飮飮食食順徳菜

頭抽煎大花竹蝦 - 我地落單後睇住佢拎左四隻有手掌咁長既花竹蝦入廚房,個樣好新鮮. 整出黎豉油皇香氣撲鼻. 蝦頭有膏,蝦肉鮮甜彈牙,連蝦殼都脆卜卜食埋架!!!

蠔皇扣鮑魚 - 個鮑魚當然係廿幾三十頭果d啦,但意外地又扣得幾好食. 個獻汁好滑,餵得個鮑魚十分入味. 要溏心就冇架喇,但炆得夠腍夠入味已經算唔錯喇. 二百蚊有鮑魚你食想要咩質素先!!

勒流欖角骨 - 上次都有食呢個排骨. 排骨腍滑又入味,似乎可以做佢招牌菜.

高湯浸白菜仔 - 合格水準,好在冇油.

來自胃食妹日誌http://tam3415.mysinablog.com/index.php?op=ViewArticle&articleId=2932705