套現定要現金流?
由8月開始一直沽出非優質住宅物業,其實所產生的現金流係唔錯,我一直奉行財務自由及重視現金流的我,早幾日再沽出一住宅,早前賣出的物業係不優質,今次呢個係租值麻麻。當然我開始感到樓市會再有政府市的干預,再大升的機會不大。另外的係,我發覺手上的資金令我停滯左係樓度,雖然每月有現金流,但似乎要再儲幾年錢先可以再買。其實我有唸過加按,但估唔到價,變相只可以靠收租,咁我財務自由的路就長左,但今次買家肯比個未估到的市價我,所以我比較願意賣。而且我覺得我套現的錢,比我之前投放的資金多一倍,即係話原來只係200萬的購買力(3成首期計),變相而家有400萬的購買力~保守地用一筆錢,我會買300萬的樓再收租,餘下的錢就可以保本。咁300萬的樓應該收的租應該比200萬所收的租多左,而手頭上的資金亦多左,咁我來緊的現金流應該會上升,畢竟,我常常記住賺左的錢都係要買物業收租。當然大前題下唔可以沽空到一間樓都冇,而套現的資金亦應用大部分錢即時買入物業,以防自己身痕洗曬。
講番大市走向,我雖然都係估估下,但住宅應該橫行或最多跌5-10%,直到下年農曆新年,有機會再回升或平穩,大跌市應該都要去到2015年先有機會,因為我都睇唔到會突然有好多供應,而且業主冇沽貨的壓力,始終低息供樓,收租一定夠供,為何平賣比你?平少少比你可以,因為佢都有可觀的升幅。而推出加強版SSD,更多資金離開住宅轉向工商鋪,因為D炒家OR投資都有太多錢係手,係工廈仲係相對平的時侯,大手買入不少近MTR的工廈,相對租務強勁,而且冇SSD的限制。
應該係由一出QE3個日開始已經要買, 現家入市我覺得仍係時候,當然工廈的租值比較低,跌市風險會大,不過你預留好供款的現金就OK
CAlvin 兄, 現在工廈是否入市時機? 請賜教.