曾智華 - 長他人志氣滅自己威風｜祿祿無窮
2022/10/14 11:13:02 網誌分類: 生活
當年，老師更用此句教埋英文——Boost other people's morale and reduce one's own courage！
人人都識解。不過，在往日的香港，甚少真正有感受。因曾幾何時，香港在方方面面，包括金融、財富、旅遊、創作、教育、自由……等，全部不但彈離內地，更彈離亞洲各個城市，包括近月「意氣風發」的新加坡。
曾經充滿傲氣的香港及香港人，如今？跨國企業家，過去一年，似「腳板搽牛油」，紛紛人才錢財移晒過新加坡。
一切有緣有故，亦是一個冇人逼的自由選擇。究竟點解會咁？
過去兩年，香港日日集中做的，只是防疫防疫防疫，恍似全世界人只為一個目標而活，就是防疫。防呀防，防到萬事停頓，「任人搶嘢」。有個小學生問我：「碌伯，個個國際城市都要防疫，點解只得香港防極都防唔完嘅呢？係人哋有問題定我哋有問題呢？」
真係唔知點答。要答，就真係會變成「長他人志氣滅自己威風」嘞。唯有沉默。
剛剛，收到S大狀訊息，問：「喂喂，碌Sir，點解班香港人貴貴搶機票都要去日本，但我哋就要送二萬張機票求人嚟，發生乜事呀？」
曾智華
回應 (0)
我要發表