陸駿光信配角總有出頭天 港版半澤一夜冒起
2013/10/28 08:41:21
網誌分類:
生活
| 一場電視革命，讓幾名載浮載沉的演員，突圍而出。三十五歲的陸駿光，單看名字，無人記得他演過逾百齣港劇。但一夜政總集會，他首次踏上舞台當主角，凌厲眼神、緊蹙眉額，把港版「半澤直樹」演繹得唯妙唯肖，台下掌聲雷動，他克服了多年來的「舞台恐懼症」，重拾自信。他坦言，「半澤」的內心鬱結、憤憤不平正是過去做不受尊重的「二打六」寫照；過檔港視前，人工只得七千多元，如今前途未卜，但心中那團火未滅，因「我打算一世做演員！」 撈電視汁長大的陸駿光，自小愛演戲，中學畢業後，入演藝學院攻讀戲劇文憑課程，但讀了兩年，才驚覺自己有舞台恐懼症，「好似我搭飛機有畏高症一樣，不能站在舞台上做現場表演，所以就無繼續讀，之後做過Starbucks，又做過時裝店Sales，之後入了TVB讀訓練班，畢業後拍劇，不知不覺就十一年喇。」 轉職突破舊公司框框 翻看他的「履歷」，劇集之多，讓人嚇一跳，如近年的《天與地》、《怒火街頭》、《潛行狙擊》、《女拳》……甚至較久遠的《金枝欲孽》以及《衝上雲霄》都有他的份兒，但大多是閒角，「較深刻係《學警雄心》同《真相》，雖然戲份唔多，但算有發揮，尤其車死唐詩詠嗰一幕。」 雖然產量多，但他的待遇卻未改善過，「我入去時月薪五千蚊，到我走嗰時月薪七千二百蚊，頭幾年好一啲，都有爆Show，總計每月有大概萬四蚊，但最後四年，工作量減少，又兩年兩年咁簽約，Show錢亦愈來愈少。」直至兩年前，有日他突接到來電，話有人開新電視台，找他過檔，「佢第二日就約我食飯傾條件，係一個好合理嘅人工，但最緊要，係我覺得被尊重。」之後，他就簽約三年，成為香港電視合約藝人。 他坦言，到埗時也有擔憂，畢竟是全新營運的電視台，無經驗，但勝在有班熱血的台前幕後，「喺舊公司，劇集選角都係經理人合約嘅藝人優先，我哋一般藝員約嘅係次等人選，但喺新公司，用公開Casting（試鏡）選角，只要你發揮好，就有機會做，我就咁樣拍咗四、五套劇，包括《警界線》、《驚異世紀》、《童話戀曲》等，但可惜𠵱家觀眾暫時睇唔到。」 媽媽六十壽宴有憾事 記得政府公佈港視不獲發免費電視牌照一刻，他不諱言：「接受唔到，以為自己發夢，點解個天要咁玩我！」他說，一直以來，幸得家人和女友支持，他捱過浮沉歲月，「記得嗰年媽媽六十大壽，成家人去食鮑魚為她慶生，原本預咗我哋三兄弟夾錢，但埋單時先知好貴，我預咗嗰份錢唔夠，我兩個哥哥就話唔緊要，我唔駛出，嗰一刻好想喊，覺得自己好冇用。」 但多年來，他卻堅持沒放棄。「我跌過好多次落低位，但每次都突然又出現較有發揮空間的角色，好似做主角身邊的好友，以為上位喇，但之後又做回『路人甲』，就咁樣起起跌跌，拖拉十年都冇轉行。」 牌照落空，但還有年半合約，陸駿光這幾天拍戲之餘，就到政總集會撐手足，他坦言，未有空閒為前途打算，「但我相信港視或會轉型，做電影又好、製作公司都好，可以嘅話，我都想繼續做戲。」 |
 | |
| |
 | |
|
回應
(0)
我要發表