花茶mui mui周記～等到死你咪好傻？
2009/08/01 00:22:16 網誌分類: 親情
地點：某粉紅三文魚餐廳
時間：午餐，爸爸和茶妹剛入座。
事發前：茶妹發嬲，原因是爸爸讚別人沒讚自己，爸爸講道理。
"爸爸，你做甚麼？"
"等你乖返囉！"
"我已經乖返啦！"
"但你仲嬲緊，同埋呢次你嬲得無理由！"
"咁我依家嬲少左啦，但梗係仲有少少嬲啦！"
"咁仲有少少，我要等你嬲完囉。"
"咁如果我嬲到你死果日仲嬲，你係咁等，咪好傻囉？"
"無辦法啦，你係我女女，等到死我都要等嫁啦。"
"......"
"......"
"好啦，咁我嬲完啦！"
"唔，咁就乖啦！"
～完～
P.S.
我等個女乖返，等到死都等；天父也一樣，等自己兒女悔改，等了8000年。
立冬姐：
我相信個個小朋友都得嫁，只要肯陪佢。
因為每個小朋友都望住自己父母長大，就算係孤兒，都會望住身邊既大人長大。
大人點，細路就會點。
尋日都見過一個阿媽，在街上猛鬧個仔「冚家橙」，我心唸「無救」啦，又一個男仔被母親破壞徹底淨盡，將來好大機會又一名滿口粗口的窩囊男生成為某人的老公，害人一生幸福，然後嫁佢果位女士，又生幾個童年悲哀的孩子（希望這循環在某個位可以切斷）。
其實因為我平時太軟林林，佢先會夠膽發我脾氣，佢對媽媽係比較唯命是從的。
昨日佢試我底線，結果搞到我要企硬，同佢講道理囉。
indy
Indy仔的教女方法，真係幾好，不過都要花茶本身係乖女至得。