中港股市變造市溫床
2010/07/15 08:20:29
網誌分類:
未分類
轉載蘋果日報 : 青心直說 :中港股市變造市溫床
去年阿爺要振興經濟,自動波放水;今時銀行收水,資金散水,上證綜指由舊年 8月 4日 3478高位,反覆跌至今年 7月 2日低位 2319,足足唔見咗 33%,跌得耐自不然以為利淡盡頭是利好,隨時一個半個理由都可以被視為轉角市抄底博反彈,一而再再而三,股民已被國策挾持,明知阿爺邊有咁容易放生樓市,都一廂情願喪炒一番,總好過一潭死水。
之不過「中國人係要管嘅」,尤其是中國嘅官員更應該受規管,因為佢哋掌握晒關鍵嘅第一手國策內幕,而呢啲消息都係國家機密,足以影響投資市場,有必要小心處理。
官員吹風冇王管
就好似今年 5月 17日,內地媒體爭相報道國家發改委正牽頭相關部委,出台一項更嚴厲房地產調控政策。但《華夏時報》於 22日至引述發改委人士聲明:「此消息純屬張冠李戴。」其間淨係隻雅居樂( 3383)都跌咗一成。無獨有偶, 6月 21日發改委又喺網站上發表鄭重聲明,指相關部門人士從未向媒體發表過研究電價調整嘅言論,仲話網路報道不實,但又唔見有人追究失實報道,股民卻已再次因錯估形勢而中伏。
最新一則係自上周已傳得甚囂塵上嘅內房宏調鬆綁傳聞,一時話取消第三套房限貸,唔夠勁就加料嚟多個引述住建部副主任秦虹講話,當中港股民齊歡唱同慶賀之際,至出嚟話人錯誤解讀佢嘅意思。
內地咁多部委咁多官員,求其搵個講句都會影響股市,跟傳聞上車唔識快閃,隨時被玩謝冇仇報。
中港股市已經變成一個大賭場,賭政策取向、賭數據、賭中央心意,市場欠內幕就索性有人自製煙幕,直情係市場操控行為,今次見唔少大行分析員急不及待出嚟鬥快叫人上車買中資股。連中資股大好友摩通都講到明,話幾個主要板塊都有政策風險,大行都睇得咁謹慎,小股民又豈容盲目樂觀。
胡孟青
獨立股評人
祝聖誕快樂,新年進步,身體健康
相信大家都應明白香港樓市狂漲的原因!![{#201208122141403705_600w.gif} {#201208122141403705_600w.gif}](http://img.hkheadline.com/headline/blog/album_photos/5/30/64574/11/201409092347467004_600w.gif)
對於本港樓市前景,智庫組織「香港黃金五十」創辦人林奮強接受雜誌專訪時,更是大力唱好,大膽預期樓價不會跌,主要是住宅剛性需求仍強勁。
![](http://staticlayout.apple.nextmedia.com/web_images/layout/art_end.gif)
他表示:「現在樓市已沒有投資者,更沒有海外投資者,只有首次置業人士,樓市仍在升,即是說住宅的剛性需求好勁。」
另一方面,林奮強指出,香港經濟呈結構性增長。過去4年,當佔全世界GDP逾6成國家的經濟紛紛向下走時,期間香港經濟卻經歷結構性增長。
息口走勢方面,林奮強表示:「我看不到全世界10、20年後,息口跟現在相差好遠,我相信會跟現在差不多,其實你看10年債券息率,已告訴你無息加。」
http://hk.apple.nextmedia.com/realtime/finance/20140908/52878682
金龍兄晚安,謝謝到訪,很明顯今次的狂升是"政府放寬了雙倍印花稅的換樓期 限"而起,到底正苦玩把戲,或正苦被玩,最後香港窮人是大輸家。
始終都是689害死香港人。