沒有早知．．．
2013/01/02 18:30:33 網誌分類: 寫作
十二月三十日花了四個小時看了八個樓盤，質素較高的單位最少要三百八十萬，加上經紀佣金、厘印費、律師費等等，入場大約四百萬。嗚呼哀哉，磚頭貴得驚人！其中一個在兇宅樓下的單位，市場最低價三百三十九萬，問朋友是否買得過？個個都說：「你驚鬼就唔好買。」但我確實怕鬼，所以不貪便宜了，以免嚇死！
一月一日，經紀來電說屋苑出現一個超級筍盤，僅售三百二十萬，業主即將動筆簽約，如有興趣便幫我拖延業主．．．．。我說：「我連樓都未睇，點買呀？」買樓自住當然要謹慎小心，一旦單位有裂痕、水渠淤塞，便會應驗「屋漏兼逢連夜雨」的悲劇！
早知今日樓價升幅驚人，十年前去問朋友借錢買樓，現在便不用發愁！早知３８８今日升至一百四十二元，我在一百元時「訓身」買入，今日便有足夠首期！早知沙士時期能夠幸免於難，當年就用三十幾萬現金買個淘大花園！一切錯失在於自己無遠見、無膽色！
我一直為首期而努力，但樓價飆升已令目標變得遙不可及。五十年舊樓可能有一百多萬，新界偏遠地區可能有二百多萬，市區物業普遍要三百多萬。朋友建議我先上車，在偏遠地區買一層便宜的用來收租，自己在市區再租一間方便上班。但可恨小妹不是高薪人士，若然算盤打得不如意，一旦自己失業、一旦租客欠租，有甚麼差池豈非自取滅亡？
香港的福利很好，所以窮要窮得夠徹底，否則位處基層以上、中層以下的，永遠是社會最忽略的一群！
現在什麼都昂貴，苦了我們這些小市民
立冬晚安！
+12 而家上車，的確越來越難，很多人只能望車興嘆。如果唔嫌遠，新界區或者可以考慮一下。
如能早知.. 給我6個數字便好了.
+1
明既..我都有呢的遺憾..超遺憾添..
而家想起...
有早知都要有銀兩才能實行，好多時係因為當時缺錢，才沒有膽量去做。
萬一失業，可能仲慘，世事好難講。
其實好多人都想穩陣一點，保守一點，結果就後悔。＋１
沙士之後我見樓價平，想買樓，但家人反對，錯失了良機。到2009才用自己錢買了一個單位收租，現樓價都升了一倍。
怎樣才算是高薪人士？
美國QE狂揼水，令我們手中鈔票貶值，是他們把財富偷換去了。
靠市民憑自己判斷置業唔係咁實際，香港人好特別，市唔好唔肯入市，市旺時就想要樓，又要政府幫上車。但明明市唔好的時候，才是最抵買的時候。市旺時樓價高，政府想幫，都好易幫到乾塘啦！
香港應該多辦一些高級公屋，讓中產人士向政府定額租用，咁香港人就唔駛煩買樓了。買樓係高風險判斷，唔係人人做得好，如果政府真係信咩野自由市場，香港人的錢遲早給國際銀行家贏清光。
我家長者住的彩頤居（淘大旁邊），只要一次過付出35-60萬，便可以廉價月租租住，直到唔住為止，如有100歲命，可住到100歲。物業是政府的，唔係買。我覺得幾好！
當年就用三十幾萬現金買個淘大花園！一切錯失在於自己無遠見
哩個都係我一生人中錯過左最大擦身而過既機會,可惜當年自己真係無自住需要
又無識得啲高人指點
送上安慰星星！
誰能預計呢！？
有早知，沒有乞丐啦！這句俗語也有其道理呢！
立冬：
能知三日的事(六合彩開的冧把)我都發達啦