幸福非必然

2013/04/28 16:07:06 網誌分類: 未分類
28 Apr

 

有位女性朋友,跟我同年,沒有結婚,跟媽咪住在大宅,過住平和沒有漣漪的生活。她一向外表比真實年齡細,在2000年結交了一個細她七歲的男子,學歷家境都不配但她覺得找到了幸福。可是都未渡過頭一個七年,個男子已提出分手。樣子點年輕都好,年齡心態係有距離,個男子不是騙她,但男子的朋友笑他,說他是否為生活安定跟一個年長女子在一起。

 

女性朋友是拉女,自然就繼續跟父母住,其實她自細都像個小公主,根本不用分擔任何家裡的洗費,她亦從沒有理會由誰去付。她父母有生意,四年前她父親病逝,兄姐又不想繼續生意,就結束左再把店鋪出租,錢就放在一個類似家族基金,繼續支付她家裡的開支。到去年初,她媽咪被診斷出老人癡呆,現在雖然仍人認得人,但15分鐘之前的事就會已經忘記左。 

 

到她媽咪出事,她有位哥哥開始說不如分家,當然其他兄姐暫未有同意。我問她,你的住處是誰擁有的?她竟然不知。到她去問,原來是她大哥的,大哥對她說,只要媽媽一天在,她都可以住這裡,所有費用由我付。這亦即係說,如果媽媽去左,阿妹唔該你搬開。她才開始識驚,說自己沒住處。她曾買入一層愉景灣的樓投資,以為那地區肯定不會遇到壞租客,點知她竟遇到租霸,雖然終於收到樓但她平手沽掉就算。 

 

我話,現在你媽咪身體機能還很好,只是不記得事情,情況不差,但你大個女,是要為自己打算。她沒有選擇在大行捱,只在一間中型公司做了好多年,但美國總公司公司終於file Chapter XI,遣散左班員工,她就趁勢退休。她份人工應該相當不錯,但都是用來買時裝同儲蓄,幸好她不是購物狂,應該都有六七百萬儲蓄,但她說想買層樓都唔夠。我說,如果樓價下調,是一個時機,你自己好好把握啦。老實說,老人家,點話得埋,幾年又得,十年八載又得,甚至廿年都得!不過如果真係分家,她都會分到一份,基本生活應該不愁。

 

她就是太幸福,從沒好好為自己打算,也從沒有想過投資,不過這也好,起碼沒有蝕本,因為許多人都在股災中輸了本金,而她買了很多人民幣同澳幣,所以她的投資成績其實相當不錯。 

 

人幾時都要為自己打算,所以我都會努力為自己打拚的!

回應 (155)
我要發表
Persie
Persie 2013/06/23 22:31:01 回覆

主席,我都鍾意重口味!不過人到中年,又不斷膨脹,所以都只有食得清淡一些。Weekday自己食得比較淡,weekend就比較濃,因為同朋友一齊食。

Persie
Persie 2013/06/23 12:21:37 回覆

主席,其實當日排左幾隻,但另外的排唔到,所以我只買左一萬股#405,因為如果其他股都可以買入就好大注,怕自己看錯。 

我每晚都看Wong Sir,覺得他幾有料,少提港股,不是財演,經他分析伯南克的話,收水路會慢,加息路仍很長,令我有信心。

Persie
Persie 2013/06/23 12:19:22 回覆

下屆巴塞左腳罰球美斯射右腳罰球尼馬射問你點頂

 

(自言自語自我陶醉中)

Persie
Persie 2013/06/23 12:13:36 回覆

bobofox,真係一場難求的好波。巴西在這個比賽的表現完全出乎我意料之外,那種主動與壓迫,昨晚頭三分鐘已經把意大利逼到狼狽不堪。當然意大利迷會說派路缺陣改用蒙杜利和他又在半場傷出逼住用阿基連尼派牌所以進攻火力差好遠,但我看來影響有限。巴西的主動令人驚喜,尼馬好生猛,逼到射程範圍罰球更加即刻有糊叫。但奇怪地尼馬亦係辣椒仔,犯規次數很多,但球證們似乎幾喜歡他。

 

