邪惡的黑糖珍珠厚鮮奶

2019/01/18 04:12:44 網誌分類: 生活

18 Jan

        　　近來黑糖珍珠鮮奶非常受歡迎，我家附近開了幾間台式飲品店，同事惠顧過後盛讚好飲，搞到我都躍躍欲試。最後我忍不住放工後去買杯試試，我柯打了黑糖珍珠厚鮮奶，等了五十張飛，半個小時後，我杯充滿虎紋的飲品終於到手，即刻影返張相先！

        　　厚鮮奶非常幼滑，雖然不清楚配方，但飲品店稱厚鮮奶其實是鮮奶混入奶霜（即是忌廉）。經我和幾位營養師同事的「銀針」一試——估計一杯約五百毫升的黑糖珍珠厚鮮奶，已接近五百卡路里，即二碗多白飯的熱量！每日一杯的話，一星期額外攝取三千五百卡路里，剛好重一磅。

        　　全脂奶含豐富脂肪，而混合忌廉後的厚鮮奶的脂肪含量更高，尤其是飽和脂肪。估計一杯五百黑糖珍珠厚鮮奶含有四百多毫升全脂奶，加入忌廉後，估計起碼含有四至五茶匙脂肪。其實飲畢全杯飲品亦隱若見到有少許油漬黏在膠杯上。過量攝取飽和脂肪，會令血液中的壞膽固醇上升。

        　　有說黑糖更健康，其實黑糖的含糖量與其他糖如白糖、黃糖或蜜糖一樣。之前有機構檢驗過台式飲品的含糖量，即使一杯五百毫升的微糖飲品亦含四至五茶匙糖。黑糖珍珠鮮奶要做到掛杯的虎紋效果，並不能要求「少糖」或「微糖」，必須以「全糖」供應。不要忘記珍珠本身亦用黑糖及木薯粉製造，所以整體糖量很易超標。過量攝取糖份會令體重上升、增加血液中的甘油三脂、亦令糖尿病人士難以控制血糖。世衞建議糖份佔每日攝取總熱量不超過百分之五，以二千卡路里飲食計，每日不多於六茶匙糖，而一杯黑糖珍珠厚鮮奶其實很容易超標。

        　　美味的飲品的確難以抗拒！但如果不是經常飲，只是偶爾淺嚐（如一個月一兩次）亦可。因飲品熱量太高，建議與人分享，或可以的話，柯打較小杯的份量。

        香港營養師協會認可營養師

        澳洲註冊營養師

        黃思敏

回應 (1)

我要發表

H 2019/01/25 11:01:16 回覆

https://www.washingtonpost.com/news/wonk/wp/2015/10/06/for-decades-the-government-steered-millions-away-from-whole-milk-was-that-wrong/

多餘，全脂奶不知道幾有益

你地班咩咩營養師一日淨係識低脂低脂低脂，根本係全無根據之說，糖先係心臟病原兇，從來無人能夠證明脂肪導致心臟病

卡路里又係垃圾之說，咩五百卡等如兩碗飯，咁係咪我飲一杯同我飲125g糖的水一樣咁肥﹖保證一定唔係，痴線

M 2019/10/19

好笑，最唔會fact check既人同我地講fact check

知唔知有幾心血管疾病既人膽固醇"正常"? fact check咗未﹖

地中海飲食係公認為最健康飲食之一但地中海既膽固醇永遠都高過人你又知唔知﹖ fact check咗未﹖

知唔知60歲以上既人膽固醇愈高愈長命﹖ fact check咗未﹖

Kitavan食幾多椰子同吸煙但完全無心臟病﹖fact check咗未﹖定你想死撐吸煙對心臟好﹖我會話係因為佢地唔食你地啲咩垃圾whole grain同糖，呢個先係重點

美國已經開始用low carb既方法去幫人減肥！fact check咗未﹖你無睇錯，就算係美軍都已經開始考慮改用生酮飲食因為連佢地都有痴肥問題呀。不如你寫封信俾特朗普講你啲咩"本是控制兒童癲癇的食療"既理論叫佢繼續食你既垃圾低脂飲食啦

本來我都覺得同你地啲食古不化既營養師講都係浪費時間但偏偏你要講埋啲咩fact check！最唔會fact check係你地啲讀書讀完Ancel Keys啲呃人理論就以為可以講到死嗰一日以為唔會有後果既害人害物至真

L 2019/05/17

既然你地啲營養師每一餐都要問得咁仔細咁專業的話，咁點解一個聲稱"追踪咗二十多年和四十多萬人"但只係以食物問卷型式六年問一次"你尋日食咗乜野?"就可以得出"低碳水化合物會短命"既結論又有幾可信呢﹖

最可笑既係你地又可以大肆宣傳呢啲報導結果，佩服

H 2019/01/25

邪惡的黑糖珍珠厚鮮奶

網誌分類

最新網誌

最新回應

月曆