KellyChu - 林慧卿4珍藏現港拍場 見證中國輝煌乒乓史｜Executive日記

講到中美關係，不得不提到「乒乓外交」，當中一位見證者，就係人稱「中國第一代削球女王」嘅林慧卿。Kelly得知，位於中環嘅普藝拍賣行有幸得到林慧卿四件珍藏，包括兩把分別匯集本人及莊則棟、梁戈亮、徐寅生、陸元盛等世乒賽冠軍簽名嘅球拍（見圖），非常珍貴，因為見證咗70年代中國輝煌嘅乒乓史。

52年前，喺日本名古屋世乒賽上，林慧卿獨攬女單、女雙和混雙三面金牌，成為中國首位獲此殊榮嘅乒壇女將。期間更同莊則棟等隊友一齊，拉開「小球推動大球轉」嘅序幕，促成美國乒乓球隊代表團訪華，從此打開中美建交大門。

林慧卿嘅珍藏，仲包括「端石龍紋硯」和「軍旅畫家黃胄所繪《三驢圖》」。今次首現香港拍場，十分難得，市民今日可到普藝展覽廳免費參觀，藏品周六早上10點起拍賣。

Kelly Chu