評述員何輝不停說場波斯一場世界杯冠軍戰,但實情係冠軍戰大家會好緊,不會如此豁出去打,94年冠軍戰都是一場0-0再加時啦,只會在這一場入梗圍的賽事才會這樣去實驗。所以今屆歐聯 Dortmund vs Bayern值得記住,就因為Dortmund破格,一開波就力逼,逼拜仁還擊,合演一場難得一見的精彩final 

巴西打得好,會令我們明年看世界杯更有眼福!不過我就唔恨看現場。今次西班牙球員下榻的酒店也失竊,說碧基損失1000 euros財物。現場看當然開心,但在家的電視又慢鏡又多角度重播又冷氣又凍飲也不壞,場場愛隊可看足,我已很滿足。

BoBo Fox ( 心好, 好日來)
BoBo Fox ( 心好, 好日來) 2013/06/23 04:55:21 回覆

標準球迷, 6 球, 星期6 睇巴西VS 意大利, 超滿足~

令我諗番起 94年, 兩隊我都最鍾意.

巴西令我有點意外...好期望2014 , 可惜真的不敢去睇現場........

慳妹
慳妹 2013/06/21 22:13:08 回覆

舅父仔:我哋大部份投資者有一個通病,太理性上唔到車,太冷靜唔識落車;如果今日能夠落手買貨都要成功克服心理因素,預祝大家旗開得勝。

小油、小鹽、小糖,人都健康啲,但老人家味覺退化,飲食習慣剛剛相反;近年我煮食都愈來愈清淡,但我媽媽就好唔慣,每餐唔係攞住樽醬瓜就係倒碟魚露出嚟,乜都要點吓。 我每次食飯口中念念有詞都係嗰句:唔好食咁鹹啦! 我同阿媽講:你有人陪你睇醫生但我冇,就算有最好都係唔好麻煩人亦唔想自己辛苦,所以我要開始做健康儲備。

慳妹
慳妹 2013/06/21 21:38:32 回覆

等三節棍嘅第三節出現!

李聯廣
李聯廣 2013/06/21 13:19:09 回覆

我也在4.01補回1注#405,暫作短炒。

Persie
Persie 2013/06/21 11:52:46 回覆

Bought #405 at $4.03.

Persie
Persie 2013/06/21 00:12:44 回覆

我隻金ETF先跌得勁,已跌27%

Persie
Persie 2013/06/21 00:09:26 回覆

主席::阿妹好錫這個兒子,怎會不搞新意思?B愛吃爺爺同婆婆的餸菜,可能因為味濃,但阿妹唔喜歡,堅持淡味所以Blike囉!B又唔喜歡食菜,阿妹會琢碎混在飯內。

 

姐夫如果跳船會跳剩兩成。我的portfolio,點都無可能淨肉無骨,所以好難搞。之前#3賺過八萬元,唔沽,利潤又溜走晒。

慳妹
慳妹 2013/06/20 22:30:22 回覆

舅父仔:小 B 冇乜飯癮,媽咪要花啲心思;在白飯撈些其他配菜或魚或肉整到五顏六色吸引小朋友,又或者做成壽司飯團咁用手食睇吓點。

慳妹
慳妹 2013/06/20 22:01:06 回覆

上中下三條線依次漸近,仍然維持要見 19300,如果跳船的意思是全面清倉的話我就沒有這個打算,因為長倉的貨已超過十年或接近十年,淨肉冇骨;相反希望在跌穿二萬點至萬九點間伺機買些少貨期待年底有收穫。

Persie
Persie 2013/06/20 08:27:48 回覆

阿伯的收水預告,又令股市下大雨了。上星期同姐夫做節食飯,他談及跳船令我好吃驚,因為姐夫從來只買不沽,怎麼會說跳船?但如果他跳船就值得留意,因為他在200820000點時跳左。

 

不知他今次跳了沒有? 

大家跳唔跳?

Persie
Persie 2013/06/20 08:21:15 回覆

尼馬,係勁,仲要係勁到爆! 

