高鐵GO!(五)這個肥佬幹甚麼？
百多年前，中國有個肥佬，發夢都想要起鐵路。
當時老外睇死佢起唔到，佢就用盡畢生智慧，起給全世界睇。
佢完成的鐵路，叫京張鐵路。佢係官，官有邊個係好人？
開條八達嶺隧道，好危險，分分鐘死好多人。
如果鐵路係多餘的話，咁佢一定係拿人命教非的中國千古罪人了。
佢係邊個？咪就係中國鐵路之父詹天佑。
昨晚我去到立法會，見到泛民和反鐵80後咁熱誠，真係「感動」！！
唸唔到百多年前，詹先生拼老命去起鐵路，今日小友拼命去反鐵路。
這是多麼的諷刺！
為免大家唔知我現在講反話，我重申，我撐高鐵！
關於詹天佑小傳，大家可參考這裡：
http://library.hwai.edu.tw/science/content/1976/00120084/0012.htm
＊京張鐵路通車。
Point 4 搭飛機吧！去深圳轉車吧！
又有人提出，到北京上海，搭飛機就可以啦！
又或者，真要搭高鐵，到深圳搭，也很快！
前者，有人用真金白銀投了不信任票。那就是巴菲特，最近巴菲特大手入的股票，是美國鐵路股，不是航空股。
航空業受油價影響非常巨大，而且論安全、天氣限制、運載量，相信都是快速列車優勝，應該是無得比。
至於到深圳搭高鐵的說法，陸Sir己答過。陸Sir說，如果你這麼倚重於深圳，將來深圳市發展起來，高鐵站便成為一個很強的籌碼，萬一兩市間有甚麼瓜葛，香港只能唯命是從。
其實，除了陸Sir這個觀點外，深圳有高鐵，香港沒有，也會做成文明上的差距。不要睇少小小差距。假設兩名小朋友，都愛上網搜集資料，進行網上學習。一個用高錕的光纖100M寬頻，一個還是用56K電話線。經過五年，雙方學問差距是多少？
電學上，電流通過兩條線路，A路電阻10歐姆，B路電阻5歐姆，電流很聰明，基本上大部分會奇妙地自動往B路流通。
同樣，深圳車快，香港車慢，人流物流和資金流，都會自動往深圳走去。
＊並列電路原理，高中物理必讀。
＊撐高鐵，希望港鐵能舉辦鐵路展覽，等我地鐵路迷開心下。
＊詹天佑故居
王誼山：
有左鐵路，先至可以唸辦法協調車速問題。
連鐵路都起唔到，就無得傾。
所以，第一步我地梗係撐左高鐵有得開工先。
以後快車慢車問題，可以進一步爭取。
未有dual core cpu，同人傾Windows 7好還是Windows XP好，有咩意思？
Pentium III係兩個OS都行唔到。
所以，撐左買新機先，再傾OS用邊款。
indy
在頭條BLOG裏頭有人話香好快玩完，最多廿年，給大陸經濟融化。
但現實香港和深圳已拉近不少，三十年前估唔到今日，今日估唔到三十年後的中國，或者政權易手也未可知。
現在能不能同大陸協調就是高鐵的快捷根本問題，香港如不融合，最終只廣武或廣扈高鐵的伸延支線，在特定地段，快不了許多。
王誼山:
你不是反高鐵的話，那就好說。
依你說法，你是反建制，爭公平，商榷選址。
那就不要用「反高鐵」的口號。
高鐵對我們支持者來說是極力保護的未來文物，有人反，就同佢拼。
如果你只是反對政府辦事手法，你可以喊「反黑箱」口號，高鐵有如我們心目中的熊貓，我們會出力去保護。
至於多站多停問題，係小問題，你搭過不停中途站的快車未？在日本，這種列車多的是。
多站多停係好易解決的運營問題，只要安排一些不停中途站列車班次，就可輕易解決。只是官員思考腦閉塞，先至唔識答你地。
