關於營養師的幾件事

2015/11/10 08:41:25 網誌分類: 生活

10 Nov

        如果你在一個醫學學術會議上，見到一堆打扮靚靚、開朗健談的年輕女士，雞啄唔斷，笑聲不斷。無錯，她們很有可能是一堆營養師。你可能詫異當中有幾個原來已有十多年經驗、甚至有兩個讀小學的仔女，驚歎她們是名副其實的美魔女。我認為健康飲食的確有助抗衰老！

        營養師是會吃飯的，而且份量不少。不少人誤以為吃飯致肥，一餐吃兩啖飯甚至不吃飯，卻吃一大堆肥膩餸菜及零食，令體重節節上升。我們知道碳水化合物應佔身體每日百分之五十至六十的能量，以支持大腦及各器官正常運作，所以我們吃飯的那餐最少吃大半碗至一碗，活動量大時甚至吃更多，而我們會多選擇營養價值高的全穀類如紅米、糙米。

        很多營養師喜歡下廚，煮得一手色香味俱全的飯餸，甚至呼朋喚友來屋企開大食會、打邊爐甚或BBQ。我們深信大伙兒一起吃頓飯是快樂且重要的社交活動，我們會確保席間有足夠全榖類及蔬菜，有適量肉魚海鮮而非加工肉類，多用天然香料去提升色香味，並準備些水果作飯後甜品。不少營養師同僚是真人版fruitninja，搣橙皮切水果的技術高超，這全因日日吃兩個水果，日子有功！

        營養師均熱愛美食。朱古力、雪糕、蛋糕、大閘蟹、牛扒、生蠔、餐酒、咖啡等等我們通通都會享用！我們懂均衡飲食，吃適量（eatinmoderation）的竅門，美食及健康是可以並存。相信我，我們心裏並沒有時刻計算卡路里，因為工作以外我們沒有這個需要。而且營養師的工作非常廣泛，幫助病人減肥只是我們專業的一小部份。

        黃思敏

回應 (0)

我要發表

M 2019/10/19

好笑，最唔會fact check既人同我地講fact check

知唔知有幾心血管疾病既人膽固醇"正常"? fact check咗未﹖

地中海飲食係公認為最健康飲食之一但地中海既膽固醇永遠都高過人你又知唔知﹖ fact check咗未﹖

知唔知60歲以上既人膽固醇愈高愈長命﹖ fact check咗未﹖

Kitavan食幾多椰子同吸煙但完全無心臟病﹖fact check咗未﹖定你想死撐吸煙對心臟好﹖我會話係因為佢地唔食你地啲咩垃圾whole grain同糖，呢個先係重點

美國已經開始用low carb既方法去幫人減肥！fact check咗未﹖你無睇錯，就算係美軍都已經開始考慮改用生酮飲食因為連佢地都有痴肥問題呀。不如你寫封信俾特朗普講你啲咩"本是控制兒童癲癇的食療"既理論叫佢繼續食你既垃圾低脂飲食啦

本來我都覺得同你地啲食古不化既營養師講都係浪費時間但偏偏你要講埋啲咩fact check！最唔會fact check係你地啲讀書讀完Ancel Keys啲呃人理論就以為可以講到死嗰一日以為唔會有後果既害人害物至真

L 2019/05/17

既然你地啲營養師每一餐都要問得咁仔細咁專業的話，咁點解一個聲稱"追踪咗二十多年和四十多萬人"但只係以食物問卷型式六年問一次"你尋日食咗乜野?"就可以得出"低碳水化合物會短命"既結論又有幾可信呢﹖

最可笑既係你地又可以大肆宣傳呢啲報導結果，佩服

H 2019/01/25

https://www.washingtonpost.com/news/wonk/wp/2015/10/06/for-decades-the-government-steered-millions-away-from-whole-milk-was-that-wrong/

多餘，全脂奶不知道幾有益

你地班咩咩營養師一日淨係識低脂低脂低脂，根本係全無根據之說，糖先係心臟病原兇，從來無人能夠證明脂肪導致心臟病

卡路里又係垃圾之說，咩五百卡等如兩碗飯，咁係咪我飲一杯同我飲125g糖的水一樣咁肥﹖保證一定唔係，痴線

關於營養師的幾件事

網誌分類

最新網誌

最新回應

月曆