巴西演出比我預期好。

Persie
Persie 2013/06/20 08:19:19 回覆

日本大好形勢反勝為敗,好失落。日本演出很好,體能好,盤球,推進俱佳,其實已不輸於鬼佬,給我一點安慰。 

意大利,我就給你晉級,但你又可以怎樣

Persie
Persie 2013/06/19 10:59:00 回覆

主席:個小B好曳,唔自己食飯因為不太喜歡米飯,有蛋糕就第一時間搶食,食到變左污糟貓都冇所謂。

網上行最近大幅加價,好多約滿客不滿離開,但我又識得好多客回歸,遲下再share. 我本人個計劃七月滿,加價76%, 如果簽約兩年就加25%, 仍在拉鋸中,但我會續約,Now Sports Package亦已續左。

慳妹
慳妹 2013/06/17 22:43:06 回覆

大熊舅父:小 B 真係觸類旁通嘅聰明仔,又識氹人,小 B 媽咪暈晒大浪啦。 話時話,佢自己食飯還是要餵食?

網上行真係好小家子氣:家居大廈之前只有佢提供獨家上網服務,去年魔童加入競爭,我這個月頭約滿轉供應商,但剛收到信用卡月結單仍有網上行收費,我想登入原有網上行電郵戶口查閱帳單但每次都話系統煩忙,請稍後再試。 週末週日在家如此,今天返到公司亦一樣,最後打電話去問,接線員工話電郵戶口已取消;我都預咗應該是這個原因所以無法登入,但我覺得網上行應該大大方方咁話電郵戶口已停止服務,做乜咁閃縮話系統煩忙叫人稍後再試? 試乜?

Persie
Persie 2013/06/16 23:17:14 回覆

昨晚看球賽震撼的唔係賽果,而係評述員潘文迪的改變。他以前在ESPN講波,長髮飄飄,常帶住條頸鏈襯長袖恤衫,好瘦,塊臉有角,打扮非常80年代。踢波時代他是被稱為足球帥哥的。昨晚我係聽到他把聲才認得他,但沒法相信眼前呢個豬油包樣子的人物係當年的潘文迪 ,都不過幾年光景吧,點解膨脹左咁多?當然自己都膨脹,其實不好話人,但他的改變實在太厲害,我認唔出他!我看了無線條promo片多日,除左皮蛋黃,只係覺得班講波佬好似唔係好夠班,但唔太知他們是誰,更加不知潘文迪在其中!

Persie
Persie 2013/06/16 23:11:04 回覆

主席:未試過Bgoogle earth,他一見到電腦就想玩games

 

再講下小B的趣事。我講比小B聽北海道旭川動物園困住一斑黑熊。我地去看黑熊,從高掉食物餵他們食,黑熊好似人一樣站著,雙手作出求人的樣子,求遊人餵他們吃東西。以前試過餵蘋果,後來改餵乾糧。小B好關注d黑熊被人困住,問為何不放他們走,我說黑熊慣左有人餵食,放它們返森林他們不懂自己覓食,小B聽到眼金金,可能未能理解。

 

之後他就拿盒百力滋給婆婆,一邊說,你餵隻細熊吖(即係他自己),到他吃左幾枝,他就同婆婆講,你都餵下隻大熊吖(即係我)。小B係好可愛。

 

 

B跟媽媽對話 -

B 我今日搭校車有啲唔開心。

媽媽: 點解呀? 發生什麼事?

B 因為我掛住妳。

……..

慳妹
慳妹 2013/06/15 22:57:18 回覆

舅父仔:小 B 有豐富的想像力和童真,但願佢永遠保持這份赤子之心。 我都很喜歡睇地圖,小學時候舅父仔送我一個地球儀,後來又買咗一本好大本嘅 World Atlas 給我,得閒無事就揭地圖,所以我嘅地理常識都唔差哩。

喜歡睇書是好事,現在大部份人因為少閱讀 (八卦雜誌除外),普通常識貧乏,語言無味;睇多啲書,天南地北都可以是話題。

你哋有冇在電腦下載 Google earth? 小 B 會鍾意。

蕃茄
蕃茄 2013/06/15 12:21:22 回覆

在這一波下跌浪中, 我都一路等緊跌穿 $4的 #405, 有成8厘息,---> 如果相信中國經濟不會一沈不起, 係好吸引的. 現在只有繼續等, 如陸Sir所講, 慢慢買吓平貨.^-^

Persie, 小孩子喜歡看書是非常好的習慣, 我認為比起參加大量學術興趣班更能對他們將來的學術成績有長期而深遠的好影響, 我和太太由3幾歲起, 每星期都會和女兒去一次圖書館睇書/借書 , 現在她仍很喜歡看書, 而且看書的速度超快.

