請人難覓地難投資難水耕農夫搞農業有「三難」新農業

2015/01/29 08:42:01 網誌分類: 生活

29 Jan

        政府提倡推動本土農業發展，《施政報告》再次提及，近年新興的水耕種植是政府着眼點之一。不過有本港水耕種植場創辦人透露，即使解決土地及投資額高昂兩大難關後，農業低技術勞工「有工無人做」，曾經開價月薪一萬二千元，依然無人問津，最終要靠輸入外勞求救。

        記者朱志文攝影盧江球

        「一定要準時，每朝五點到六點開始剪菜、清洗地方同放種子，下午三到四點就完成工作，其實都唔係難，但出到萬二到萬五蚊都無人肯做，有啲嚟咗都走。」過來人徐寶強感歎香港要發展農業殊不容易。

        徐寶強和鄭景恆數年前創立香港水耕種植集團，在元朗及流浮山均有戶外水耕場，單是元朗的種植場已佔地五萬餘呎，每日生產六百公斤蔬菜，近來更與酒店及航空公司洽談供菜。二人原本分別從事採礦及飲食等生意，策劃退休之時，卻發現水耕種植，決心投資農業，「菜係市民必需品，魚同肉有災害都未必食，只要用心睇住個場，咁健康嘅菜，咁穩定嘅貨源，畀多個選擇市民」鄭說。

        未開業先擲八百萬搞基建

        水耕種植棄用泥土，改用營養液「餵飽」農作物，可在室內栽種，亦可在戶外搭建保護棚，收成及營養全在控制之中。徐鄭二人已算較幸運，在朋友介紹下覓得土地，解決土地問題，但仍然有困難。三軍未至，糧草先行，未種菜前已要豪擲八百多萬元大搞基建，將荒地變身為水耕場，「香港無工業，全部大陸運到香港，只係材料已經十個貨櫃，運費五十萬，鋪條水泥路用咗三十幾萬，仲有保護棚鐵料，韓國進口種植糟，整體每平方呎使咗一百蚊。」徐仔細地數算着。

        基建完成，亦有分銷商、網上客戶及街坊買菜，意想不到的是人手問題，最終竟要引入外勞解決。鄭景恆慨歎：「香港人心態始終覺得耕田係辛苦，而且份工要五點鐘到菜場，住九龍邊肯入嚟？曾經有個住新界三十幾歲女士，嚟咗半日就走。」徐寶強補充，最低工資下，不少低技術勞工，寧願投身保安業，二人最後才考慮輸入外勞，「審批好嚴謹，用九個月時間，先去漁農署申請農民證，佢哋會嚟影相視察，去勞工處申請，再嚟視察，登咗廣告一個月，完全無電話應徵，佢哋（勞顧會）都要畀我哋過。」但他們坦言，雖然外勞較穩定，但工資連食宿，跟聘請港人無太大分別。

        建議政府資助業界

        對於水耕種植，他們均認為適合香港發展，但政府必須給予業界資助，以及協助年輕人投身這個行業，鄭笑道：「香港人每日食二千噸菜，就算多十間八間同我哋一樣規模嘅場，個比例都好小。」