煲仔飯
2012/12/06 17:57:05 網誌分類: 飲食
世上最殘忍的食物是甚麼?
煲「仔」飯!
入冬之後,吃煲仔飯的人特別多。我不太愛吃硬飯和飯焦,所以對此風味食物沒太大興趣,但最近有朋友向我透露他喜歡吃煲仔飯,還指明要鮮雞配潤腸。我當然義不容辭想去為他籌備,但同事馬上提醒我,患脂肪肝不宜吃潤腸,所以便打消了這個念頭。其實鮮雞可以配雲耳、冬菇或者蟲草花的。
煲仔飯的款式很多,除了鳳爪排骨、咸蛋肉餅、北菇滑雞、窩蛋牛肉、薑蔥鯇魚腩、白鱔片外,我最懷念的卻是兒時母親在寒冬下所炮製的「田雞焗飯」。因為以前的電飯煲不似現時的西施煲那樣完全密封,較容易散發香氣的,也可以有飯焦的效果,是另一種風味的煲仔飯。那時田雞的香氣會隨著飯鍋冒出的蒸氣,徐徐飄散至家裡每個角落,只要慢慢呼吸幾下,便會感受到一隻隻新鮮的田雞在味蕾上的活潑跳動。
以前的田雞是很鮮甜滋補的,只要加些醬油和薑絲,待白飯將熟之前放進去焗至骨肉分離便可以。煮田雞的時間越長,肉質會越滑,所以不必擔心過火會令肉質變韌。但據聞田雞的脊椎骨內有很多寄生蟲,所以處理時要額外小心。
田雞的味道已經大不如前,加上自己年紀大了,要看著牠們被魚販斬首剥皮的樣子,難免勾起一點點惻隱之心,於是可免則免了。然而留在腦海的那鍋田雞焗飯,那種令人垂涎三尺的香氣,卻隱藏在味覺神經中歷久不衰。
劏雞返而唔敢呀
Cashin,你和妹妹兩個真係好犀利啊!咁你地細個有無試過劏雞呀?
記得細個時同細妹一齊湯田雞,隻田雞剝皮後,啲神經線仲會跳
以前啲田雞真係好香架
Before 114問得好,下次問下賣田雞的人,田雞是否吃飼料長大的?
有20年冇食田雞, 但現在街市的田雞很大隻, 不知是吃了些甚麼人工飼料
我覺得田雞個outlook好噁心,我都係不敢吃佢地
立冬晚安
我鍾意食飯焦,怕左田雞。
indy
Wongi,妳真係幸福,可以吃到砂鍋田雞飯。
不學無術,等我有時間一於整番煲飯俾你睇下先。你慢慢等下啦。
心之,有時心癮難耐呀!吃一兩件潤腸都應該無問題的。明天去蛇王二買潤腸。
扇子,我覺得電飯煲煮出來的飯最好味!
EE,田雞真係睇到你架,所以佢可能真係望住你,叫你唔好食佢啦。
以前唔食,依家就唔好食了,因為田雞肉無以前咁好味了,到底佢地係食左咩呢?真係唔知點解?莫非現在的田雞是飼養的?
3哥過獎了,但我真係好鍾意食野,煮野都有番咁上下水準,所以可以跟大家分享下心得囉。
淺雪姐,買臘腸要買老字號啊!同事推介我買蛇王二的潤腸,我明天買些少試下先。
唔止田雞品種和味道大不如前..
許多食物都失真,,
簡單來說..昨天蒸了臘腸和潤腸,,在飯面蒸..
潤腸呢???蒸過的位置有跡可尋..香噴噴..
而臘腸??卻是飯面不留痕..
家人說那是豉油腸的腸衣是膠製造.即是塑化劑..
+1
立冬果然是食家。
係呢?點解而家田雞的味道已經大不如前?變左種?
講起田雞就令我想起廿多年前有位同事話過我知,田雞焗飯係好有益(營養),仲教埋我點煮(飯剛煮好就放佢連同冬菇片及薑絲),所以等唔使返工專程去街市搵佢嚟買,終於行到一檔係賣大魚兼有田雞賣的檔口時,個賣魚佬問我想買乜果陣,突然看見個籠內有隻田雞眼睜睜咁望住我,腦神經即時答佢話:唔好望住我呀,最多唔食你啦!
最後就買咗條魚尾返屋企做餸算了。
直到現在我仲未去買過田雞來食。
少食多滋味,唔食最回味。+1
能不能速遞幾個煲仔飯嚟嘆吓,每款1煲就不錯了,窩蛋牛肉最冇性格,改作陳皮牛肉餅得唔得呢。
送上好回憶的星星!
先祖母最拿手的菜,就是田雞飯,用砂鍋,很好吃的呢!
色香味,俱全啊!