零技術
我都看了這blog多年，當時金曹大哥，貓兄，cream姐，嫣嫣，K，紫紅豆，DTG，等等都好活躍。記得當年我用15.5萬元買入Value Partners中國股票基金，點知一買就宏調剩下12.5萬，我雖然納悶但心想唯有等。好記得後來陸sir說可以買入A股，結果隻A50飛升上$260，當時未一拆十，即等同現在$26。我的惠理基金升左100%，我沽左它繼續升。轉戰AIA中國 + 印度+歐洲股票基金。風光過後我在2008金融海嘯輸過好多錢，兩個字形容 -- 嘔凸；中國 + 印度股票基金帳面狂賺45萬但都唔肯止賺，到雷曼時差不多跌返落買入價賺五萬走。
因為工作關係，不是太可以常常望住股價來炒，始終本業為重，投資為副，現在已好少買賣股票，只放著等。去年拉住朋友衫尾誤打誤撞買入頁岩氣股票賺到六位數字，其他蝸牛股收股息五位數字。蝸牛股票都漲上，其中一隻 reits #435竟漲左70%，太古地產#1972（但太古B仍在艇上），中華煤氣#3漲左~30%，在考驗我的定力。建行#939坐艇多年 （成本價$6.3）終於有得賺而且已收了幾轉股息。以上股票在2011-2012買入。#811新華文軒都漲了28%，我選擇沽出，因為不太懂這隻股票，本來是買來收息的。
我沒有必殺技，我用只有下三濫老散才用的溝淡技術。我的股票，大部分都是買貴左，到大跌時才用溝淡技術，但現在我賺到30%，究竟我是對是錯，我跟本唔知道。
銀行每年都會批免息免手續費稅貸給我。最蠢鈍係2011年頭用$24買入5000股領匯但$28沽晒。去年買的股票是11000股中華煤氣#3 (成本$16. 5) 持有至今。今年一半買了一隻前海概念股票#152深圳國際狂爆+33%，要多謝George Fisher兄的提點，我已經腳底抹油溜之大吉。另外一半蠢蠢地買了另一隻蝸牛股中銀香港#2388 ($23.9)，現都有11%升幅。（但換入$87的一手中移動 #941艇左，又在等待機會運用溝技。）
這兩年我已好少輸錢，最多係手慢賺唔到而已，因為在低位我不會沽出反而再買入。早兩年有朋友預我一份買細股帶歇我贏左十萬蚊。今年他都有預我但我自己唔玩，因為他要買入的股票流通量較低，我明白個風險所在。朋友已經賺到第一個十萬，但我沒有後悔自己的決定。我現金比率比較高，但我年事已高，不想太拼博。
因為炒股沒技術，所以想買實物。我有個自住兩房單位，想再買入一個較大三房半單位好讓退休後入住舒適一些，看了無數樓盤，終看到一個$9.08m的922尺心儀單位（想二人夾份買，自己一人買唔起），我想議價到$9m但業主反價至$9.2m仲成交埋，都不知是我傻還是新業主傻。我們也不是非買不可，會繼續靜候其他樓盤出現。
等，可能是最適合我的法門。等待時機，亦係我看陸sir blog 多年的得著，寫出來也不怕被人笑。衷心多謝陸sir寫網誌多年教導我們。
PS. 我1985年第一份工月薪$3,500，那些年 …。我係丁克族，double income no kids。
祝大家身體健康,事事如意
pplo，蕃茄，馬仔，李聯廣：多謝您們，也祝大家蛇年身體健康，萬事如意！
Persie及各位：
祝 各 位 蛇 年 " 身 體 健 康 , 股 樓 大 賺 " !
