小陽春已提早出現~ 自住樓一定要買~

真係千算萬算,都計漏左呢一份"拖政報告"~繼我預期置安心+居二5000個名額一定超額N倍,必定會令二手業主全城加價後,估唔到CY仲露左底,政府原來係冇地,直到2016後先回覆正常供應,公屋15000個同前政府一樣,居屋5年先有15000個,相信如果等資助房屋的人真係難過中六合彩,市民已經對政府失望,業主即日已加價或封盤,買家只有高追,大家真係靠自己好過。

如果到左呢班抽唔到資助房屋的人再去番二手市場買樓,加上由加強版SSD壓抑的需求至今,相信今年的小陽春會升到嚇死人。如果呢3-4年有自住需要的人,相信唔買去租的話一樣咁貴,2人家庭月租10000的話,3年就冇左360000,等於冇左個首期。根據我學過的理論,起碼有3/4輸的機會。

1.市升,冇入市輸
2.市平勢,一樣輸,蝕租金
3.市跌得5-10%,如果等2-3年會跌的話到5-10%的話,你期間交租的錢同你買平左的錢其實差不多,但人地已經還左2-3年錢,仲有機會面臨加租。
4.市得多過10%,呢個情況你有機會賺左,但如果期間你等左5年先跌到20%,你付出的租金一樣打左和。第2,人地已經供左幾年樓還左5年本金,你先剛剛起步。第3,如果到時加左息,一樣供多左。第4,如果經濟差,銀行收水,你一樣借唔到錢要拿多D先可以上會。道理就係點解03年沙士冇人敢入貨,因為要FULL PAY買樓。第5,當你跌到多過20%又敢唔敢買?通常呢個情況都係會想等佢跌多D先買番,結果唔知等到幾時。

當然人人的難處都唔同,我計好數之後,都身體力行入左個自住單位係"葵芳"
本身我真係諗住等3房,點知呢個2房低於市價,決定冇樓睇都照入。
$350萬,實用400"~ 講真一D都唔平,2009年我睇個時150萬,而家升左一倍有突。入的原因冇他計數,應該供定租好:

現時同類面積2房租金要$11000~

350萬借9成,30年供,2.15厘息,每月供12000,加埋管理費800=$13000

就咁睇好似租抵D,但唔好忘記的係,12000供款入面,6000係本金,6000係息,實際消費的金額為6000,加埋個1000管理費,即係話我7000當交租,有6000就當儲錢,30年後層樓就係我,話之佢期間升定跌,起碼我知道30年後我就供完,仲有350萬資產(如你相信30年物價是不會通脹,但應該冇可能),租樓我就可以租一世,業主又會加租,但我相信7000一定住唔到2房仲要係MTR上蓋物業。

如果有能力比到1成首期,供樓真係當交租,當然都係量力而為,計好自己條數,收入要穩定之餘又有1年的供樓支出備用現金就好穩陣,通常有自住需要都係2公婆,夫妻齊心,其利斷金,今年新年前應該係最後機會。