Persie
Persie 2013/06/15 11:32:46 回覆

李聯廣,#405反彈得好勁,可惜走左寶。原來話快就跌到$4.02,不過如果沒有set定係好難買到。

 

主席,小B唔似我,小B係好聰明活潑的細路哥,父母亦冇逼他學野,只上一個興趣班,他可以任意玩,但他好喜歡看書,他識得的動物英文名稱連我都唔識。他喜歡在地球找形狀得意小島,他會告訴你哪個係TasmaniaMadagascarPapua New Guinea他說PNG似一條lizard

 

李聯廣
李聯廣 2013/06/14 13:34:39 回覆

Persie, 昨日#405一早set咗4.01,點知差1格入唔倒,全日最低4.02,收4.16。今日仲彈番3%。短炒走咗寶!

慳妹
慳妹 2013/06/12 21:19:39 回覆

合和擱置分拆,i-bond 有傳每人兩手,睇嚟調整未完。

舅父仔:小 B 好醒目,係唔係外甥多似舅? {#icons_cat1}

Persie
Persie 2013/06/12 15:26:56 回覆

【本報訊】地產股勢弱,連合和(054)分拆出來的合和香港房地產(288)亦暫時擱置上市!市場消息指,昨午截止公開發售的合地因市況太差而認購不足,決定暫時擱置上市,未知何重啟上市大計,市場人士指,資金不願投資新股,不排除再有新股延期或擱置上市。

幪面馬仔
幪面馬仔 2013/06/12 01:11:12 回覆

我實在覺得細威是男人。 {#iconb_272}

Persie
Persie 2013/06/12 00:26:10 回覆

主席:小B四歲,認路都幾架。如果他唔想返家,就會同我講,唔好轉左啊,(因為轉左之路是回家),不如轉右啦。因為知道大姨丈家有好多車仔,又會說想去大姨丈家。有時經過中環灣仔,他會認得爸爸同姨媽們寫字樓所在的大廈。 

 

多謝主席提醒,我沒有繼續入市,因為等同接刀,都唔知接到幾深。比如說煤氣$19入左,就不如再等下$18大家都看得這樣淡,連陸sir都開口,我就不如停手啦。 

我實在覺得男人都唔係細威手腳。

慳妹
慳妹 2013/06/11 21:59:13 回覆

舅父仔:我記得小時候,先父經常帶我遊巴士和電車河,沿途他會指點給我地標建築或一些特別的地方,所以好細個我已經識得好多地方,唔怕蕩失路,亦是另類通識教育。 有一次爸爸指著今日 Chater  House 的前身 Swire House 話我知佢以前叫  Union House 於仁行,因為於仁保險 Union Insurance 佔用大部份樓層,後來搬出,由太古集團成為大租戶,所以改名叫 Swire House。

今次法網男女單負方都係食蛋! 大細威發球真係好勁,超過二百公里,男球手都未必個個咁好力。

恆指由去年九月島形底萬九幾升到上今年二月 23XXX,今日剛好跌穿四月中的支持位,要有心理準備可能要調整到 19300 補返裂口,長倉儲貨的朋友要留返啲子彈分多幾注慢慢買。

浪子152
浪子152 2013/06/11 05:45:25 回覆

昨日太早入152, 個價不好. {#icons_cat3}3就不錯.

