首次買入工廈
2012/12/04 00:16:04 網誌分類: 物業
繼早前10月尾賣出住宅及mk商廈之後，三日後隨即買入二間葵涌工廈。其實我本身首選屯門工廈之後先係葵涌，荃灣我都有留意，但已經去到$3000呎，屯門約$2000，葵涌約$2500左右，最尾我狂搵二日盤之後買入，不過不是十分低水，屬市價，每間約160萬左右，只係覺得離200萬還有一段距離，應該有水位。
政府一出加強版額外印花稅後，投資者都轉投工商廈。由商廈轉到工廈有個原因，如果都係要搵200萬以下，商廈好多都過200萬，工廈百幾萬都仲有唔少選擇，相對比較多投資者可以入場。而且面積較大，如果同樣升$1000呎，乘出來的呎數就工廈賺幅比較大。另外，基數低。$2000呎屯門工廈升50%等於$3000，如$8000呎商廈升50%等於$12000，那麼上升的力量應該比工廈相對容易。
而家希望一個能摸出，一個會繼續持有，貨如輪轉，手持番Ｄ現金就比較安全。
比我而家就買,你點知幾時跌? 我同你都唔係樓神~
但我就知我今日買,之後就唔理佢升定跌,我當交租,20年後就一定供完唔駛交租
同埋,你當時十幾萬係高息,而家息咁低,其實冇咩貴過, 你覺得升一倍貴?
你知唔知青衣當年買22萬綠表,而家點止40萬? 同埋你而家去搵私樓,有幾多200萬樓買? 我朋友搵樓實用280呎,都要成220萬,如果有公屋買,佢一定卜到去買。40萬有成間300呎樓真係開心到震啦~
工廈2012年頭到年尾都升左一倍,住宅其實一D都唔貴~ 樓價升時你就賺左,樓價趺時你埋當供樓交租,一D損失都冇,如果你相信世界係會通脹,港紙遲早變YEN,20年前的一罐可樂,同而家都貴左一倍啦,牛肉都貴左2倍,點解樓貴一倍就覺得貴? 同埋跌市你又會買咩? 跌左10萬你就想佢跌多20萬,等於HSBC 跌到$33時,有邊個夠膽入市? 其實到時你一樣唔會買~ 只要你而家供得起就一定要買
好多謝你意見~~
係呀~如果我地個屋村之前可以買但我地冇買既話可以買返。
唉...不過個心理真係好難過...果陣賣十幾萬我地冇買....而家變左四十幾萬....
我又諗緊遲下會唔會跌價呢, 又會唔會繼續升呢...
最後一問.....如果比你會等還是會而家買?
萬分感謝>_
第一: 公屋而家仲有得買番? (呢個我唔太知)
第2: 如果真係4十幾萬買到,我一定會買。5十幾萬係講緊15年後的事,通脹都冇左啦。我又同你計數,你話5十幾萬,分到15年還(我相信可以分20年)。我當55萬,分15年,即每月還(550000/15/12=$3000) 每月供3000蚊,好似比多一倍租,但15年後就係你的。但如果你一直租一世,我當你家人會住30年,咁就比左($1300X12X30=46萬),記住係白白比,即係話如果你會住到3十幾年已經係賺,仲有可以你的子女承繼物業。相信50年你的公屋都唔止4十幾萬,而且你的租金也不會是$1300,你知嘛,20年前的公屋租金是幾十蚊。還未計你將來人工高,要交倍半雙倍租。同咪日後公屋隨著通脹的升值。青衣公屋當年20萬有交易,你出去睇下而家未補價的公屋幾錢?
第3: 自住樓係唔會賣,只會換,你亦可比家人住。
你好呀~睇到你個BLOG學到好多野，我都係住公屋，好早之前都知道住公屋再買樓收租呢個道理...可惜冇本金(草緊錢中)...遲下我一定要成功。
不過而家有個問題好想你...我諗左好耐...
呢排我老豆想買返自己間公屋，想加埋我名，公屋而家買要四十幾萬，如分十五年既話總數會係五十多萬...不過我覺得始於都係租唔買好似好D...買左又唔賣得，賣左要訓街，姐係D錢冇得動...
PS. 現租千三蚊到...
請問Calvin哥有咩意見>
多謝支持先~^^
都係純粹估估下吹水,不過工廈的確係冇租金支持，萬一音樂椅停左,租金唔夠供樓。但我仍然睇好來年的住宅會平穩向上,咁工廈都應該冇大跌的情況，最多交投下降，轉手困難。當然買的時侯量力而為,真係要有上會的準備,同埋個收入係足夠。
Calvin, 睇你BLOG真係又實用又學到野, 多些ｕｐ ｄａｔｅ下, 現在工廈租金回報大多是3厘, 其實升得太快, 好多價錢升到租金根本支持唔到