盼尋回「大仔」遺物千金狗繩情牽三口

2014/12/05 10:41:30 網誌分類: 生活

05 Dec

        人狗情深

        網上近日流傳一張「千金尋狗繩」的告示，有人懸賞二千元尋找一條平平無奇的狗繩，引來網民熱議。原來背後有個人狗情深的故事，事緣狗繩主人Yanne十多年前購入一對雪橇犬兄弟，一人二犬相依為命，她把一對狗繩予愛犬作「信物」，數年前狗哥哥忽然失明，輾轉病死，狗繩成為遺物。Yanne說：「大仔走咗，我繼續用佢條狗繩帶細仔出街，去到邊都三個一齊」。

        記者麥凱淇

        「可能好多人覺得我黐線，人哋花二千蚊搵小動物，我就搵狗繩，但結果收到好多人祝福，我好感動。」Yanne說，上月中在西貢草地放狗時，一條由心愛的雪橇犬「由細戴到大」的狗繩不見了，她連夜搜索，始終不見縱影，頓覺傷心絕望，只因該條狗繩是死去愛犬的遺物，她說「狗繩原是一對的，兩條代表兩隻狗，呢條係大仔最後戴住的。小動物在世上短短的時間，留底的只有無價的回憶」。

        「大仔」急病失明病死

        獨居的Yanne視雪橇犬兄弟為自己兒子，喚牠們作「大仔」及「細仔」，相處十多年，比親人更親。她說，「大仔十歲時，免疫系統出問題，兩日內失明，我好傷心。佢睇唔到嘢，就係靠條狗繩知道我係佢身邊。佢又分唔到早晚，常半夜起身，我會伏係佢身邊哼歌，又會同佢講『對唔住，係媽咪無開燈』。」為了醫治愛犬，她不惜千辛萬苦尋找海外動物專家及動物中醫，但始終無法可施，大仔身體漸差，一年後病死。

        「佢肚唔舒服入院，諗住第二日做手術，但當晚已走咗。我一知道消息，已嚎哭，攬住佢喊足六個鐘。」Yanne說，大仔正是戴着那條狗繩到醫院，愛犬死後，她一直懷念拖着狗繩帶牠出街的感覺，「由佢BB仔就用條繩帶佢去街，條繩等於我們之間的連繫，去到邊都拖住。拖住佢等於要保護牠，不會放棄牠，令佢有安全感。我甚至好傻咁諗，有日要離開世界，隻手要拎埋一對狗繩，去到天國時，讓一對狗回來我身邊。」

        這對雪橇犬兄弟，是Yanne十多年前購買的，養牠們全在一念之間，「第一次去勝利道的寵物店，已經被這對雪橇犬深深吸引。我思前想後，諗好唔好買番屋企養，又買一隻定兩隻呢？後來，我再去寵物店，見到雪橇犬哥哥肥嘟嘟，好活潑，細佬就好瘦弱，瑟縮在哥哥身後，兩隻相依為命咁，我就毫不猶豫買哂兩隻番去，讓牠們一起長大。」

        寵物陪伴主人的只有十多年，但已經是寵物的一生。與所有愛動物的人一樣，Yanne說，與牠們玩耍，看到牠們因感覺自己不開心，懂得陪伴自己，令她感動，她說「快樂的日子很難忘，但牠病的日子好深刻」。至於屬遺物的狗繩，雖然平平無奇，但有獨特的長度、觸感、氣味及使用十多年的痕跡，Yanne說，至今仍無線索，但希望有奇蹟出現，有心人知道那狗繩對她意義重大，若有幸找到會交還。