Persie
Persie 2013/06/10 23:53:38 回覆

原來中石化的派息是人民幣,所以除淨價更加只得5.728

{7.7 – (1.26 x 0.20)} /1.3 = 610日除淨價 =  approx $5.729

Persie
Persie 2013/06/10 23:44:41 回覆

浪子,你個價好過我呢!不過市況不夠恐慌,所以今日沒有加碼。 

由於市況不就,我放棄了合和地產IPO,或者之後再在市場直接買。

浪子152
浪子152 2013/06/10 10:36:37 回覆

今朝加3, 152... {#icons_cat3}

Persie
Persie 2013/06/10 01:20:24 回覆

雖然個市一片悲觀氣氛,我仍然會繼續入市的。好市梗係唔入,差市又話唔入得,我唔知應該幾時入。

Persie
Persie 2013/06/10 01:14:37 回覆

浪子,你對!我有好多恆生成分股,沒有恆指ETF股。 

 

portfolio跌左唔止5%。中電跌左8% 

 

星期一中石化 #386 除淨,開市價會非常震撼:

67日收市價 (7.7 - 0.20) /1.3 = 610日除淨價 = 5.769

Persie
Persie 2013/06/10 01:12:04 回覆

拿度雖然曾重傷但依然係泥地王,費拿都唔夠打,整場比賽只可用負隅頑抗四個字形容。

cashin
cashin 2013/06/10 00:15:42 回覆

又係拿度贏 {#iconb_46}

浪子152
浪子152 2013/06/09 17:02:41 回覆

Persie兄, 你有唔小指數股啦, 3, 386, 2388, 6, 2等等......

我未入3, 買左2388 only. 一星期唔見5%, 星期一要反擊!!!! {#icons_cat4}

幪面馬仔
幪面馬仔 2013/06/09 00:05:44 回覆

舅父仔

我明白指數股冇息,但我用指數股止手痕咋,有得食會賣.

長倉依然是2,939,2800,2388,貪有息。

Persie
Persie 2013/06/08 23:49:37 回覆

恭喜沙蓮娜,真係勁得厲害,而且已經快32歲了。真棒!

Persie
Persie 2013/06/08 23:45:40 回覆

馬仔,恭喜英鎊食糊。 

我個倉沒有指數股呢!我反而覺得指數股不適合我。

Persie
Persie 2013/06/08 23:34:18 回覆

李聯廣,我好同意你的投資方法。如果有筆錢每年都有15-20%收成,真係perfect架!

 

我都好想買#941,我估係因為我年紀比你大得多,所以願意把資金泊在穩定的股票上。中銀香港,大快活都是我在觀察的股票。中華煤氣就不用說,我會繼續買入。如果中電跌落$62,我覺得加注都不妨。一年之中它一般是會有$63-$69的波幅,其實也不差,買這些股也不會心臟病。 

其實有誰知道那兒是頂,那兒是底?總之下跌時逐些買入就可以。215可買,210205200也可買。

Persie
Persie 2013/06/08 23:33:29 回覆

主席,小B係九龍仔。我自少在香港區長大,到現在都係慣性在香港區活動。從來沒有想過自己會搬過九龍住但已經住了十多年,又搬唔返過香港區。人生就是如此。 

B不愛搭地鐵,但愛搭巴士和校車,鍾意睇街。

Persie
Persie 2013/06/07 12:11:57 回覆

嘩,$18.98入左中華煤氣,除淨價係$19.427,沒想到市況真這麼差呢!

不過我個人係喜歡在悲觀時買入。

慳妹
慳妹 2013/06/06 22:13:11 回覆

舅父仔:我都係從小住九龍、在九龍讀書、在九龍工作,一切都係講習慣;我過到港島區尤其港島北,一塞車就無路走,覺得好唔掂。 原來小 B 都係九龍仔。

隻金界都要碌返落嚟啦,不過我嘅投資或投機個性都係喜歡坐貨,所以無乜所謂;不時又有息收吓,最重要係自我感覺良好,唔會瞓唔著。 買咗啲恆安短炒,希望唔使坐好耐!

李聯廣
李聯廣 2013/06/06 13:40:20 回覆

Persie, 我嘅短炒同一般嘅短炒有啲唔同,我啲長倉貨例如#2800、#66、#823等都係IPO或好早期時(低價)買入的,這些都是長期持有作收息之用,除非是十分特殊情況,差不多一定不會賣出。所謂短炒的是指見有利可圖,買入後只要有相當利潤如15%-20%時便會沽出,但有時都會持有相當時間甚至超過1年。今次短炒嗰啲#823便是這個情形。

#941一向都在我的監察名單內,現價吸引,但它由高增長股變身高息股後,我始終有點戒心,這也是上次大跌時我入了#700而放棄了#941的原因之一。

幪面馬仔
幪面馬仔 2013/06/06 00:48:29 回覆

它是一隻魔戒...........

