周末多車展

2019/04/26 04:12:58 網誌分類: 生活

26 Apr

         大家有沒有發覺，一年五十二個星期好像每逢周末港、九及新界各區商場都有車展舉行，各大汽車代理每個周末都大費周章搞兩天Roadshow車展，目的當然是賣車做生意。其實各位多從甚麼渠道收到周末車展資訊？報紙、電台、雜誌或社交網頁？筆者每逢五、六、日揸車開收音機，都會聽到好幾百次車展宣傳廣告，但實在很難記得哪個品牌在哪個商場搞展覽，同一時間從耳朵聽到太多車廣告容易混淆，大家有冇同感？反而在報章、雜誌或社交網頁看廣告比較易入腦。

        　　另外想問大家，假如你今個周末打算買一輛新車，會帶同老婆仔女去商場睇車落訂簽單嗎？我個人傾向去陳列室坐低飲杯咖啡傾生意比較寧靜舒服，除非你想使開老婆仔女去商場購物然後自己去買車！據一些車行友好表示，周末車展很多時吸納到一些原本沒有意欲換車人士，尤其子女在商場忽然見到一款新車好鍾意跳上去不肯走，爸媽可能因此對該車（或該牌子）產生好感或興趣，產生買新車念頭。

        彭志揚

回應 (0)

我要發表

周末多車展

網誌分類

最新網誌

最新回應

月曆