打破傳統加入Hip Hop元素舞獅精髓世代相傳

2016/02/26 08:41:13 網誌分類: 生活

26 Feb

        文化承傳農曆新年醒獅賀歲，為獅頭點睛寓意鴻運當頭，近年來不少傳統手藝青黃不接，舞獅行業生意反而愈做愈好，成功全靠跟隨時代步伐，將傳統手作式家族生意企業化。本地龍頭夏國璋龍獅團第四代傳人夏敬文破舊立新，建立健康及專業形象，又加入多種流行元素，自創閃燈「LED獅」、HipHop舞獅等，令人耳目一新，成功保留醒獅精髓。記者馮琪雅

        今個農曆新年檔期，夏國璋龍獅團在本地演出足足二百場，每人每日要做四、五場，全年更高達八百場次。夏敬文直言，場次比往年少，演出收入卻愈來愈多，收費冠絕全港，成功保住龍頭位置，有賴過去十年的重大變革。

        敬文的父親夏德建，作為第三代傳人去看創新醒獅，「?家啲後生仔做HipHop舞獅、啦啦隊舞獅，加入新元素，喺我哋嗰個年代，接受嘅舞獅方法好傳統，如果我阿爸睇見咁樣去舞獅肯定鬧鬼喇，唔可以將舞獅用嚟跳舞。」

        「但係我覺得，?家叫呢班青年人接班，都要畀佢哋試吓，就算撞板都唔怕。」年屆六十歲的夏德建，年輕時亦曾「撞板」，於八十年代始創南獅北舞，剪短獅子尾巴，舞獅時可做出高難度的跳躍翻騰，「初初全世界都笑我『夏國璋隻獅子冇尾巴』」，結果大受歡迎，同行紛紛仿效。

        三十四歲的敬文形容，傳統經營模式「一腳踢」，「連報價單都係手寫」。「你唔進步，人哋就會蓋過你，所以開始諗請人做行政工作。」，遂於○五年提倡企業化，翻新油麻地武館，加設辦公室，開始聘請文員，多了解客人需求。

        武館擺滿獅頭，顏色應有盡有，不再停留在黃紅黑傳統三色，個別客人會有專屬顏色，連被認為「唔好意頭」的藍色亦有市場。敬文說：「紅色、金色比較多人鍾意，有啲想旺桃花要粉紅色，紫色就大紅大紫做舖頭，多咗好多顏色出現。」

        為應付不同要求，敬文只好大量預訂獅頭，存放在火炭倉庫，起初父親見愈買愈多，對賬目亦「睇得好緊」，後來生意愈做愈好，又獲客人盛讚表演氣氛好，才逐步放手讓敬文管理。

        「LED獅」視覺效果強

        敬文積極創新，近年自創HipHop舞獅，邊聽音樂邊跳舞增加難度，「識聽音鼓聲未必識聽拍子」；而全身掛上燈泡的「LED獅」比平時的重兩倍，為晚上演出加強視覺效果。

        夏國璋龍獅團多年來唯獨不變，繼續到學校及社區開班授徒，今年連續第六年與荃灣一商場合辦醒獅比賽，周日（二十八日）更將舉辦全港首個長者醒獅比賽，敬文直言，此舉無助增加生意，只為推廣舞獅文化、分享當中樂趣，「舞獅係我嘅職業，都係我嘅興趣，好鍾意一班人一齊去玩，表演完一齊執嘢呀，好enjoy個過程。」