整餅新人王 奮鬥編織甜蜜夢
2014/01/03 08:41:25
網誌分類:
生活
甜品師一雙巧手可變出無限可能。九十後女實習餅師吳宇森(Agnes)前年暑假加入酒店餅房實習,憑一道甜品「無花果與芝士」,於大專廚藝賽中力壓二十名對手,獲米芝蓮國際「九星名廚」杜卡瑟接見,成為餅房新人王。但Agnes說,做甜品給她最大的滿足感不是獲名廚接見,而是用心完成每件小事,她希望能在這個屬於她的舞台發光發熱,冀有天開設良心餅店,以甜品帶給港人正能量。記者唐溥晨 理大酒店管理高級文憑二年級生Agnes坦言,自己性格「坐唔定」,「我喜歡體力勞動較多的工作,坐定定做文書工作不適合我。」三年前,她因興趣修讀時裝設計文憑,卻發現課程內容與想像大相逕庭,「我討厭單調乏味,但時裝設計追求概念,雖然可用衣車、畫圖,但始終係坐着對電腦,不及加入酒店餅房動手做甜品咁實在。」 她遂在兩年前毅然轉系,經老師介紹下棄傳統文職,加入洲際酒店餅房。她表示,五個月來學到製作二十多款甜品,曾任杯裝甜品、迷你點心及下午茶三個位置,形容每天也是新挑戰。 看着Agnes在餅房中彎身,純熟而工整地切拿破崙餅,很難想像她中學時沒修讀過家政科,原來「紅褲子」學藝,全靠一跌一碰成長,「好似造拿破崙餅,打忌廉都成日打過龍;切餅嗰時就好似切燒肉般,切到外皮碎晒,試過返屋企偷偷喊。」 但Agnes未有向困難低頭,抱着「愈難愈要試」及工多藝熟的心態,愈戰愈勇,「最初我煎班戟時,連一個基本圓形都煎唔到,但𠵱家有每月都嚟食自助餐嘅客同我講『煎得好咗喎』,都開心!」 愛廚房夠團結冀開甜店屋 Agnes享受餅房中互相幫忙的氣氛,「設計師比較自私,成日強調你唔可以偷睇我嘅概念,唔可以偷睇我嘅作品,但餅房師傅就會主動邀請我試食,你試我嘅,我試你嘅,偷師之餘大家忙碌時亦互相幫忙,團隊精神令我鍾意餅房。」故在三個月實習期屆滿後,她便提出延長至半年。 全球擁有第二最多米芝蓮星(共二十粒)的「九星名廚」杜卡瑟(AlainDucasse)與洲際酒店合辦SPOON餐廳,去年二月舉行專上院校廚藝比賽,選出十人獲杜卡瑟親授廚藝及共進午餐。Agnes憑「無花果與芝士」,一道集合了芝士餅黑朱古力片及雪葩的甜品,旗開得勝,但她都經過無數嘗試才成功。 「最初顏色唔夾,食落味道又唔夾,因為無花果味道偏淡;最大問題係芝士餅上面有個雪葩,好容易滑落,多謝師傳建議雪葩下面放餅碎,先可以固定。」Agnes說,賽前一個月密密練兵,憑着無限熱誠,終在比賽中獲「相中」。 她認為,杜卡瑟指成功秘訣不在乎追求名氣,而是用心做好小事,「希望開甜品店,一代傳一代,幫助有需要嘅人,顧客離開前感到快樂,帶正能量畀其他人。」 |
| |
| |
| |
回應
(0)
我要發表