鄧達智 - 本來無一物｜智智樂GO

由盛事變瘀事，網絡無日無之無時無之，美斯同碧咸，仲有揮之不去嘅粉紅色波衫，縱使早已人去球空，仍有不少KOL或網上千字文、萬字文，有嘻笑，有怒罵，有鬥跨鬥臭，當然更多幸災樂禍⋯⋯猶如無疾而終的愛情，遠走高飛的戀人，永難達致的夢想，浮光掠影烏托邦；人老大了，經歷過了，回望，六祖慧能至正確不過：本來無一物，何處惹塵埃。

龍年祝願：

有得你着，着得靚啲

有得你玩，徹底淫玩

有得出遊，天涯海角

有得你食，食得好，食得盡興，唔好鬆口

諗起食；

今歲賀年最佳禮品：COVA 1817 Mini Fans迷你扇子酥。

秉承米蘭傳統配方，使用100%法國優質AOP牛油，每塊酥皮都以人手摺疊成扇子造型，烘焙呈金黃色⋯⋯

啊邊個嘅牛油XX酥都係咁香，咁好食啦，有乜特別啫？

係嘅，係嘅；口味嘅嘢，各自各風騷，千祈唔好比較。

一試，超級牛油香氣撩動食慾，幾乎秒殺半罐！I mean半罐，唔係半塊；真係好食到停唔到口，好食到冇朋友！

立即決定，真金白銀選購龍年賀年禮品，除了謝寧出品又係食到停唔到口嘅優質蛋卷系列外，就係2024年1月9號才在香港推出嘅COVA Mini Fans，百分之三百保證家中鍾愛香口嘢嘅大朋友，尤其小朋友，肯定收埋獨食。

細讀COVA Mini Fans包裝鐵罐；1817⋯⋯207年歷史，米蘭黃金地段商業中心，Montenapoleone老店，嚮往遠至自己仍是設計學院的歲月，Como山區Introbio的友人們帶領來過，日後公幹，時裝周；看着Armani碰到Versace於長Bar邊上Happy Hour，Linda，Naomi跟Christy行Show後，到此來一兩杯濃烈Cafe或cappuccino。

時裝黃金世代老好日子漸行漸遠，然而200多歲數的COVA，依然是我的心頭好。

鄧達智