胡慧沖 - 另類宣傳手法｜筆泰沖動
2023/07/21 03:24:28
網誌分類:
生活
首先是推出了齋芝士饀料，足足有20塊芝士的漢堡！目的當然唔係為吸引鍾意食芝士漢堡人士，主要係吸引大家影相呃Like……結果一傳十、十傳百於網上瘋傳，真係有人……就好像我這個傻佬，走去食跟住拍片影相打卡……
好唔好食？老實講，一啲都唔好食……將20塊芝士塞進口裏，那次我用了差不多半小時有多，才可以搞定這個漢堡，而且食到尾都有點反胃……話雖如此，這個消息在網上廣傳，令大家記得這品牌，已經成功了！
不過沒有最誇張，只有更誇張，之後這間漢堡包專門店更推出100塊牛肉嘅漢堡！絕對係「食得死人」！價錢大約10,000銖。當然有關方面亦都唔預真係有人去挑戰，但有冇人幫襯都好，起碼品牌宣傳已經成功了，大家食漢堡包時都會記得他們，日後再推出其他正常產品就更加容易。
今時今日做品牌推廣，其實好食、價錢平、衞生都已經唔再係賣點，賣點係引起大家關注，可以影相打卡先係王道！
如果這件事情在香港發生，就可能會有衞道之士覺得食死人、食壞人甚至乎浪費食物，但泰國有名你叫微笑之國，大家都包容一下，就當係一件開心事，笑下就算。
胡慧沖
回應
(0)
我要發表