乌龟点解可以甘长寿（前传）

    乌龟以前都某甘长命，同依家我地见到个样都唔一样。而且乌龟佢又好小气，又唔够人打，成日想报复，可惜自己又某功夫，经常比人当点心，一代又一代，几乎某晒江湖名号。

     乌龟就搵到左神仙，话要学功夫，要报仇，要响朵，死，都要轰轰烈烈。神仙见到个乌龟，成身肉团团，手脚又奇短，根本某可能系学功夫0既料，但系有见佢成个家族真系好可怜，再系甘报仇落去，迟早比人赵干净。就决定教佢D功夫，睇下乌龟D运气点。

神仙就同乌龟讲，“拿，依家教你D功夫，保证你报到仇，保证你响朵，不过你真系要好努力，某怨言，否则你会含家都涯产过沃！”

    乌龟都已经走投无路，就答应左。

    神仙第一时间就叫乌龟系个地上边学摸爬滚打，话你甘矮，学地躺功就岩晒。乌龟梗系好兴奋，就某日某夜甘连练。一练就20 几年，连到自己竟然皮厚肉硬，成个铁甲威龙甘，神仙都某教到其他杀人招数，乌龟发现连只虫都捉唔到，就怨神仙。

     神仙念下，怕佢某心机学落去，就话，甘喇，送只尖嘴比你叻。乌龟发现有左尖嘴捉虫容易左好多，都几高兴。神仙见佢高兴，就丢佢落海，要乌龟学游泳，学潜水。乌龟都某付，因为觉得仇家都可能识水性哦。就系水度又学左20几年游泳潜水，饿左就咬下D鱼虾，第一次有用“功夫”杀人0既感觉，当然好自豪。

     学完游泳，神仙又要乌龟练气功，今次就最辛苦，要乌龟缩个头入铁甲里面，唔准浮头，直到神仙准佢出来为止，但系间中又要学习个龟头快速进出甲壳，神仙话，甘就可以练气功同搵食两不误沃。乌龟就死下死下甘又练左20几年。

    神仙一日就同个乌龟讲，拿，你D功夫就学成喇，依家你记住，见到仇人出招，你就缩入甲壳度，等佢累晒你就伸个龟头去啄佢一口。你D功夫甘劲，D仇人见到你都瓜喇！包你D仇人死齐之后你个朵好响！

    乌龟就叩头谢恩，出发搵仇家报仇。手脚又短，又拖多个铁甲，某计，只好行行企企，抖下啖气先。

    经过20几年寻访，终于，如神仙所言，20年里，乌龟搵到0既所有仇家，都瓜晒老趁。而且乌龟都未出招，佢地都瓜左叻。有D老死，有D病死，有D比其他人打死、、、、、、

    乌龟终于发现，神仙教佢0既功夫，就系-------长命功！只要命长过仇家，你就可以讲呢句话-------“哼！睇你点死！”

    乌龟将“长命功”加料之后，就系甘世世代代传左落黎。

    当有个游客见到佢比砸左系床脚，叫佢缩头乌龟0既时候，乌龟就会念：“你个轮样，我睇你点死！”