深港融合得到的話，我都贊成，但制度差距太多，我質疑到底可否成功。簡單例子：融合後司法制度係咪仲可以獨立於行政和立法呢？
單是這問題已經殺死人。你認為可怎樣融合？
indy
當年返對進步，是以慈禧太后為首的一批上層主政保守派官員，今非昔比。
反對聲音由上而下，不同於現在的民意向背，但過去的舊勢力始終不敵歷史巨輪。
現在反高鐵，本質不是反對科學民生進步，而是反建制爭取平等待遇，主張利民的經濟實用建設。
香港實是小圈子小範圍，只得一千左右平方公里，但內部交通卻非常便利，橋樑隧道應有盡有，不受多山隔水阻絕，若以發展新經濟區空地，相形之下，除了西九，新界實在有其他選擇。我們不要短視現在，以短尺來度今，要看將來發展態勢，香港與深圳融合是必然之勢。區內多站多停必然影響真正高速鐵路的真義。
王誼山：
多謝回應。
首先，關於選址，我基本上不打算講太多，我撐高鐵，只是因為有人強烈地去反對。至於有鐵路就唔駛高鐵，我不同意你的想法。解說如下。
我們有的是56K式鐵路，人家要起100M寬頻級的鐵路，話預埋我地。
以前中國用木戰艦，人家用鐵甲艦，結果點，歷史已寫了。
瓦特發明的蒸汽機，令歐洲率先發生工業革命，結果中國文明大國的發展速度，一下子被歐洲比下去，國力變得懸殊。
歷史無數例子指出，一個技術的誕生，一國全力投入使用，另一國閉門不用，在此消彼長之下，出現的競爭力差距，大都可以令一個國家幾乎滅亡。
如果香港與世隔絕，自給自足，永不用與其他城市競爭，永不被發現，起不起高鐵有甚麼相干？
現在人家加速，用dual core電腦2G RAM，你仲用pentiumIII，你的生產力係低過人地幾多？有生意都唔會俾你做啦，因為你慢過哂全世界。注意，人家不會因為你仍然能夠處理文件而找你，因為世界上有太多人快過你。
高鐵作為一種新技術，香港唔優先應用，只會被人認為唔長進。有咩生意做，點解唔先同上海人傾左先？
唔好以為條鐵路起俾你去旅行用，高鐵係可以俾你去旅行，但主要目的並不在此。以後因高鐵，而造成的一日生活圈的方便，可以促進多少內地和港人的交流？
每一個交流，都可以為香港製造多一個發展和融合機會，涉及範圍可包括學術、企業、法律、政治、藝術。好多交流，本來因為交通不方便，是無可能做到。現在有高鐵的速度，會有很多人，在鐵路上因為時間方便了行程，而開始交流起來，做成的發展合作機會，可以倍數遞增。
所謂有交流就有運行，意思是任何範疇的合作機會率，可以全部提升。這種交流機會，沒高鐵的城市，是沒法想像的。
請看看地圖，世界上沒鐵路的地方，GDP是多少？有鐵路的地方，GDP是多少？就看日本，有新幹線和沒新幹線的地方，經濟發展差異有多大？一睇就知，前幾篇網誌我有出埋圖俾大家睇。但我估你應該無睇了。
實用價值同高昂撥款，對比起高鐵將來造成的倍增效應，我認為係小數目。騰訊升到100元，大家都覺得貴，現在係170元左右一股。咩叫貴？咩叫平？世界上好多價值係肉眼睇唔到，而所謂實用價值，都只係計眼前短視的價值。
而最大問題係，反對者口號係反高鐵，不是反高鐵造價貴咁簡單，而我眼中高鐵唔起好大鑊。
因為這樣，我才寫Blog撐高鐵。
謝謝賜教。
indy
比喻不倫，我們不是沒有鐵路，而當年是由上層反對下層，今非昔比。
而現在反對的是多方面，反對其迫徹性及實用價值，包括選址及高昂的撥款。
facebook撐高鐵組織徵求祝福詩句
寫了如下一首：
高鐵明鏡照魔妖
泛民劣拙民哀悲
跨黨超派議是非
