潑水節我來也！
2013/04/09 18:40:21
網誌分類:
生活
| 4月13日至15日是泰國的潑水節，即泰國新年，不少人問我潑水節期間去曼谷仲有冇得Shopping，出街會唔會畀人潑到成身濕晒，又或邊度最好玩，依家等我一次過話你知！ 其實各省份的新年日期都有少許不同，但主要是13日至15日，這段日子政府部門會休息，JJMarket平日只開周六及日，但因為今年撞正新年，本周市場會照開，但部份小販會回鄉過新年而不開檔。另外，商場百貨則會照常營業，遊客照樣可Shopping。 會否一出街就畀人潑？就得視乎地點，重災區如KhaoSanRoad、SilomRoad，或多或少都難逃一劫，但如果你身光頸靚、一臉茫然，泰人也會放過你。至於哪裏氣氛最好？首選是Silom，13日起晚上簡直變成瘋狂水世界，連消防車都狂情地向民眾放水炮！其次是KhaoSan路，大多是西方遊客，大街小巷水槍林彈雨，濕硬！個人並不建議去那裏，因為搭車來回萬分困難。最後是CentralWorld門外，去年已在門外廣場搞大型潑水活動，今年照舊。 如果不介意畀多少少錢，帶定重型水槍包架的士周圍去最好玩！先在車內隔住玻璃窗睇人點癲，之後在適當時候絞低玻璃窗用水槍射向目標，動作切記要快！想玩得貼身一點，可回到Silom區在人群中混戰，此區好玩之處是全身盡濕都可以坐BTS，最方便。另外，小心路上車輛及提防小手，祝大家有個開心又平安的潑水節！ 胡慧沖 |
 | |
回應
(0)
我要發表