HSI現階段可能有少反彈,艇貨蝕太多,唔賣住
我會等21000-20000點才郁手。因無時間睇,只會買指數股。

 

我$11.7咗少少英鎊,今日放了,賺餐茶

Persie
Persie 2013/06/06 00:31:02 回覆

公用股高息股被洗倉,令我個portfolio好傷。有朋友上週五開始追入電能,領匯,今日都笑說彈盡糧絕,要鳴金收兵了。

 

我樣樣都買了少少,策略可能用錯了。總得要眼光獨到,才可賺到大錢。就看我們的網友,主席的金屆,番茄看中的創科,GF大哥的金利來和深圳國際,全部都顯示了炒股唔炒市的威力!佩服佩服! 

這個市況,會怎樣走呢?各國大型的量化寬鬆,終會火燒後欄,只是唔知幾時。現在雖然狀似恐慌,我看還是不須太恐慌的。今日的中移動,中銀香港都到價,但這個情況似乎慢一點入貨都沒關係,也不必急在一時了。

Persie
Persie 2013/06/05 00:24:25 回覆

李聯廣,我未試過短炒領匯,不過我覺得領匯係優質的。#405,大家等下啦。我開始買左好少匯賢#87001,我都未曾真正了解此股,要慢慢來。

 

今日見中移動除息跌落80蚊邊,又想起那4.2%息,但都係忍手,看看是否還會跌穿80元先算。小公主朋友嚇我,話各國量化寬鬆得離譜,將來爆破股票變廢紙,她說寧願揸現金比較安樂。有一次跟住她看樓,她執意要找灣仔樓,但七百多萬都只是商戶兩用的五百尺舊樓,點買得落手。比較新的一些,要一千萬呢! 

經紀帶過她看將軍澳天晉同黃大仙現崇山,她說將軍澳好擠,我問,難道灣仔唔擠?她說,將軍澳只靠地鐵,但灣仔係四通八達。現崇山較開揚,但地區都是不慣。我估係個人感覺。阿妹從細住灣仔,結婚後搬到九龍老大不願,但她現在覺得九龍很好住,去各處買東西也很方便,現在他連銅鑼灣Sogo都不肯去,說人多。

李聯廣
李聯廣 2013/06/03 13:57:35 回覆

Persie, #823我短炒的幾注平均賣出價都有約$41.xx,所以見佢跌到$39.xx買番1注都算「進可攻、退可守」。#405在$4.69清晒倉,52周平均價約$3.9,所以應該好難跌到$3.7。同意$4可以買入,宜set $4.01作為買入價(可排前好多)。

瀏覽更多回應 正在載入...
user

最新回應

Persie
Persie 2020/08/10
@花姐...

花姐,很高興知道妳生活愉快。我也是靜態的人,留在家中亦無不可。週末妳可以同肥仔去兜下風。

這個星期晚晚有波睇,非常充實。

花姐
花姐 2020/08/10

過來探班,祝大家平安渡過.每一天,原來馬仔咁有我心,只是網友,卻像朋友,感恩認識到您。我好好,四天出一次超市,濕街市不踏入,加上又.不喜歡吃魚,不去也無所謂,兼且沒太享受自己煮食的樂趣,不是肥仔要食,自己三文治又一餐,泡麵加菜加些肉片都飽肚。最緊要活得自由,做自己喜歡的事情。

Persie
Persie 2020/08/07
@李聯廣...

聯廣,我未有興趣換電動車。恆馳#2有些像保時捷。恆馳#1 和#6幾靚。如果Benz係「奔馳」,恆大是否一定要用個「馳」字?

李聯廣
李聯廣 2020/08/06

今日差不多所有報紙的頭版都是恒馳的廣告,加上最近所有電視台的頻密宣傳,真是大手筆。恒馳各款電車的外型都幾科幻,有點實驗汽車的感覺。Persie, 有否諗過下次換架電車?若停車場多點叉電站,我或者都會考慮吓。