黎民團結衛港基
中山早言鐵路志
小友苦行何所依
京港通車今可期
期待汽笛響千里
頭兩句係政治化左Ｄ，可以刪去，但確實表明我自己現在的心情。
多幾年，台灣友人話我知，佢地其實國民黨同民進黨都唔想選，當日選左陳水扁，只是覺得國民黨更差，這是用消去法選擇，十分無奈悲哀。
想不到今日我的處境，竟和他們一樣。
嘿嘿嘿。
indy
卿姐不在我的選區，我唸我無機會選佢。
其他泛民我全部blacklist至少一屆。
下次選，我唸我會選工聯會的人。
網誌連出五篇，都幾攰，休息下，遲幾日再寫。冬姐去完立會後都病左，可見撐高鐵都令人幾勞心。
”休息是為了走更遠的路”這句話是誰說的呢？
indy
早晨！！！泛民的確令人失望，年幾兩年前我已經講，民主黨幾個貴族走去另起爐灶，已經可以見到一定程度的分化，泛民係某程度上係互相攻擊，係五區總辭呢到已經見到，加埋個社民連，就似三國爭雄多d。不過慶幸既係，投票個時，佢地非常團結
早晨, QQ ^^
18,我咁講，係唔想一次過破壞哂自己對泛民的希望。起碼卿姐今次似個主席，我仲會信佢。
indy
indy，我諗車貴應該唔貴，廣州到武漢都係400幾蚊，但飛機票連稅就要過千，我指內陸機。而且我相信高鐵速度會越來越快，可能遲多幾年，去北京，6-7個鐘就得。頭先我拎返本孫中山既《建國方略》黎睇，真係唔寫個服字比孫中山都唔得！佢其中有一個係將人移民去蒙古，新彊，呢d地方！比著依家中共提出呢個政策，d人一定上海遊行都似。
emily，我估佢因為主席先咁樣，如果佢唔係財委會主席，我諗佢同其他泛民議員一樣.
Yes ar, 原來孫中山都講過咁既說話@@
18, 不知通車初期的車費貴不貴？不知返大陸旅行，在高鐵沿線有咩地方好玩？
今次事件真係照妖鏡，幾乎無一個泛民議員係以事論事，除了反對，甚麼也不會，只有卿姐一個算係按原則渣正黎做，似番個議員。我對香港泛民感到絕望了。
孫中山曾言：交通為實業之母，鐵路又為交通之母。
當年孫先生寫左本《建國方略》，依家既中國，其實大部分都跟住孫中山既走，青藏鐵路就係其中之一。其實如果真係有高鐵，我會搭去北京，十個鐘就十個鐘，最緊要平！
松花蛋好熟中國歷史喔QQ
通過了! 一直有看直播! 泛民拖不了.
看了六點半新聞，高鐵撥款通過了。
清朝時起鐵路，最初D老百姓都好反對，話破壞風水，祖墳等等。
中國的第一條鐵路，吳淞鐵路系英國人起的，后來因為中國人反對太厲害，清政府只好俾錢收購左條鐵路，然后拆左佢。
而家反對建鐵路的80后，就好象當年愚昧的中國人一樣。
＋２ Indy的分析力很強，希望多些人看你啦。
係通過到就好了，我都怕中途有意外。
我以前好少支持左派，今次反而想左派夠票撐過去。
毓民本來我好支持，今次之後，決定至少停止投佢地票一屆。
反鐵80好似把矛頭指向了曾蔭權。
不過，曾蔭權都只係做多一兩年，反唔反差別都唔大。
通唔通過都好，大家借今次開始熱烈討論鐵路，希望傾開可以繼續傾。
相互了解永遠係真正討論的最終目的。
indy
Indy, 應該這兩天可以通過了.
不過不知那些激進八十後如何反應?
草,
想不到京張鐵路有此故事, 真想不到.
突然覺得李鴻章等人當時之辛苦, 可惜制度不改, 憑幾個半拖不水的好官, 改不了當時的世界...
indy
支持! +1
拾扑
據說當年鐵路經過某 清朝廟宇 要用馬拖行, 因有人認為摩打聲會嚇親鬼神.
每件事總有別的聲音.