祝各位：身體健康，萬事勝意
Persie 、主席 及各位：祝大家新的一年身體健康、日日開心
雲佩斯你就算開心都唔洗講到白，好似摑左阿仙奴幾巴。
Van Persie: I am home at United
週三戰意大利，RVP上半場披戰衣，場上荷蘭成員只有他一人是 >25。反而意大利Pirlo同Buffon仍在陣。Buffon經得起時間考驗，作出多次精彩撲救。
浪子：你個Gareth Bale狂爆後衝力射球勁到爆，竟真有C Ronaldo影子！
Jack Wilshere在對巴西的國際賽表現出色，好高興見到他的進步。
馬仔，cashin：我朋友看睇圖都是看成交量配合，是否作出真突破，但我覺得他在2010/2011年好似有些進退失據，不像之前般肯定。2012就當然一定好啦。我覺得睇圖是一門技術，用來傍身非常好。只可惜我悟性低，不明白。
多謝各位的回應。這幾天要埋首project work，有兩位同事要在寫字樓工作至凌晨，好彩在農曆新年前事情已完結。
多謝主席和李聯廣兄。
主席：我已於兩日前陸續沽出所有中銀香港同好少A2822，因為始終是loan money，但這廿萬的loan money回報非常好。我之所以有cash都借錢，就因為這批大新的loan money，年年都係lucky money！我亦在$6.55沽出所有建行，因為有部分是蟹貨，入貨價不好，難得鬆綁。我連恆生都想沽，但定價太高不成功。我一直在看中國海外，見它拾級下跌，我就繼續等待。它去年的升幅甚高，其實是否還有投資價值？今年它會否只是調整加平穩？我另外在看的是濠賭股金沙與銀河，但它們升幅已巨，所以又要繼續等候。我仍有觀察深圳國際同安東油田，我覺得它們好似沒有什麼問題，深圳國際更天天似在打底，如有調整我可能會再買入，不過就不會買太多，$100k之下。
絕對同意李聯廣兄所言。
等待是一種策略，長時間持貨需要抵得住旁觀者的噪音，頂得住別人的冷嘲熱諷，心理素質差些少都唔得；找到適合自己的方法就要持之以恆，其實就是這麼簡單。 舅父仔，成功的投資或投機首要保本，你已經做到，再下一步就是穫取利潤，過程可能慢，但最終必會享受成果。
「等待」並不是零技術，因為按兵不動也是一種策略。巴菲特也說過一條投資股票致富的秘訣，就是買了股票以後便鎖在箱子裏等待，耐心地等待。
睇圖表,主要都係睇佢走勢,同成交量是否配合
再印證番佢啲新聞同業績,自問唔係叻人可以用基本分析投資,同基本分析都有死穴,所以用技術分析同睇走勢最啱我,最最重要係要肯止蝕/賺,同分散投資
舅父仔，我分析能力不强，反應不快，即日鮮吾啱我。睇圖我比較有跟據。
圖表真的是大户畫出來，但無論怎畫、他們是雖要錢來買賣，故圖表看的是資金流。 我得承認圖表不一定是最準確的買入法，因在升市是準確度約七成，在熊市時更可接埋，但每日留意下成交，图形的轉變，當中會找到個股的轉勢訊號。我能理解為什麼人們不相信圖表有二。。。第一數據濟後，第二是在大升市時，擲飛標士但一隻都中。
我們看圖表都會看個股背景，成交是否配合。
我的問題是对自己没信心及不夠胆，睇中排得低，要爆既股吾會等你，十二月7勝2輸但我要輸錢是贏幾個巴仙雞咁腳走，去到一月頭吾憤氣，高追了两隻，犯了門规，图形幾靓都好，已到黄花，自己身手吾快，有時因工作關係，所以賠了本。戒急用忍我一定要學識。是買賣策略的問題。圖表呢幾次冇点我。。。。hee:-)
其實每人都有自己的投資法，我會继續研究圖表，改進自己的策略。
No problem, most important is that u find a way that suit yourelf. Add oil~~~~
馬仔，你是否看圖行事？
我有個friend，在2007時看圖殺晒，但近年唔多得，都係同一套系統，但個市變左。
我都係輸，因為我輸的數太大，唔係咁易揾得返。
好多時我輸錢是心急，見升即衝入去。。。。
P.S 我到現在仲輸緊錢，除了月供.....即代表炒股唔啱我